အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ယေ​ရ​မိ 9:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

သူ​တို့​နှင့်​သူ​တို့​၏​ဘိုးဘေး​များ​မ​သိ​ဖူး​သော လူမျိုးခြား​တို့​တွင် သူ​တို့​ကို ကွဲလွင့်​စေ​မည်​။ သူ​တို့​လုံးဝ​ပျက်စီး​သွား​သည့်​တိုင်အောင် ဓားဘေး​သင့်​စေ​မည်​”​ဟု မိန့်​တော်မူ​၏​။

အခန်းကိုကြည့်ပါ။

Common Language Bible

ငါ​သည်​သူ​တို့​နှင့်​သူ​တို့​ဘိုး​ဘေး​များ​ပင် မ​ကြား​ဘူး​သည့်​လူ​မျိုး​များ​အ​ထဲ​တွင် သူ တို့​အား​ပျံ့​လွင့်​သွား​စေ​မည်။ ထို​နောက်​သူ​တို့ အား​လုံး​ဝ​ပျက်​စီး​သည့်​တိုင်​အောင် တိုက်​ခိုက် ရန်​စစ်​တပ်​များ​ကို​ငါ​စေ​လွှတ်​မည်'' ဟု​မိန့် တော်​မူ​၏။

အခန်းကိုကြည့်ပါ။

Garrad Bible

ဘိုး ဘေး တို့ မှ စ၍ ကိုယ် တိုင် မ သိ ဘူး သော လူ မျိုး ခြား တို့ တွင်၊ ကွဲ လွင့် စေ သည့် ပြင်၊ ကုန် ခန်း သည့် တိုင် အောင်၊ ဓား ဘေး သင့် စေ မည် ဟူ ၍ တည်း။

အခန်းကိုကြည့်ပါ။

Judson Bible

သူ​တို့​မ​သိ၊ ဘိုး​ဘေး​မ​သိ​ဖူး​သော​လူ​မျိုး​တို့​တွင် အ​ရပ်​ရပ်၌​ကွဲ​ပြား​စေ​မည်။ ရှင်း​ရှင်း​မ​ဖျက်​ဆီး​မီ​တိုင်​အောင်၊ သူ​တို့​နောက်​သို့ ဓား​ဘေး​ကို စေ​လွှတ်​မည်။

အခန်းကိုကြည့်ပါ။



ယေ​ရ​မိ 9:16
29 ပူးပေါင်းရင်းမြစ်များ  

ကိုယ်တော်​၏​အစေအပါး​မောရှေ​အား ‘​သင်​တို့ သစ္စာမဲ့​လျှင် သင်​တို့​ကို လူမျိုးတကာ​တို့​အလယ်​သို့ ကွဲလွင့်​စေ​မည်​။


သူ​တို့​၏​သားစဉ်မြေးဆက်​တို့​ကို အပြည်ပြည်​အရပ်ရပ်​သို့​ကွဲလွင့်​စေ​လျက် လူမျိုးခြား​တို့​အလယ်​တွင် ကျဆုံး​စေ​မည်​ဟူ၍​လည်းကောင်း လက်​တော်​ကို​မြှောက်​၍​ကျိန်ဆို​တော်မူ​၏​။


လူ​တို့​သည် မြင့်​သော​နေရာ​နှင့်​လမ်း​ပေါ်မှ​အန္တရာယ်​များ​ကို ကြောက်​ကြ​လိမ့်မည်​။ ဗာဒံပင်​သည် ပွင့်​လိမ့်မည်​။ နှံကောင်​သည် လေးကန်​စွာ​လျှောက်သွား​လိမ့်မည်​။ အလိုရမ္မက်​သည် ပယ်ဖျက်​ခြင်း​ခံရ​လိမ့်မည်​။ လူ​သည် ထာဝရ​အိမ်​သို့​သွား​နေ​သည်​ဖြစ်၍ မြည်တမ်း​သော​သူ​တို့​သည် လမ်း​၌ လှည့်ပတ်​သွား​ကြ​လိမ့်မည်​။


သို့ဖြစ်၍ ကန္တာရ​လေ​တိုက်သွား​သော​ဖွဲ​ကဲ့သို့ သူ​တို့​ကို ငါ​ကွဲလွင့်​စေ​မည်​။


သူ​တို့​နှင့် သူ​တို့​၏​ဘိုးဘေး​တို့​အား ငါ​ပေး​သော​ပြည်​တွင် သူ​တို့​တစ်ယောက်​မျှ​မ​ကြွင်းကျန်​တော့​သည့်​တိုင်အောင် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ကို သူ​တို့​ထံ စေလွှတ်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။


ထို့နောက် ထို​သူ​တို့​အား “အစ္စရေး​လူမျိုး​တို့​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​ထံ ငါ​စေလွှတ်​သော​ဓား​ကြောင့် သောက်​၍ မူး​ကြ​၊ အန်​ကြ​၊ လဲ​ကြ​။ သင်​တို့ ပြန်ထ​နိုင်​မည်​မ​ဟုတ်’​ဟူ၍ မိန့်​တော်မူ​သည်”​ဟု သင်​ဆင့်ဆို​ရ​မည်​။


ကောင်းကင်​ဗိုလ်ခြေ​အရှင်​ထာဝရဘုရား​က ကြည့်ရှု​လော့​။ ငါ​သည် သူ​တို့​ကို ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် ကြုံတွေ့​စေ​မည်​။ စား​၍​မ​ရ​အောင် ပုပ်​နေ​သော​သဖန်းသီး​ကဲ့သို့ ဖြစ်​စေ​မည်​။


ကြည့်ရှု​လော့​။ သူ​တို့​ကို အကောင်း မ​ဟုတ်​၊ အဆိုး​ပြု​ရန် ငါ​ကြည့်​နေ​၏​။ အီဂျစ်​ပြည်​ရှိ ယုဒ​လူမျိုး​အပေါင်း​တို့ တစ်ယောက်မကျန် ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​ဖြင့် ဖျက်ဆီး​ခြင်း​ခံရ​မည်​။


သင်​တို့​၏​ဆံပင်​ကို​ရိတ်​၍ လွှင့်ပစ်​လော့​။ တောင်ကတုံး​များ​ပေါ်၌ မြည်တမ်း​ခြင်း​ပြု​ကြ​လော့​။ အကြောင်းမူကား ထာဝရဘုရား​သည် အမျက်​တော်​ခံထိုက်​သော​မျိုးဆက်​ကို ပယ်​တော်မူ​ပြီ​၊ စွန့်ပစ်​တော်မူ​ပြီ’​ဟူ၍ ပြောကြား​ရ​မည်”​ဟု မိန့်​တော်မူ​၏​။


“ဇိအုန်​မြို့​၌ ထာဝရဘုရား မ​ရှိ​သလော​။ ထို​မြို့​၌​ရှင်ဘုရင် မ​ရှိ​သလော ဟူ၍​ဝေးလံ​သော​ပြည်​မှ ငါ့​လူမျိုး​သမီးပျို​၏​အော်ဟစ်သံ​ကို ကြား​ရ​ပါ​ပြီ​တကား​။ သူ​တို့​ကိုးကွယ်​သော​ရုပ်တုဆင်းတု​များ​၊ တိုင်းတစ်ပါးသား​တို့​ကိုးကွယ်​သော​ရုပ်တု​များ​ဖြင့် သူ​တို့​သည် ငါ့​ကို အဘယ်ကြောင့် အမျက်ထွက်​စေ​ကြ​သနည်း​။”


ထို့ကြောင့် ‘ဘုရားရှင်​ထာဝရဘုရား​က သင်​တို့​ကို လူမျိုးတကာ​တို့​မှ ပြန်လည်​စုစည်း​မည်​။ သင်​တို့​ကွဲလွင့်​ရာ​အရပ်ရပ်​တို့​မှ သင်​တို့​ကို ပြန်ခေါ်လာ​မည်​။ အစ္စရေး​ပြည်​ကို သင်​တို့​အား ပြန်ပေး​မည်​ဟူ၍ မိန့်​တော်မူ​သည်’​ဟု ပြောကြား​လော့​။


သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​သောအခါ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။


“သို့မဟုတ် တိုင်းပြည်​တွင် ဓားဘေး​ကျရောက်​စေ”​ဟု ငါ​အမိန့်ပေး​သဖြင့် ဓားဘေး​ကျရောက်​၍ လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​ပစ်​မည်​ဆို​ပါစို့​။


ထို့ပြင် ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​မည်​ဟု တောကန္တာရ​၌ သူ​တို့​အား ကျိန်ဆို​ခဲ့​၏​။


“​အချင်း​လူသား​၊ တိုင်ရာ​မြို့​အတွက် ငိုချင်း​ချ​လော့​။


လူ​သုံးပုံတစ်ပုံ​သည် ကပ်ရောဂါ​ဘေး​၊ ငတ်မွတ်ခေါင်းပါး​ခြင်း​ဘေး​ဖြင့် သင်​တို့​အလယ်​တွင် သေကျေ​ပျက်စီး​ကြ​မည်​။ ကျန်​သုံးပုံတစ်ပုံ​သည် ဓားဘေး​ဖြင့် သင်​တို့​ပတ်ပတ်လည်​တွင်​ကျဆုံး​ကြ​မည်​။ ကျန်​သုံးပုံတစ်ပုံ​သည် လေနှင်ရာ​အရပ်ရပ်​သို့ ကွဲလွင့်​သွား​မည်​။ ငါ​သည် ဓား​ကို​ထုတ်​၍ သူ​တို့​နောက်​ကို​လိုက်​မည်’​ဟု မိန့်​တော်မူ​၏​။


မြို့​ကို​ဝိုင်း​ထား​သော​နေ့​စေ့​သောအခါ ထို​အထဲ​မှ သုံးပုံတစ်ပုံ​ကို မြို့​ထဲ​တွင် မီးရှို့​ပစ်​လော့​။ နောက်ထပ်​သုံးပုံတစ်ပုံ​ကို မြို့​ထဲ​လှည့်လည်​၍ ဓား​ဖြင့်​ခုတ်ဖြတ်​လော့​။ နောက်ထပ်​သုံးပုံတစ်ပုံ​ကို လေ​ထဲသို့​လွှင့်ပစ်​လိုက်​လော့​။ ငါ​သည် ထို​အစု​နောက်​သို့ ဓား​ကို​လွှတ်​လိုက်​မည်​။


ငါ​သည် သင်​တို့​ကို လူမျိုးခြား​တို့​ထဲတွင် ကွဲလွင့်​စေ​မည်​။ ဓား​ကို​ထုတ်​၍ သင်​တို့​နောက်​ကို​လိုက်​မည်​။ သင်​တို့​၏​ပြည်​သည် လူသူကင်းမဲ့​၍ သင်​တို့​၏​မြို့​တို့​သည် ပြိုပျက်​လိမ့်မည်​။


ထို့ကြောင့် ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား ဤသို့​မိန့်​တော်မူ​ပြီ​။ ထာဝရဘုရား​က “​လမ်းဆုံလမ်းခွ​၌ ငိုကြွေး​ကြ​လိမ့်မည်​။ လူစည်ကား​ရာ​နေရာ​ရှိသမျှ​၌ ‘​အလိုလေး​၊ အလိုလေး​’​ဟု အော်ဟစ်​ကြ​လိမ့်မည်​။ ငိုကြွေးမြည်တမ်း​ရန် လယ်သမား​တို့​ကို ခေါ်​ကြ​လိမ့်မည်​။ ငိုချင်းချ​ရန် ငိုချင်းသည်​တို့​ကို ခေါ်​ကြ​လိမ့်မည်​။


ထို​နေ့ရက်​၌ လူ​တို့​က သင်​တို့​ကို ပုံခိုင်း​၍ ‘ငါ​တို့ လုံးလုံး​ပျက်စီး​ကြ​ရ​ပြီ​။ ကိုယ်တော်​သည် ငါ့​လူမျိုး​တို့​၏​အမွေမြေ​ကို သူတစ်ပါး​အား လွှဲပြောင်း​ပေး​ပြီ​။ ငါ့​ထံမှ​လည်း ရုပ်သိမ်း​လိုက်​ပြီ​။ ငါ​တို့​၏​လယ်ယာ​ကို​လည်း ရန်သူ​အား ပေးလိုက်​လေ​ပြီ’​ဟူ၍ ခါးသီး​စွာ​ငိုကြွေးမြည်တမ်း​ကြ​လိမ့်မည်”​ဟု မိန့်​တော်မူ​၏​။


ထို့ပြင် သူ​တို့​မ​သိ​သော​လူမျိုးခြား​တို့​နေရာ​အရပ်ရပ်​သို့ သူ​တို့​အား​လေပွေ​နှင့်အတူ ငါ​လွင့်သွား​စေ​၏​။ သူ​တို့​ပြည်​သည် လူသူကင်းမဲ့​ရာ​အဖြစ် ကျန်ရစ်​လေ​ပြီ​။ ဖြတ်သန်းသွားလာ​သော​သူ​လည်း မ​ရှိ​။ သာယာ​သော​ပြည်​သည် လူသူကင်းမဲ့​လေ​ပြီ”​ဟု မိန့်ဆို​၏​။


ထာဝရဘုရား​သည် သင့်​ရန်သူ​တို့​ရှေ့​၌ သင့်​ကို​ရှုံးနိမ့်​စေ​တော်မူ​မည်​။ သင်​သည် လမ်း​တစ်လမ်းတည်း​ဖြင့် သူ​တို့​ထံသို့​လာ​သော်လည်း သူ​တို့​ထံ​မှ လမ်း​ခုနစ်​လမ်း​ဖြင့် ထွက်ပြေး​ရ​မည်​။ မြေကြီး​ပေါ်​ရှိ​တိုင်းနိုင်ငံ​အားလုံး​အတွက် သင်​သည် ထိတ်လန့်စရာ​ဖြစ်​မည်​။


ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။


ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။


“ငါ​သည် သူ​တို့​ကို​ကွဲလွင့်​စေ​မည်​။ သူ​တို့​၏​အမှတ်ရစရာ​ကို လူ​တို့​ကြားမှ ကွယ်ပျောက်​စေ​မည်”​ဟု ငါ​မိန့်ဆို​၏​။


ထာဝရဘုရား​သည် သင်​တို့​ကို လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ ထိုသို့ သင်​တို့​ကို ထာဝရဘုရား​နှင်ထုတ်​တော်မူ​သော​အရပ်​၊ လူမျိုးခြား​တို့​ကြား​၌ သင်​တို့​သည် လူဦးရေ​အနည်းငယ်​သာ​ကျန်​လိမ့်မည်​။


ဘုရားသခင်​နှင့်​သခင်​ယေရှု​ခရစ်တော်​၏​ကျွန် ငါ​ယာကုပ်​သည် အရပ်ရပ်​တို့​၌​ကွဲလွင့်​ပျံ့နှံ့​နေ​သော မျိုးနွယ်စု​တစ်ဆယ့်နှစ်​စု​တို့​အား နှုတ်ခွန်း​ဆက်သ​လိုက်​ပါ​၏။