ဒံ​ယေ​လ 10:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထို​ရက်သတ္တပတ်​သုံး​ပတ်​တိုင်တိုင် စားကောင်းသောက်ဖွယ်​ကို မ​စား​၊ အသား​နှင့် စပျစ်ဝိုင်​ကို​လည်း မ​သုံးဆောင်​၊ ဆီ​ကို​လည်း မ​လိမ်း​ဘဲ နေ​၏​။

Common Language Bible

³ မွန်​မြတ်​သော​အ​စာ​သို့​မ​ဟုတ်​အ​သား​ကို မ​စား၊ စ​ပျစ်​ရည်​ကို​မ​သောက်၊ ခေါင်း​မ​ဖြီး ဘဲ​သီ​တင်း​သုံး​ပတ်​ကုန်​ဆုံး​ချိန်​တိုင်​အောင် နေ​၏။

Garrad Bible

³ ဆို ခဲ့ သော သိ တင်း မ စေ့ မီ မွန် မြတ် သော အ စာ ကို မ စား၊ အ သား နှင့် စ ပျစ် ရည် ကို မ သုံး ဆောင်၊ ဆီ လိမ်း ခြင်း ကို လည်း အ လျှင်း မ ပြု။

Judson Bible

³ အ​ရက်​နှစ်​ဆယ်​တစ်​ရက် မ​စေ့​မီ မြိန်​သော​မုန့်​ကို​မ​စား။ အ​မဲ​သား​နှင့် စ​ပျစ်​ရည်​ကို မ​မြည်း။ ဆီ​လိမ်း​ခြင်း​ကို​လည်း အ​လျှင်း​မ​ပြု။

ဒံ​ယေ​လ 10:3 ပူးပေါင်းရင်းမြစ်များ

၂ ရာ 19:24

ရှောလု​မင်းကြီး​၏​မြေး မေဖိဗောရှက်​သည်​လည်း ရှင်ဘုရင်​ကို ကြိုဆို​ရန် ဆင်းလာ​၏​။ ရှင်ဘုရင်​ထွက်သွား​သည့်​နေ့​မှစ၍ ဘေးကင်း​စွာ​ပြန်လာ​သည့်​နေ့​အထိ သူ​သည် ကိုယ့်​ခြေ​ကို မ​ဆေး​၊ နှုတ်ခမ်းမွေး​ကို မ​ရိတ်​၊ အဝတ်​ကို​လည်း မ​လျှော်ဖွပ်​ဘဲ နေ​၏​။

ယောဘဝတ္တု။ 33:20

ထို့ကြောင့် သူ့​စိတ်​သည် အစားအစာ​ကို ရွံရှာ​၍ သူ့​ဝိညာဉ်​သည် စားကောင်းသောက်ဖွယ်​ကို ရွံရှာ​၏​။

ဒံ​ယေ​လ 10:12

တစ်ဖန် သူ​က “​ဒံယေလ​၊ မ​ကြောက်​နှင့်​။ သင်​သည် ဘုရားသခင်​၏​ရှေ့​တော်​တွင် ကိုယ်​ကို​နှိမ့်ချ​၍ နားလည်​လို​သော​ဆန္ဒရှိ​သည့်​ပထမဆုံး​နေ့​မှစ၍ သင့်​စကား​ကို ဘုရားသခင်​ကြား​တော်မူ​ပြီ​။ သင့်​စကား​ကြောင့် ငါ​ရောက်လာ​ရ​ခြင်း​ဖြစ်​၏​။

ဒံ​ယေ​လ 11:8

သူ​သည် ထို​သူ​တို့ သွန်းလုပ်​သော​ဘုရား​ရုပ်တု​များ​၊ ရွှေ​ငွေ​စသော​အဖိုးတန်​အသုံးအဆောင်​များ​ကို အီဂျစ်​ပြည်​သို့ သိမ်းယူ​သွား​လိမ့်မည်​။ ထို့နောက်မှ မြောက်​ဘုရင်​နှင့် နှစ်​ပေါင်း​အတန်ကြာ​ကင်းကွာ​နေ​လိမ့်မည်​။

ဒံ​ယေ​လ 6:18

ရှင်ဘုရင်​သည် နန်းတော်​သို့​ပြန်လာ​၍ တစ်ညလုံး စားတော်မခေါ်​၊ ဖျော်ဖြေပွဲ​များ​လည်း ရှေ့​တော်​မ​သွင်း​၊ စက်တော်​လည်း မ​ခေါ်​နိုင်​ဘဲ ရှိ​လေ​၏​။

အာ​မုတ် 5:11

သင်​တို့​သည် ဆင်းရဲသား​ကို ဖိနှိပ်​၍ သူ့​ထံမှ ဂျုံစပါး​အခွန်အတုတ်​ကို တောင်းခံ​ကြ​၏​။ ထို့ကြောင့် ကျောက်ဆစ်​အိမ်​များ​ကို ဆောက်​သော်လည်း ထို​အိမ်​များ​တွင် သင်​တို့​နေ​ရ​မည်​မ​ဟုတ်​။ စပျစ်ခြံ​များ​ကောင်းကောင်းမွန်မွန်​စိုက်ပျိုး​သော်လည်း ထို​ခြံ​မှ​ထွက်​သော​စပျစ်ဝိုင်​ကို သောက်​ရ​မည်​မ​ဟုတ်​။

နာ​ဟုံ 2:9

ငွေ​တို့​ကို လုယူ​ကြ​။ ရွှေ​တို့​ကို လုယက်​ကြ​။ အဖိုးမဖြတ်​နိုင်​သော​ရတနာပစ္စည်း​တို့​သည် အတိုင်းမသိ များ​လှ​၏​။

မဿဲ 6:17

သို့သော် သင်​သည် အစာရှောင်​သောအခါ မိမိ​အစာရှောင်​နေ​ကြောင်း​ကို လူ​တို့​ရှေ့၌​မ​ထင်ရှား​စေ​ဘဲ မထင်ရှား​သော​အရပ်​၌​ရှိ​တော်မူ​သော သင်​၏​အဖ​ရှေ့​တော်​၌​သာ ထင်ရှား​စေရန် သင်​၏​ခေါင်း​ကို​ဆီ​လိမ်း​၍ သင်​၏​မျက်နှာ​ကို​သစ်​လော့။ ထိုအခါ မထင်ရှား​သော​အရာ​ကို​မြင်​တော်မူ​သော သင်​၏​အဖ​သည် သင့်​အား ဆုလာဘ်​ကို​ပေး​တော်မူ​လိမ့်မည်။

လုကာ 7:46

သင်​သည် ငါ​၏​ခေါင်း​ကို ဆီ​ဖြင့်​မ​လိမ်း။ သို့သော် သူ​သည် ငါ​၏​ခြေ​ကို ဆီမွှေး​ဖြင့်​လိမ်း​ပေး​၏။

၁ ကော 9:27

သူတစ်ပါး​ကို သွန်သင်​ပြီးမှ ငါ​ကိုယ်တိုင်​ကျရှုံး​သော​သူ မ​ဖြစ်​စေရန် ငါ​သည် မိမိ​ကိုယ်ခန္ဓာ​ကို ထိုးနှက်​၍ နာခံ​စေ​၏။