ယေ​ဇ​ကျေ​လ 36:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

Common Language Bible

²⁵ ငါ​သည်​သင်​တို့​ကို​သန့်​စင်​သော​ရေ​ဖြင့်​ပက် ဖြန်း​၍ သင်​တို့​၏​ရုပ်​တု​များ​နှင့်​အ​ခြား ညစ်​ညမ်း​သည့်​အ​ရာ​ရှိ​သ​မျှ​မှ​သန့်​စင် သွား​စေ​မည်။-

Garrad Bible

²⁵ သင် တို့ စင် ကြယ် ရာ ရောက် အောင်၊ စင် ကြယ် သော ရေ ဖြင့် ဖျန်း ၍၊ ရုပ် ပွား ဆင်း တု အ မျိုး မျိုး၊ အ ညစ် အ ကြေး အ မျိုး မျိုး နှင့် စင် ကြယ် စေ မည့် ပြင်၊

Judson Bible

²⁵ သင်​တို့​အ​ပေါ်​မှာ သန့်​ရှင်း​သော​ရေ​ကို ဖျန်း​သ​ဖြင့်၊ သင်​တို့​ကို ခပ်​သိမ်း​သော အ​ညစ်​အ​ကြေး​မှ​စ၍ ခပ်​သိမ်း​သော ရုပ်​တု​တို့​နှင့် ကင်း​စင်​စေ​မည်။

ယေ​ဇ​ကျေ​လ 36:25 ပူးပေါင်းရင်းမြစ်များ

ဆာ​လံ 51:2

အကျွန်ုပ်​၏​ဒုစရိုက်​ကို အကုန်အစင်​ဆေးကြော​၍ အကျွန်ုပ်​၏​အပြစ်​မှ အကျွန်ုပ်​ကို​စင်ကြယ်​စေ​တော်မူ​ပါ​။

ဆာ​လံ 51:7

အကျွန်ုပ်​ကို ဟုဿုပ်ခက်​ဖြင့် သန့်စင်​စေ​တော်မူ​ပါ​။ ထိုအခါ အကျွန်ုပ်​သည် စင်ကြယ်​ပါ​လိမ့်မည်​။ အကျွန်ုပ်​ကို​ဆေးကြော​တော်မူ​ပါ​။ ထိုအခါ အကျွန်ုပ်​သည် နှင်းပွင့်​ထက် ပို၍​ဖြူ​ပါ​လိမ့်မည်​။

ဆာ​လံ 51:9

အကျွန်ုပ်​၏​အပြစ်​များ​မှ မျက်နှာ​တော်​လွှဲ​၍ အကျွန်ုပ်​၏​ဒုစရိုက်​အားလုံး​ကို ပယ်ဖျက်​တော်မူ​ပါ​။

သုတ္တံကျမ်း။ 30:12

မိမိ​၏​အညစ်အကြေး​ကို မ​ဆေးကြော​ဘဲ ကိုယ့်ကိုယ်ကိုယ်​စင်ကြယ်​သည်​ဟု ထင်မြင်​သော​သူ​များ​ရှိ​၏​။

ဟေ​ရှာ​ယ 4:4

ဘုရားရှင်​သည် တရားစီရင်​ခြင်း​ဝိညာဉ်​၊ လောင်ကျွမ်း​ခြင်း​ဝိညာဉ်​တို့​ဖြင့် ဇိအုန်​သမီး​တို့​၏​အညစ်အကြေး​ကို​ဆေးကြော​၍ ဂျေရုဆလင်​မြို့​ထဲ​မှ သွေး​တို့​ကို သန့်စင်​စေ​တော်မူ​မည်​။

ဟေ​ရှာ​ယ 52:15

သူ​သည် လူမျိုး​များစွာ​တို့​ကို သန့်ရှင်း​စေ​မည်​။ ရှင်ဘုရင်​တို့​သည် သူ့​ကြောင့် နှုတ်​ပိတ်​လျက်​နေ​မည်​။ အကြောင်းမူကား သူ​တို့​အား မ​ပြောပြ​ဖူး​သော​အရာ​ကို သူ​တို့​သိမြင်​ကြ​လိမ့်မည်​။ သူ​တို့​မ​ကြား​ဖူး​သော​အရာ​ကို​လည်း သူ​တို့​နားလည်​ကြ​လိမ့်မည်​။

ယေ​ရ​မိ 33:8

ငါ့​ကို​ပြစ်မှား​ခဲ့​သော​အပြစ်​ရှိသမျှ​တို့​နှင့် သူ​တို့​ကို​ကင်းစင်​စေ​မည်​။ ငါ့​ကို​ပြစ်မှား​ခြင်း​၊ ငါ့​ကို​ပုန်ကန်​ခြင်း​အပြစ်​ရှိသမျှ​တို့​ကို ငါ​ခွင့်လွှတ်​မည်​။

ယေ​ဇ​ကျေ​လ 16:9

‘သွေး​ဖြင့်​ပေကျံ​နေ​သော​သင့်​ကို ရေ​ဖြင့်​ဆေးကြော​ပေး​၏​။ ဆီ​လိမ်း​ပေး​၏​။

ယေ​ဇ​ကျေ​လ 36:17

“​အချင်း​လူသား​၊ အစ္စရေး​အမျိုး​တို့​သည် မိမိ​တို့​ပြည်​၌​နေထိုင်​စဉ်က သူ​တို့​၏​အပြုအမူ​အကျင့်အကြံ​များ​ဖြင့် ပြည်​ကို​ညစ်ညူး​စေ​ကြ​၏​။ သူ​တို့​၏​အပြုအမူ​အကျင့်အကြံ​တို့​သည် ဓမ္မတာလာ​သော​မိန်းမ မစင်ကြယ်​သကဲ့သို့​ဖြစ်​၏​။

ယေ​ဇ​ကျေ​လ 36:29

သင်​တို့​ကို မသန့်ရှင်း​သော​အပြုအမူ​များ​မှ ကယ်တင်​မည်​။ ကောက်ပဲသီးနှံ​များ​ကို​လည်း ပေါများ​စေ​မည်​။ သင်​တို့​ကို ငတ်မွတ်​ခြင်း​ဘေး​နှင့် ကြုံ​စေ​မည်​မ​ဟုတ်​။

ယေ​ဇ​ကျေ​လ 37:23

သူ​တို့​သည် ရုပ်တု​များ​၊ စက်ဆုပ်ရွံရှာဖွယ်​အရာ​များ​နှင့် အပြစ်​အမျိုးမျိုး​ကျူးလွန်​ခြင်း​တို့​ဖြင့် ကိုယ်ကို​ညစ်ညူး​စေ​တော့​မည်​မ​ဟုတ်​။ သူ​တို့​အပြစ်ပြု​လေ​ရာ​အရပ်ရပ်​တို့​မှ သူ​တို့​ကို​ကယ်နုတ်​၍ သူ​တို့​ကို​စင်ကြယ်​စေ​မည်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​။

ဟော​ရှေ 14:3

အဆီးရီယား​ပြည်​သည် အကျွန်ုပ်​တို့​ကို မ​ကယ်တင်​နိုင်​ပါ​။ အကျွန်ုပ်​တို့​သည် မြင်း​မ​စီး​တော့​ပါ​။ ကိုယ့်​လက်​ဖြင့်​လုပ်​သော​အရာ​တို့​ကို ‘​အကျွန်ုပ်​တို့​၏​ဘုရား​’​ဟု မ​ဆို​တော့​ပါ​။ အကြောင်းမူကား ကိုယ်တော်​သည် ဖတဆိုး​တို့​ကို သနားစုံမက်​တော်မူ​ပါ​၏​”​ဟု လျှောက်ဆို​လော့​။

ဟော​ရှေ 14:8

ဧဖရိမ်​က ‘ငါ​သည် ရုပ်တု​တို့​နှင့် မည်သို့​ဆိုင်​သေး​သနည်း’​ဟု ဆို​လိမ့်မည်​။ ငါ​သည် သူ့​စကား​ကို​ကြား​၍ သူ့​ကို​ကြည့်ရှုစောင်မ​မည်​။ ငါ​သည် စိမ်းလန်း​သော​ထင်းရှူးပင်​ကဲ့သို့ ဖြစ်၍ သင်​တို့​သည် ငါ့​ထံမှ အသီး​ကို ရရှိ​လိမ့်မည်​။”

ဟော​ရှေ 14:9

မည်သူ​သည် ပညာရှိ​သနည်း​၊ သူ​သည် ထို​အရာ​တို့​ကို နားလည်​ပါစေ​။ မည်သူ​သည် ပိုင်းခြား​သိမြင်​နိုင်​သနည်း​၊ သူ​သည် ထို​အရာ​တို့​ကို သိနားလည်​ပါစေ​။ ထာဝရဘုရား​၏​နည်းလမ်း​တော်​သည် ဖြောင့်မတ်​သည်​ဖြစ်၍ ဖြောင့်မတ်​သော​သူ​တို့​သည် ထို​လမ်း​တော်​၌ လိုက်လျှောက်​ကြ​လိမ့်မည်​။ မတရား​သော​သူ​တို့​မူကား ထို​လမ်း​တော်​တွင် ခလုတ်တိုက်​လဲကျ​ကြ​လိမ့်မည်​။

ဝတ်​ပြု 16:30

အကြောင်းမူကား သင်​တို့​သည် ထာဝရဘုရား​ရှေ့​တော်​၌ မိမိ​တို့​၏​အပြစ်​ရှိသမျှ​မှ စင်ကြယ်​ကြ​မည့်​အကြောင်း ထို​နေ့​၌ ယဇ်ပုရောဟိတ်​သည် သင်​တို့​စင်ကြယ်​စေရန် သင်​တို့​အတွက် အပြစ်ဖြေလွှတ်​ခြင်း​ကို​ပြု​ပေး​မည်​။

မိက္ခာ 5:12

သင်​တတ်မြောက်​သော​မှော်အတတ်​များ​ကို သင့်​ထံမှ ငါ​ဖယ်ရှား​ပစ်​မည်​။ ဗေဒင်ဟော​သော​သူ​များ​လည်း သင်​၌ ရှိ​တော့​မည်​မ​ဟုတ်​။

တော​လည် 8:7

သူ​တို့​စင်ကြယ်​အောင် ဤသို့​ပြု​ရ​မည်​။ သူ​တို့​အပေါ် စင်ကြယ်​စေ​ခြင်း​ဆိုင်ရာ​ရေ​ကို ဖျန်း​ရ​မည်​။ သူ​တို့​သည် တစ်ကိုယ်လုံး​ရှိ​အမွေး​များ​ကို​ရိတ်​ပြီး အဝတ်​များ​ကို လျှော်​ခြင်း​ဖြင့် မိမိကိုယ်မိမိ စင်ကြယ်​စေ​ရ​မည်​။

ရှင်ယောဟန် 13:8

ပေတရု​က “အကျွန်ုပ်​၏​ခြေ​ကို လုံးဝ​ဆေး​တော်​မ​မူ​ပါ​နှင့်”​ဟု လျှောက်​လေ​၏။ ယေရှု​က​လည်း“သင့်​ကို​ငါ​မ​ဆေး​ရ​လျှင် သင်​သည် ငါ​နှင့်​မ​သက်ဆိုင်”​ဟု ပြန်​၍​မိန့်​တော်မူ​၏။

ရှင်ယောဟန် 3:5

ယေရှု​က“သင့်​အား ငါ​အမှန်အကန်​ဆို​မည်။ လူ​သည် ရေ​နှင့်​ဝိညာဉ်​တော်​အားဖြင့် မွေးဖွား​ခြင်း​ကို​မ​ခံ​လျှင် ဘုရားသခင်​၏​နိုင်ငံ​တော်​သို့​မ​ဝင်​နိုင်။

တမန်တော်ဝတ္ထု 22:16

ယခု​မှာ အဘယ်ကြောင့် ဆိုင်းငံ့​နေ​သနည်း။ ထ​လျက် ကိုယ်တော်​၏​နာမ​တော်​ကို ပတ္ထနာ​ပြု​၍ ဗတ္တိဇံ​ခံ​ပြီး သင်​၏​အပြစ်​များ​ကို​ဆေးကြော​လော့’​ဟု ဆို​လေ​၏။

၁ ကော 6:11

သင်​တို့​တွင် အချို့​သော​သူ​တို့​သည် ထိုသို့​သော​သူ​များ​ဖြစ်​ခဲ့​ကြ​၏။ သို့သော် သင်​တို့​သည် သခင်​ယေရှု​ခရစ်တော်​၏​နာမ​တော်​နှင့် ငါ​တို့​ဘုရားသခင်​၏​ဝိညာဉ်​တော်​အားဖြင့် ဆေးကြော​ခြင်း​ခံရ​၍ သန့်ရှင်း​စေ​ခြင်း​ခံရ​ကာ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြ​၏။

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

ဟေ​ဗြဲ 9:19

အကြောင်းမူကား မောရှေ​သည် ပညတ်​တရား​ကျမ်း​၌​ပါ​သမျှ​သော​ပညတ်​ချက်​တို့​ကို လူ​အပေါင်း​တို့​အား​ကြေညာ​ပြီးလျှင် ရေ​နှင့်​ရောနှော​သော နွားသငယ်​နှင့်​ဆိတ်​တို့​၏​သွေး​ကို​ယူ​၍ ထို​ကျမ်း​မှစ၍ လူ​အပေါင်း​တို့​ကို နီမြန်း​သော​သိုးမွေး​နှင့်​ဟုဿုပ်​ညွန့်​ဖြင့် ပက်ဖျန်း​လျက်

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။

၁ ယော 5:6

ယေရှု​ခရစ်တော်​သည် ရေ​နှင့်​သွေး​အားဖြင့် ကြွလာ​တော်မူ​သော​အရှင်​ဖြစ်​၏။ ရေ​အားဖြင့်​သာ​မ​ဟုတ်​ဘဲ ရေ​နှင့်​သွေး​အားဖြင့်​ကြွလာ​တော်မူ​၏။ ဝိညာဉ်​တော်​သည် သက်သေခံ​သော​အရှင်​ဖြစ်​၏။ အကြောင်းမှာ ဝိညာဉ်​တော်​သည် သမ္မာတရား​ဖြစ်​တော်မူ​၏။

ဗျာ​ဒိတ် 1:5

သစ္စာ​ရှိ​သော​သက်သေ၊ သေ​သော​သူ​တို့​ထဲမှ အဦးဆုံး​ဖွားမြင်​လာ​သူ၊ ကမ္ဘာ​မြေကြီး​၏​ရှင်ဘုရင်​တို့​ကို​အုပ်ချုပ်​သူ ဖြစ်တော်မူ​သော ယေရှု​ခရစ်တော်​ထံမှ​လည်းကောင်း ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​ရှိ​ပါစေ​သော။ ငါ​တို့​ကို​ချစ်​တော်မူ​၍ မိမိ​၏​သွေး​တော်​အားဖြင့် ငါ​တို့​အပြစ်​များ​မှ ငါ​တို့​ကို​ဖြေလွှတ်​ကာ

ဗျာ​ဒိတ် 7:14

ငါ​က​လည်း “သခင်၊ ကိုယ်တော်​သိ​ပါ​၏”​ဟု ပြန်လျှောက်​လျှင် ထို​သူ​က “ဤ​သူ​တို့​သည် ကြီးစွာ​သော​ဆင်းရဲ​ဒုက္ခ​ထဲမှ ထွက်လာ​သော​သူ​များ​ဖြစ်​ကြ​၏။ သူ​တို့​သည် မိမိ​တို့​၏​ဝတ်လုံ​များ​ကို သိုးသငယ်​တော်​၏​သွေး​တော်​အားဖြင့် လျှော်ဖွပ်​လျက် ဖြူဖွေး​စေ​ကြ​၏။