တ​ရား​ဟော 28:64 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶⁴ ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

Common Language Bible

⁶⁴ ``ထာ​ဝ​ရ​ဘု​ရား​သည် သင်​တို့​အား​ကမ္ဘာ​တစ် စွန်း​မှ​တစ်​စွန်း​တိုင်​အောင် လူ​မျိုး​အ​ပေါင်း​တို့ ထဲ​သို့​ပျံ့​နှံ့​ကွဲ​လွင့်​စေ​တော်​မူ​လိမ့်​မည်။ ထို အ​ခါ​သင်​တို့​နှင့်​သင်​တို့​ဘိုး​ဘေး​တို့​မ​ကိုး ကွယ်​ဘူး​သော​သစ်​သား၊ သံ​တို့​ဖြင့်​ထု​လုပ် သည့်​ဘု​ရား​များ​ကို​ဝတ်​ပြု​ကိုး​ကွယ်​ကြ လိမ့်​မည်။-

Garrad Bible

⁶⁴ မြေ ကြီး တစ် စွန်း မှ တစ် စွန်း တိုင် အောင် လူ အ မျိုး မျိုး တို့ တွင် ကွဲ လွင့် စေ တော် မူ သည့် အ လျောက်၊ ဘိုး ဘေး မှ စ၍ သင် တို့ ကိုယ် တိုင် မ သိ ဘူး သော၊ ကျောက် သစ် သား ဖြင့် လုပ် ပြီး အ ခြား ဘု ရား များ ကို ဝတ် ပြု ရ ကြ လ တ္တံ့။

Judson Bible

⁶⁴ ထာ​ဝ​ရ​ဘု​ရား​သည်​လည်း၊ မြေ​ကြီး​စွန်း​တစ်​ဖက်​မှ​သည် တစ်​ဖက်​တိုင်​အောင်၊ လူ​မျိုး​အ​ပေါင်း​တို့​တွင် သင့်​ကို အ​ရပ်​ရပ်​ကွဲ​ပြား​စေ​တော်​မူ​သ​ဖြင့်၊ သင်​နှင့် သင့်​ဘိုး​ဘေး​တို့​မ​သိ​ဖူး​သော အ​ခြား​တစ်​ပါး​သော​ဘု​ရား၊ သစ်​သား​ဘု​ရား၊ ကျောက်​ဘု​ရား​တို့​ကို ဝတ်​ပြု​ရ​လိမ့်​မည်။

တ​ရား​ဟော 28:64 ပူးပေါင်းရင်းမြစ်များ

ဝတ်​ပြု 26:33

ငါ​သည် သင်​တို့​ကို လူမျိုးခြား​တို့​ထဲတွင် ကွဲလွင့်​စေ​မည်​။ ဓား​ကို​ထုတ်​၍ သင်​တို့​နောက်​ကို​လိုက်​မည်​။ သင်​တို့​၏​ပြည်​သည် လူသူကင်းမဲ့​၍ သင်​တို့​၏​မြို့​တို့​သည် ပြိုပျက်​လိမ့်မည်​။

ယေ​ရ​မိ 16:13

ထို့ကြောင့် ဤ​ပြည်​မှ သင်​တို့​နှင့်​သင်​တို့​ဘိုးဘေး​တို့​မ​သိ​သော​ပြည်​သို့ သင်​တို့​ကို ငါ​နှင်ထုတ်​မည်​။ ထို​ပြည်​၌ အခြား​ဘုရား​များ​ကို နေ့နေ့ညည​အစေခံ​ရ​မည်​။ ငါ​သည် သင်​တို့​ကို မျက်နှာသာပေး​မည်​မ​ဟုတ်ဟူ၍ မိန့်​တော်မူ​သည်’​ဟု ဆင့်ဆို​ရ​မည်​။

နေ​ဟ​မိ 1:8

ကိုယ်တော်​၏​အစေအပါး​မောရှေ​အား ‘​သင်​တို့ သစ္စာမဲ့​လျှင် သင်​တို့​ကို လူမျိုးတကာ​တို့​အလယ်​သို့ ကွဲလွင့်​စေ​မည်​။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

လုကာ 21:24

သူ​တို့​သည် ဓား​ဘေး​ဖြင့်​ကျဆုံး​၍ အခြား​သော​ပြည်​အရပ်ရပ်​သို့ ဖမ်းဆီး​ခေါ်ဆောင်​သွား​ခြင်း​ခံရ​ကြ​လိမ့်မည်။ လူမျိုးခြား​တို့​သည်​လည်း မိမိ​တို့​အချိန်အခါ​များ​ပြည့်စုံ​သည်​အထိ ဂျေရုဆလင်​မြို့​ကို နင်းချေ​ကြ​လိမ့်မည်။

ယေ​ရ​မိ 50:17

အစ္စရေး​လူမျိုး​သည် ခြင်္သေ့​တို့​အလိုက်​ခံရ​၍ တကွဲတပြား​ဖြစ်​နေ​သော​သိုး​ကဲ့သို့​ဖြစ်​၏​။ ဦးစွာ အဆီးရီးယား​ဘုရင်​သည် ကိုက်စား​၏​။ နောက်ဆုံး​မှာ ဘေဘီလုံ​ဘုရင်​နေဗုခဒ်နေဇာ​မင်းကြီး​သည် သူ့​အရိုး​တို့​ကို ဝါးမျို​လေ​၏​။

ကမ္ဘာ​ဦး 4:14

ယနေ့ ကိုယ်တော်​သည် အကျွန်ုပ်​ကို မြေပြင်​ပေါ်​မှ နှင်ထုတ်​တော်မူ​သဖြင့် အကျွန်ုပ်​သည် ကိုယ်တော်​၏​ရှေ့​တော်​မှ​ပုန်းရှောင်​လျက် ကမ္ဘာမြေကြီး​ပေါ်တွင် အတည်တကျ​နေစရာ​မ​ရှိ​၊ လှည့်လည်သွားလာ​သူ​ဖြစ်​ရ​ပါ​မည်​။ အကျွန်ုပ်​ကို​တွေ့​သမျှ​သော​သူ​တို့​သည် အကျွန်ုပ်​ကို​သတ်​ပါ​လိမ့်မည်​”​ဟု ထာဝရဘုရား​အား လျှောက်​လေ​၏​။

တ​ရား​ဟော 4:32

သင်​တို့​မ​မွေး​မီ ရှေး​ကာလ​က​အကြောင်း​ကို မေးမြန်း​လော့​။ မြေကြီး​ပေါ်၌ လူ​ကို​ဘုရားသခင်​ဖန်ဆင်း​သော​နေ့​မှစ၍ မိုးကောင်းကင်​၏​အစွန်း​တစ်ဖက်​မှ မိုးကောင်းကင်​၏​အခြား​အစွန်း​တစ်ဖက်​တိုင်အောင် ဤ​ကြီးမား​သော​အမှု​မျိုး ဖြစ်​ဖူး​သလော​။ ဤ​အမှု​မျိုး ကြား​ဖူး​သလော​။

တ​ရား​ဟော 29:26

သူ​တို့​သည် သူ​တို့​မ​သိ​၊ သူ​တို့​ကို မည်သည့်​အရာ​ကို​မျှ​မ​ပေး​နိုင်​သော အခြား​ဘုရား​များ​ကို သွားရောက်​ဝတ်ပြု​၍ ပျပ်ဝပ်​သောကြောင့်​လည်းကောင်း

တ​ရား​ဟော 30:1

သင့်​ရှေ့​၌ ငါ​ချထား​သည့် ကောင်းချီးမင်္ဂလာ​နှင့်​ကျိန်ခြင်းအမင်္ဂလာ​ရှိသမျှ​တို့​သည် သင့်​အပေါ်​သို့​ကျရောက်​၍ သင်​၏​ဘုရားသခင်​ထာဝရဘုရား သင့်​ကို​နှင်ထုတ်​တော်မူ​ရာ​အရပ်ရပ်​ရှိ လူမျိုး​တကာ​တို့​အလယ်​တွင် ထို​အရာ​တို့​ကို သင်​ပြန်​၍​နှလုံးသွင်း​လျှင်​၊

တ​ရား​ဟော 32:17

ဘုရားသခင် မ​ဟုတ်​သော နတ်ဆိုး​များ​ကို ပူဇော်​ကြ​ပြီ​။ သူ​တို့​မ​သိ​သော​ဘုရား​၊ နောက်​မှ​ပေါ်လာ​သော​ဘုရား​အသစ်​၊ ဘိုးဘေး​တို့​မ​ကြောက်​သော​ဘုရား တို့​ကို ပူဇော်​ကြ​ပြီ​။

တ​ရား​ဟော 32:26

“ငါ​သည် သူ​တို့​ကို​ကွဲလွင့်​စေ​မည်​။ သူ​တို့​၏​အမှတ်ရစရာ​ကို လူ​တို့​ကြားမှ ကွယ်ပျောက်​စေ​မည်”​ဟု ငါ​မိန့်ဆို​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

၄ ရာ 25:21

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

ဆာ​လံ 44:11

ကိုယ်တော်​သည် သတ်စားစရာ​သိုး​များ​ကဲ့သို့ အကျွန်ုပ်​တို့​ကို​အပ်​လိုက်​၍ လူမျိုးခြား​တို့​အလယ်​တွင် အကျွန်ုပ်​တို့​ကို​ကွဲလွင့်​စေ​တော်မူ​၏​။

ဟေ​ရှာ​ယ 6:12

ထာဝရဘုရား​သည် လူ​တို့​ကို​ဝေး​ရာ​သို့ နှင်ထုတ်​တော်မူ​၍ ပြည်​ထဲ​၌ စွန့်ခွာ​ထား​သော​နေရာ​များ​သာ​ကျန်ရှိ​သည့်​တိုင်အောင် ဖြစ်​၏​။

ယေ​ရ​မိ 9:16

သူ​တို့​နှင့်​သူ​တို့​၏​ဘိုးဘေး​များ​မ​သိ​ဖူး​သော လူမျိုးခြား​တို့​တွင် သူ​တို့​ကို ကွဲလွင့်​စေ​မည်​။ သူ​တို့​လုံးဝ​ပျက်စီး​သွား​သည့်​တိုင်အောင် ဓားဘေး​သင့်​စေ​မည်​”​ဟု မိန့်​တော်မူ​၏​။

ယေ​ရ​မိ 15:14

တောက်လောင်​သော​ငါ့​အမျက်​မီး​သည် သင်​တို့​ကို​လောင်ကျွမ်း​မည်​ဖြစ်၍ သင်​မ​သိ​သော​ပြည်​သို့ ရန်သူ​တို့​နှင့်အတူ သင်​လိုက်ပါ​သွား​ရ​မည်​”​ဟု မိန့်​တော်မူ​၏​။

မြည်​တမ်း​စ​ကား 1:3

ယုဒ​အမျိုး​သည် အနှိပ်စက်​ခံရ​ပြီ​။ ကြမ်းကြမ်းတမ်းတမ်း​ကျွန်ပြု​ခံရ​ပြီ​။ ဖမ်းခေါ်​သွား​ခြင်း​ခံရ​ပြီ​။ လူမျိုးခြား​တို့​တွင် နေထိုင်​ရ​ပြီ​။ နားခို​ရာ​ကို​မ​တွေ့​။ သူ့​ကို​လိုက်​သော​သူ​အပေါင်း​တို့​သည် လမ်းဆုံး​၌ သူ့​ကို​မီ​ကြ​လေ​ပြီ​။

ယေ​ဇ​ကျေ​လ 20:23

ထို့ပြင် ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​မည်​ဟု တောကန္တာရ​၌ သူ​တို့​အား ကျိန်ဆို​ခဲ့​၏​။

ယေ​ဇ​ကျေ​လ 36:19

ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​ပြီ​။ သူ​တို့​၏​အပြုအမူ​အကျင့်အကြံ​အတိုင်း သူ​တို့​ကို ငါ​စီရင်​ပြီ​။

ဇာ​ခ​ရိ 7:14

ထို့ပြင် သူ​တို့​မ​သိ​သော​လူမျိုးခြား​တို့​နေရာ​အရပ်ရပ်​သို့ သူ​တို့​အား​လေပွေ​နှင့်အတူ ငါ​လွင့်သွား​စေ​၏​။ သူ​တို့​ပြည်​သည် လူသူကင်းမဲ့​ရာ​အဖြစ် ကျန်ရစ်​လေ​ပြီ​။ ဖြတ်သန်းသွားလာ​သော​သူ​လည်း မ​ရှိ​။ သာယာ​သော​ပြည်​သည် လူသူကင်းမဲ့​လေ​ပြီ”​ဟု မိန့်ဆို​၏​။

တ​ရား​ဟော 13:8

သင်​သည် ထို​သူ​ကို မ​လိုက်လျော​ရ​။ နား​မ​ထောင်​ရ​။ မ​သနား​ရ​။ မ​ညှာတာ​ရ​။ အကာအကွယ်​မ​ပေး​ရ​။

အာ​မုတ် 9:9

“ကြည့်ရှု​လော့​။ ငါ​မိန့်ဆို​ပြီ​။ လူမျိုး​တကာ​တို့​အလယ်​တွင် အစ္စရေး​အမျိုးအနွယ်​ကို ဆန်ခါ​ခါ​သကဲ့သို့ ခါချ​မည်​။ ဆန်တစ်စေ့​မျှ မြေကြီး​ပေါ် မ​ကျ​ရ​။

ဇာ​ခ​ရိ 2:10

“​အို ဇိအုန်​သမီးပျို​၊ ဝမ်းမြောက်​ရွှင်လန်း​စွာ​သီချင်းဆို​လော့​။ အကြောင်းမှာ ငါ​ကြွလာ​၍ သင်​နှင့်အတူ နေ​မည်​”​ဟု ထာဝရဘုရား မိန့်​တော်မူ​၏​။