အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ရှာ​ယ 17:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

မိမိ​လက်​နှင့်​လုပ်​သော ယဇ်ပလ္လင်​တို့​ကို မျှော်ကြည့်​မည်​မ​ဟုတ်​။ မိမိ​လက်ချောင်း​နှင့်​လုပ်​သော အာရှရ​နတ်ဘုရားမ​တံခွန်တိုင်​များ​၊ နံ့သာပေါင်း​ပူဇော်​ရာ​ယဇ်ပလ္လင်​များ​ကို​လည်း ဖူးမြင်​မည်​မ​ဟုတ်​။

အခန်းကိုကြည့်ပါ။

Common Language Bible

သူ​တို့​သည်​မိ​မိ​တို့​ကိုယ်​တိုင်​ပြု​လုပ်​ထား​သည့် ယဇ်​ပလ္လင်​များ​ကို​သော်​လည်း​ကောင်း၊ အာ​ရှ​ရ နတ်​သ​မီး​အား​ဝတ်​ပြု​ကိုး​ကွယ်​ရန် မိ​မိ​လက် စွမ်း​လက်​စ​တံ​ခွန်​တိုင်​များ​နှင့်​နံ့​သာ​ပေါင်း မီး​ရှို့​ရာ​ယဇ်​ပလ္လင်​များ​ကို​လည်း​ကောင်း ယုံ ကြည်​ကိုး​စား​ကြ​တော့​မည်​မ​ဟုတ်။

အခန်းကိုကြည့်ပါ။

Judson Bible

မိ​မိ​လက်​နှင့် လုပ်​သော​ယဇ်​ပ​လ္လင်​တို့​ကို မ​မှတ်​ရ။ မိ​မိ​လက်​ချောင်း​နှင့် လုပ်​သော​အ​ရာ​တည်း​ဟူ​သော အာ​ရှ​ရ​ပင်​တို့​ကို​လည်း​ကောင်း၊ ရုပ်​တု​တို့​ကို​လည်း​ကောင်း ပ​မာ​ဏ​မ​ပြု​ရ။

အခန်းကိုကြည့်ပါ။



ဟေ​ရှာ​ယ 17:8
29 ပူးပေါင်းရင်းမြစ်များ  

သူ​တို့​သည် မျှော်ကြည့်​သော်လည်း ကယ်တင်​မည့်​သူ မ​ရှိ​ပါ​။ ထာဝရဘုရား​ထံ​မျှော်ကြည့်​သော်လည်း သူ​တို့​ကို ထူး​တော်​မ​မူ​ပါ​။


ယုဒ​မြို့ရွာ​တို့​တွင် အထွတ်အမြတ်​ထား​ရာ​နေရာ​များ​၊ နံ့သာပေါင်း​မီးရှို့​ရာ​ယဇ်ပလ္လင်​များ​ကို​လည်း ဖယ်ရှား​ပစ်​၏​။ သူ့​လက်ထက်​တွင် နိုင်ငံ​တော်​အေးချမ်းသာယာ​လျက် ရှိ​၏​။


ပွဲတော်​အမှုကိစ္စ​အားလုံး​ပြီးစီး​သွား​သောအခါ ပွဲတော်​သို့​လာရောက်​သော​အစ္စရေး​လူမျိုး​အပေါင်း​တို့​သည် ယုဒ​မြို့ရွာ​များ​သို့ ထွက်သွား​ပြီး အထွတ်အမြတ်​ကျောက်တိုင်​များ​ကို ချိုးဖျက်​၍ အာရှရ​နတ်ဘုရားမ​တံခွန်တိုင်​များ​ကို​လည်း ခုတ်လှဲ​ပစ်​ကြ​၏​။ ယုဒ​ပြည်​၊ ဗင်္ယာမိန်​ပြည်​၊ ဧဖရိမ်​ပြည်​၊ မနာရှေ​ပြည် တစ်လျှောက်လုံး​ရှိ အထွတ်အမြတ်​ထား​ရာ​နေရာ​များ​၊ ယဇ်ပလ္လင်​များ​ကို အပြီးတိုင်​ဖျက်ဆီး​ပစ်​ကြ​၏​။ ထို့နောက် အစ္စရေး​အမျိုးသား​အပေါင်း​တို့​သည် မိမိ​တို့​ဆိုင်ရာ​မြို့​များ​သို့ အသီးသီး​ပြန်သွား​ကြ​လေ​၏​။


ဗာလ​ယဇ်ပလ္လင်​များ​ကို​လည်း သူ့​ရှေ့​၌​ဖြိုဖျက်​ပစ်​ကြ​၏​။ ထို​ယဇ်ပလ္လင်​ပေါ်ရှိ နံ့သာပေါင်း​ပူဇော်​ရာ​ယဇ်ပလ္လင်​များ​ကို​လည်း ချိုးဖျက်​ပစ်​၏​။ အာရှရ​နတ်ဘုရားမ​တံခွန်တိုင်​များ​၊ ထုလုပ်​သော​ရုပ်တု​များ​၊ သွန်းလုပ်​သော​ရုပ်တု​များ​ကို​လည်း တစ်စစီ​ချိုးဖဲ့ဖျက်ဆီး​ပစ်​ပြီး ယဇ်ပူဇော်​သော​သူ​တို့​၏​သင်္ချိုင်းဂူ​များ​ပေါ်တွင် ကြဲ​ပစ်​လိုက်​လေ​၏​။


သင်​သည် သူ​တို့​၏​ယဇ်ပလ္လင်​များ​ကို ဖြိုဖျက်​ပစ်​၍ သူ​တို့​၏​ကျောက်တိုင်​များ​ကို ဖြိုလှဲ​ရ​မည်​။ အာရှရ​နတ်ဘုရားမ​တံခွန်တိုင်​များ​ကို​လည်း ခုတ်လှဲ​ရ​မည်​။


အကယ်စင်စစ် သူ​တို့​သည် သင်​တို့​တပ်မက်​ခဲ့​သော​ဝက်သစ်ချပင်​တို့​ကြောင့် အရှက်ကွဲ​ရ​လိမ့်မည်​။ သင်​တို့ ရွေးချယ်​ခဲ့​သော​ဥယျာဉ်​တို့​ကြောင့် မျက်နှာပျက်​ရ​လိမ့်မည်​။


ထို​နေ့ရက်​တွင် ကြွင်းကျန်​သော​အစ္စရေး​လူမျိုး​နှင့် အသက်​ဘေးလွတ်​သော​ယာကုပ်​အမျိုးအနွယ်​တို့​သည် မိမိ​တို့​အား ရိုက်နှက်​သော​သူ​ကို နောက်တစ်ဖန်​မ​ကိုးစား​တော့​ဘဲ အစ္စရေး​လူမျိုး​၏​သန့်ရှင်း​သော​အရှင် ထာဝရဘုရား​ကို အမှန်ပင်​ကိုးစား​ကြ​လိမ့်မည်​။


ထို​နေ့ရက်​၌ သူ​၏​ခိုင်ခံ့​သော​မြို့​တို့​သည် အစ္စရေး​အမျိုးသား​တို့​ကြောင့် သူ​တို့​စွန့်ပစ်​ခဲ့​သော​တော​၊ သူ​တို့​စွန့်ပစ်​ခဲ့​သော​တောင်ထိပ်​ကဲ့သို့ လူသူကင်းမဲ့​ရာ​အရပ် ဖြစ်​လိမ့်မည်​။


သူ​တို့​ပြည်​သည် ရုပ်တု​များ​နှင့်​ပြည့်​၍ သူ​တို့​သည် မိမိ​တို့​လက်​ဖြင့်​လုပ်​သော​အရာ​၊ မိမိ​တို့​လက်ချောင်း​များ​ဖြင့် ပြုလုပ်​သော​အရာ​တို့​ကို ရှိခိုးကိုးကွယ်​ကြ​၏​။


ဤနည်းဖြင့် ကိုယ်တော်​သည် ယာကုပ်​အမျိုး​၏​အပြစ်​ကို ဖြေလွှတ်​တော်မူ​၏​။ ယဇ်ပလ္လင်​ကျောက်​ရှိသမျှ​တို့​ကို ထုံး​ကျောက်​ကဲ့သို့ အစိတ်စိတ်အမွှာမွှာ​ကျိုးပဲ့​စေ​၍ အာရှရ​နတ်ဘုရားမ​တံခွန်တိုင်​များ​၊ နံ့သာပေါင်း​ပူဇော်​ရာ​ယဇ်ပလ္လင်​များ​ကို ဖြိုလှဲ​ခြင်း​သည် သူ​၏​အပြစ်​ကို​ဖယ်ရှား​သည့်​အကြောင်းရင်း ဖြစ်​၏​။


သင်​တို့​သည် ငွေ​ဖြင့်​မွမ်းမံ​သော​ရုပ်တု​၊ ရွှေ​ဖြင့်​သွန်းလုပ်​သော​ရုပ်တု​တို့​ကို ညစ်ညူး​သည်​ဟု​မှတ်​လျက် ရာသီသွေး​စွန်း​သော​အဝတ်​ကဲ့သို့ လွှင့်ပစ်​၍ “​သွား​တော့​”​ဟု ဆို​လိမ့်မည်​။


သူ​တို့​၏​ဘုရား​များ​ကို​လည်း မီး​ထဲသို့​လွှင့်ပစ်​ကြ​ပြီ​။ ထို​ဘုရား​တို့​သည် ဘုရား​မ​ဟုတ်​၊ လူ့​လက်​ဖြင့်​လုပ်​သော သစ်သား​၊ ကျောက်​များ​သာ​ဖြစ်​သောကြောင့် ပျက်စီး​ကြ​လေ​ပြီ​။


သူ​တို့​အားလုံး​သည် အနတ္တသက်သက်​၊ သူ​တို့​ပြု​သော​အမှု​တို့​သည် အချည်းနှီးသက်သက်​၊ သူ​တို့​သွန်းလုပ်သောရုပ်တု​တို့​သည် အလဟဿ​၊ အချည်းနှီး​ဖြစ်​၏​။


လူ​သည် ထို​အပင်​တို့​ကို ထင်း​အဖြစ်​သုံး​၏​။ တစ်ပိုင်း​ကို​ယူ​၍ မီးလှုံ​၏​။ မီးမွှေး​၍​လည်း မုန့်​ဖုတ်​တတ်​၏​။ ဘုရား​ရုပ်တု​ကို​လည်း ပြုလုပ်​၍ ကိုးကွယ်​တတ်​၏​။ ရုပ်တုဆင်းတု​ထုလုပ်​၍ ပျပ်ဝပ်​တတ်​၏​။


သူ​တို့​၏​သားသမီး​များ​ပင် ကုန်း​မြင့်​များ​ပေါ်ရှိ စိမ်းလန်း​သော​သစ်ပင်​များ​အနီး​၌ မိမိ​တို့​တည်​ထား​သော​ယဇ်ပလ္လင်​များ​၊ အာရှရ​နတ်ဘုရားမ​တံခွန်တိုင်​များ​ကို စွဲလမ်း​ကြ​လေ​ပြီ​။


သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။


ဧဖရိမ်​က ‘ငါ​သည် ရုပ်တု​တို့​နှင့် မည်သို့​ဆိုင်​သေး​သနည်း’​ဟု ဆို​လိမ့်မည်​။ ငါ​သည် သူ့​စကား​ကို​ကြား​၍ သူ့​ကို​ကြည့်ရှုစောင်မ​မည်​။ ငါ​သည် စိမ်းလန်း​သော​ထင်းရှူးပင်​ကဲ့သို့ ဖြစ်၍ သင်​တို့​သည် ငါ့​ထံမှ အသီး​ကို ရရှိ​လိမ့်မည်​။”


မည်သူ​သည် ပညာရှိ​သနည်း​၊ သူ​သည် ထို​အရာ​တို့​ကို နားလည်​ပါစေ​။ မည်သူ​သည် ပိုင်းခြား​သိမြင်​နိုင်​သနည်း​၊ သူ​သည် ထို​အရာ​တို့​ကို သိနားလည်​ပါစေ​။ ထာဝရဘုရား​၏​နည်းလမ်း​တော်​သည် ဖြောင့်မတ်​သည်​ဖြစ်၍ ဖြောင့်မတ်​သော​သူ​တို့​သည် ထို​လမ်း​တော်​၌ လိုက်လျှောက်​ကြ​လိမ့်မည်​။ မတရား​သော​သူ​တို့​မူကား ထို​လမ်း​တော်​တွင် ခလုတ်တိုက်​လဲကျ​ကြ​လိမ့်မည်​။


“လူ​အပါအဝင် တိရစ္ဆာန်​တို့​ကို ဖျက်ဆီး​ပစ်​မည်​။ မိုးကောင်းကင်​ငှက်​နှင့် ပင်လယ်​ငါး​တို့​အပါအဝင် တိုက်မိ​၍​လဲ​စေ​မည့်​အရာ​များ​ကို ဆိုးယုတ်​သော​သူ​တို့​နှင့်အတူ ဖျက်ဆီး​ပစ်​မည်​။ ကမ္ဘာမြေ​ပေါ်​ရှိ​လူ​တို့​ကို အမျိုးပြုတ်​စေ​မည်”​ဟု ထာဝရဘုရား​မိန့်​တော်မူ​၏​။


ကောင်းကင်​ဗိုလ်ခြေ​အရှင်​ထာဝရဘုရား​က “​ထို​နေ့ရက်​တွင် ထို​ပြည်​မှ ရုပ်တု​တို့​၏​အမည်​များ​ကို ပြန်လည်​အမှတ်ရ​ခြင်း မ​ရှိ​လေ​အောင် ငါ ပယ်ဖျက်​ပစ်​မည်​။ ထိုနည်းတူ ထို​ပြည်​မှ ပရောဖက်​များ​နှင့် ဝိညာဉ်ဆိုး​များ​ကို​လည်း ဖယ်ရှား​ပစ်​မည်​။


ထို့ကြောင့် သူ​တို့​ကို ဤသို့​ပြု​ရ​မည်​။ သူ​တို့​၏​ယဇ်ပလ္လင်​များ​ကို ဖြိုဖျက်​၍ ကျောက်တိုင်​များ​ကို ဖြိုလှဲ​ရ​မည်​။ အာရှရ​နတ်ဘုရားမ​တံခွန်တိုင်​များ​ကို ခုတ်လှဲ​၍ ရုပ်တုဆင်းတု​များ​ကို မီး​ရှို့​ပစ်​ရ​မည်​။