အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ထွက်​မြောက် 18:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထို့နောက် မောရှေ​၏​ယောက္ခမ​ယေသရော​သည် ဘုရားသခင်​ထံ မီးရှို့ရာယဇ်​နှင့် ယဇ်ကောင်​များ​ကို ယူဆောင်​လာ​၏​။ အာရုန်​နှင့်​အစ္စရေး​လူမျိုး​သက်ကြီးဝါကြီး​အပေါင်း​တို့​သည်​လည်း ဘုရားသခင်​ရှေ့​တော်​၌ မောရှေ​၏​ယောက္ခမ​နှင့်အတူ အစားအစာ​စားသောက်​ရန် လာ​ကြ​၏​။

အခန်းကိုကြည့်ပါ။

Common Language Bible

ထို​နောက်​ယေ​သ​ရော​သည်​ထာ​ဝ​ရ​ဘု​ရား အား​ပူ​ဇော်​ရန် မီး​ရှို့​ရာ​ယဇ်​နှင့်​အ​ခြား​ပူ ဇော်​ရာ​ယဇ်​များ​ကို​ဆောင်​ခဲ့​၏။ အာ​ရုန်​နှင့် ဣ​သ​ရေ​လ​အ​မျိုး​သား​ခေါင်း​ဆောင်​အပေါင်း တို့​သည်​ယေ​သ​ရော​နှင့်​အ​တူ ထာ​ဝ​ရ​ဘု​ရား ၏​ရှေ့​တော်​၌​အ​စား​အ​စာ​သုံး​ဆောင်​ရန် လာ​ကြ​၏။

အခန်းကိုကြည့်ပါ။

Garrad Bible

ထို နောက် မော ရှေ့ ယော က္ခ မ ယေ သ ရော သည် ဘု ရား သ ခင် အား ဆက် ကပ် ရန် မီး ရှို့ ရာ သ က္ကာ၊ မိတ် သ ဟာ ယ သ က္ကာ များ ကို ဆောင် လှူ ပြီး လျှင် အာ ရုန် နှင့် ဣ သ ရေ လ လူ ကြီး အ ပေါင်း တို့ လည်း မော ရှေ ယော က္ခ မ နှင့် အ တူ ဘု ရား သ ခင့် ရှေ့ တော် တွင် အ စာ သုံး ဆောင် ခြင်း ငှါ ဝင် လာ ကြ ၏။

အခန်းကိုကြည့်ပါ။

Judson Bible

မော​ရှေ၏​ယော​က္ခ​မ​ယေ​သ​ရော​သည်၊ မီး​ရှို့​စ​ရာ​ယဇ်​နှင့် ဘု​ရား​သ​ခင်​အ​ဖို့ ယဇ်​များ​ကို​ဆောင်​ခဲ့​၍၊ အာ​ရုန်​နှင့် ဣ​သ​ရေ​လ​အ​မျိုး​အ​သက်​ကြီး​သူ​အ​ပေါင်း​တို့​သည်၊ မော​ရှေ၏​ယော​က္ခ​မ​နှင့်​အ​တူ ဘု​ရား​သ​ခင့်​ရှေ့​တော်၌ အ​စာ​စား​ခြင်း​ငှာ လာ​ကြ၏။

အခန်းကိုကြည့်ပါ။



ထွက်​မြောက် 18:12
31 ပူးပေါင်းရင်းမြစ်များ  

ထာဝရဘုရား​သည် အာဗြံ​အား ကိုယ်ထင်ရှားပြ​၍ “​ဤ​ပြည်​ကို သင်​၏​အမျိုးအနွယ်​အား ငါ​ပေး​မည်​”​ဟု မိန့်​တော်မူ​၏​။ အာဗြံ​သည်​လည်း မိမိ​အား ကိုယ်ထင်ရှားပြ​တော်မူ​သော​ထာဝရဘုရား​အဖို့ ထို​အရပ်​၌ ယဇ်ပလ္လင်​ကို တည်​လေ​၏​။


ဣဇက်​သည် ထို​အရပ်​၌ ယဇ်ပလ္လင်​ကို​တည်​၍ ထာဝရဘုရား​၏​နာမ​တော်​ကို​ခေါ်ဆို​ပတ္ထနာပြု​ပြီးလျှင် ထို​အရပ်​တွင် တဲ​ကို​ဆောက်​လေ​၏​။ သူ​၏​အစေအပါး​တို့​သည်​လည်း ထို​အရပ်​တွင် ရေတွင်း​ကို​တူး​ကြ​၏​။


ထိုအခါ ဣဇက်​သည် သူ​တို့​အတွက် စားသောက်ပွဲ​တည်ခင်း​၍ သူ​တို့​သည် စား​သောက်​ကြ​၏​။


ထို့နောက် ယာကုပ်​သည် တောင်​ပေါ်၌​ယဇ်ကောင်​ကို​ပူဇော်​၍ အစားအစာ​စားသောက်​ရန် မိမိ​၏​ဆွေမျိုးသားချင်း​တို့​ကို​ဖိတ်ခေါ်​လေ​၏​။ သူ​တို့​သည်​လည်း အစားအစာ​စားသောက်​ပြီးလျှင် တောင်​ပေါ်၌ ညအိပ်နား​ကြ​၏​။


အာဗေလ​သည်​လည်း မိမိ​သိုးအုပ်​ထဲမှ သိုး​သားဦး​များ​နှင့် သိုး​တို့​၏​အဆီ​များ​ကို​ယူဆောင်​လာ​၏​။ ထာဝရဘုရား​သည် အာဗေလ​နှင့် သူ​၏​ပူဇော်သက္ကာ​ကို ပမာဏပြု​တော်မူ​၏​။


သူ​တို့​သည် ယောသပ်​အိမ်​၌ နေ့လယ်စာ​စား​ရ​မည်​ကို ကြားသိ​ထား​သဖြင့် ယောသပ်​ရောက်​မ​လာ​မီ လက်ဆောင်​ကို​ပြင်ဆင်​ထား​ကြ​၏​။


နောဧ​သည် ထာဝရဘုရား​အဖို့ ယဇ်ပလ္လင်​ကို​တည်​ပြီးလျှင် စင်ကြယ်​သော​တိရစ္ဆာန်​အပေါင်း​တို့​နှင့် စင်ကြယ်​သော​ငှက်​အပေါင်း​တို့​ထဲက​ယူ​၍ ထို​ယဇ်ပလ္လင်​ပေါ်တွင် မီးရှို့ရာယဇ်​ကို​ပူဇော်​ရာ


ဒါဝိဒ်​မင်းကြီး​က သူ့​အား “​မ​ကြောက်​နှင့်​။ သင့်​ဖခင်​ယောနသန်​ကို​ထောက်ပြီး သင့်​အား မေတ္တာကရုဏာ​ကို​ပြ​မည်​။ သင့်​အဘိုး​ရှောလု​မင်းကြီး​ပိုင်​ခဲ့​သော​လယ်ယာမြေ​အားလုံး​ကို သင့်​အား ပြန်ပေးအပ်​မည်​။ သင်​သည် ငါ့​စားပွဲ​တွင် အမြဲ​စားသောက်​ရ​မည်”​ဟု ဆို​လျှင်


ဟေဇကိ​မင်းကြီး​သည်​လည်း ထာဝရဘုရား​၏​အမှု​တော်​ကို ကောင်းမွန်​ကျွမ်းကျင်​စွာ​ထမ်းဆောင်​သော လေဝိ​အမျိုးသား​အပေါင်း​တို့​အား အားပေးစကား​ပြောဆို​၏​။ ဤသို့ဖြင့် သူ​တို့​သည် ပွဲတော်​အစားအစာ​ကို ခုနစ်​ရက်​ပတ်လုံး စားသောက်​လျက်​၊ မိတ်သဟာယယဇ်​ကို​ပူဇော်​လျက် ဘိုးဘေး​တို့​၏​ဘုရားသခင်​ထာဝရဘုရား​ကို ချီးမွမ်း​ကြ​၏​။


စားသောက်ပွဲ​အလှည့်ကျ​ကျင်းပ​သော​နေ့​များ​ပြီး​သောအခါ​တွင်​လည်း ယောဘ​က “​ငါ့​သားသမီး​တို့​စိတ်​ထဲတွင် ဘုရားသခင်​ကို ကျိန်ဆဲ​၍ အပြစ်​ပြု​မိ​ကောင်း​ပြု​မိ​ကြ​လိမ့်မည်​”​ဟု တွေး​၍ သူ​တို့​ကို ခေါ်​ပြီး ကိုယ်ကို​သန့်ရှင်း​စေ​လျက် နံနက်​စောစောထ​၍ သူ​တို့​အားလုံး​အရေအတွက်​အတိုင်း မီးရှို့ရာယဇ်​ကို ပူဇော်​၏​။ ယောဘ​သည် ထိုသို့ အမြဲ​ပြု​လေ့​ရှိ​၏​။


ထိုအခါ ယောဘ​၏​ညီအစ်ကို​မောင်နှမ​အပေါင်း​တို့​နှင့် ယခင်က သိကျွမ်း​ခဲ့​သူ​အပေါင်း​တို့​သည် သူ့​ထံသို့​ရောက်လာ​၍ သူ့​အိမ်​၌ အတူ​စားသောက်​ကြ​၏​။ သူ့​အား ထာဝရဘုရား ကြုံတွေ့​စေ​သော​ဆင်းရဲဒုက္ခ​အပေါင်း​တို့​အတွက် သူ့​ကို အားပေး​နှစ်သိမ့်​ကြ​၏​။ သူ့​အား ငွေစ​တစ်​စ​နှင့် ရွှေ​လက်စွပ်​တစ်​ကွင်း​စီ​လည်း ပေး​ကြ​၏​။


ထို့ကြောင့် နွားထီး​ခုနစ်​ကောင်​၊ သိုးထီး​ခုနစ်​ကောင်​ကို​ယူ​၍ ငါ့​အစေအပါး​ယောဘ​ဆီ​သွား​ပြီး မီးရှို့ရာယဇ်​ကို ပူဇော်​ကြ​လော့​။ ငါ့​အစေအပါး​ယောဘ​သည် သင်​တို့​အဖို့ ဆုတောင်း​ပေး​လိမ့်မည်​။ သင်​တို့​သည် ငါ့​အကြောင်း​ကို ယောဘ​ကဲ့သို့ မှန်မှန်ကန်ကန်​မ​ပြော​သောကြောင့် သင်​တို့​မိုက်မဲ​ခဲ့​သည့်​အတိုင်း သင်​တို့​ကို​မ​စီရင်​မည့်​အကြောင်း သူ​ဆုတောင်း​ပေး​လျှင် သူ့​မျက်နှာ​ကို​ထောက်​ပြီး ငါ​လက်ခံ​မည်​”​ဟု မိန့်​တော်မူ​၏​။


နောက်တစ်နေ့​၌ မောရှေ​သည် လူ​တို့​ကို​တရားစီရင်​ရန် ထိုင်​၍ လူ​တို့​သည် နံနက်အချိန်​မှ နေဝင်ချိန်​တိုင်အောင် မောရှေ​ရှေ့​၌ ရပ်​နေ​ကြ​၏​။


မိဒျန်​ယဇ်ပုရောဟိတ်​၏​သမီး​ခုနစ်​ယောက်​သည် ရောက်လာ​၍ မိမိ​တို့​ဖခင်​၏​သိုးဆိတ်​တို့​ကို ရေတိုက်​ရန် ရေခပ်​ကြ​ပြီး ရေစားကျင်း​များ​ကို​ဖြည့်​ကြ​၏​။


ထိုအခါ ဖခင်​က မိမိ​သမီး​တို့​အား “​ထို​သူ အဘယ်မှာ​ရှိ​သနည်း​။ သူ့​ကို အဘယ်ကြောင့် ထားခဲ့​သနည်း​။ အစားအစာ​စားသောက်​ရန် သူ့​ကို​သွားခေါ်​လော့​”​ဟု ဆို​၏​။


သင်​တို့​သည် ငါ့​အတွက် မြေ​ယဇ်ပလ္လင်​ကို​တည်​၍ မီးရှို့ရာယဇ်​များ​၊ မိတ်သဟာယယဇ်​များ​အဖြစ် သင်​တို့​၏​သိုး​များ​၊ နွား​များ​ကို ယဇ်ပူဇော်​ရ​မည်​။ ထိုသို့ ငါ​၏​နာမ​တော်​ကို​အောက်မေ့​ရာ​အရပ်ရပ်​ရှိ သင်​တို့​ထံသို့ ငါ​ကြွလာ​၍ သင်​တို့​ကို​ကောင်းချီးပေး​မည်​။


ဘုရားသခင်​သည် အစ္စရေး​အမျိုးသား​ခေါင်းဆောင်​တို့​ကို ဒဏ်ခတ်​တော်​မ​မူ​။ ထို့ကြောင့် သူ​တို့​သည် ကိုယ်တော်​ကို​ဖူးမြင်​ကြ​၏​။ စား​လျက်​၊ သောက်​လျက်​နေ​ကြ​၏​။


ထို့နောက် အစ္စရေး​အမျိုးသား​လူငယ်​တို့​ကို​စေလွှတ်​သဖြင့် သူ​တို့​သည် ထာဝရဘုရား​အား မီးရှို့ရာယဇ်​တို့​ကို​ပူဇော်​၍ နွားထီး​များ​ကို မိတ်သဟာယယဇ်​အဖြစ် ယဇ်ပူဇော်​ကြ​လေ​၏​။


မောရှေ​သည် မိမိ​ယောက္ခမ မိဒျန်​ယဇ်ပုရောဟိတ်​ယေသရော​၏​သိုးဆိတ်​တို့​ကို ထိန်းကျောင်း​နေ​စဉ် သူ​သည် သိုးဆိတ်​တို့​ကို တောကန္တာရ​အနောက်ဘက်​သို့​နှင်​သွား​ရာ ဟောရပ် ဟု​ခေါ်​သော​ဘုရားသခင်​၏​တောင်​သို့ ရောက်​လေ​၏​။


မောရှေ​သည် တဲ​တော်​ကို ယူ​ပြီးလျှင် တပ်စခန်း​အပြင်ဘက်​၊ တပ်စခန်း​နှင့်​ခပ်ဝေးဝေး​၌ တဲ​တော်​ကို​ထိုး​၍ ၎င်း​ကို တွေ့ဆုံစည်းဝေးရာ​တဲ​တော် ဟု​ခေါ်ဝေါ်​၏​။ ထာဝရဘုရား​ကို ရှာ​သော​သူ​အပေါင်း​တို့​သည် တပ်စခန်း​အပြင်ဘက်​ရှိ တွေ့ဆုံစည်းဝေးရာ​တဲ​တော်​သို့ သွား​ကြ​၏​။


ထို​ရက်သတ္တပတ်​သုံး​ပတ်​တိုင်တိုင် စားကောင်းသောက်ဖွယ်​ကို မ​စား​၊ အသား​နှင့် စပျစ်ဝိုင်​ကို​လည်း မ​သုံးဆောင်​၊ ဆီ​ကို​လည်း မ​လိမ်း​ဘဲ နေ​၏​။


မောရှေ​သည် မိမိ​ယောက္ခမ​ဖြစ်​သူ မိဒျန်​လူမျိုး​ရွေလ​သား ဟောဗပ်​အား “ ‘​ထို​ပြည်​ကို​သင်​တို့​အား ငါ​ပေး​မည်​’​ဟု ထာဝရဘုရား​မိန့်​တော်မူ​ခဲ့​သော​အရပ်​သို့ အကျွန်ုပ်​တို့​ခရီးပြု​နေ​ကြ​ပါ​၏​။ ထာဝရဘုရား​သည် အစ္စရေး​လူမျိုး​တို့​အား ကောင်းစား​စေ​မည်​ဟူသော​ကတိထား​ခဲ့​သည်​ဖြစ်၍ အကျွန်ုပ်​တို့​နှင့်အတူ လိုက်​ခဲ့​ပါ​။ သင့်​ကို ကျေးဇူးပြု​ပါ​မည်​”​ဟု ဆို​လေ​၏​။


တစ်​နေ့​သော​ဥပုသ်နေ့​၌ ကိုယ်တော်​သည် အစားအစာ​သုံးဆောင်​ရန် ဖာရိရှဲ​အကြီးအကဲ​တစ်​ဦး​၏​အိမ်​သို့​ဝင်​တော်မူ​လျှင် သူ​တို့​သည် ကိုယ်တော်​ကို​စောင့်ကြည့်​နေ​ကြ​၏။


ကိုယ်တော်​နှင့်အတူ​ထိုင်​နေ​သော​သူ​တစ်​ဦး​သည် ထို​စကား​တော်​တို့​ကို​ကြား​လျှင် “ဘုရားသခင်​၏​နိုင်ငံ​တော်​တွင် စားသောက်​ပွဲ​၌​ပါဝင်​ရ​သော​သူ​သည် မင်္ဂလာရှိ​၏”​ဟု လျှောက်​လေ​၏။


ဇာတိ​အားဖြင့် အစ္စရေး​လူမျိုး​ဖြစ်​သော​သူ​တို့​ကို ကြည့်​ကြ​လော့။ ယဇ်ကောင်​တို့​ကို​စား​သော​သူ​တို့​သည် ယဇ်ပလ္လင်​နှင့် စပ်ဆိုင်​သော​သူ​ဖြစ်​ကြ​သည်​မ​ဟုတ်​လော။


သင်​တို့​သည် သခင်​ဘုရား​၏​ခွက်​ကို​သောက်​လျှင် နတ်ဆိုး​တို့​၏​ခွက်​ကို သောက်​၍​မ​ရ​နိုင်။ သခင်​ဘုရား​၏​စားပွဲ​ကို မျှဝေ​ခံယူ​လျှင် နတ်ဆိုး​တို့​၏​စားပွဲ​ကို မျှဝေ​ခံယူ​၍​မ​ရ​နိုင်။


ထို့ကြောင့် သင်​တို့​သည် စား​သည်​ဖြစ်စေ၊ သောက်​သည်​ဖြစ်စေ၊ မည်သည့်​အမှု​ကို​ပြု​သည်​ဖြစ်စေ ခပ်သိမ်း​သော​အမှု​တို့​ကို ဘုရားသခင်​၏​ဘုန်း​တော်​အတွက် ပြု​ကြ​လော့။


ထို​အရပ်​တွင် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ စား​ရ​မည်​။ သင်​တို့​လုပ်ဆောင်​လေရာရာ​၌ သင်​တို့​၏​ဘုရားသခင်​ထာဝရဘုရား​ကောင်းချီးပေး​တော်မူ​သောကြောင့် သင်​တို့​နှင့်​သင်​တို့​၏​အိမ်သူအိမ်သား​တို့​သည် ဝမ်းမြောက်​ကြ​ရ​မည်​။


မိတ်သဟာယယဇ်​ကို​လည်း ပူဇော်​ရ​မည်​။ သင်​တို့​သည် ထို​တောင်​ပေါ်တွင်​စားသောက်​၍ သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ရ​မည်​။