ကမ္ဘာဦး 33:17 - မြန်မာ့စံမီသမ္မာကျမ်း ယာကုပ်မူကား သုကုတ်အရပ်သို့ခရီးပြု၍ ထိုအရပ်၌ အိမ်ကိုဆောက်လေ၏။ မိမိတိရစ္ဆာန်များအတွက်လည်း ယာယီတဲများကိုဆောက်လေ၏။ ထို့ကြောင့် ထိုအရပ်၏အမည်ကို သုကုတ် ဟုခေါ်၏။ Common Language Bible ယာကုပ်ကမူသုကုတ်အရပ်သို့သွား၍ ထို အရပ်တွင်သူနေထိုင်ရန်အိမ်နှင့်တိရစ္ဆာန် များအတွက် တင်းကုပ်များကိုတည်ဆောက် လေ၏။ ထိုကြောင့်ထိုအရပ်ကိုသုကုတ်ဟု ခေါ်တွင်လေသည်။ Garrad Bible ယာ ကုပ် လည်း သု ကုတ် အ ရပ် သို့ ခ ရီး သွား၍ ကိုယ့် အ ဖို့ အိမ် ကို တည် ဆောက် လျက် တိ ရ စ္ဆာန် များ အ ဖို့ တဲ များ ကို ထိုး လေ သော ကြောင့် သု ကုတ် ဟု သ မုတ် ကြ သ တည်း။ Judson Bible ယာကုပ်လည်း၊ သုကုတ်အရပ်သို့ခရီးသွား၍၊ ကိုယ်နေဖို့အိမ်ကိုလည်းကောင်း၊ တိရစ္ဆာန်များနေဖို့ တင်းကုပ်တို့ကိုလည်းကောင်း၊ ဆောက်လေ၏။ ထိုကြောင့် ထိုအရပ်ကို၊ သုကုတ်ဟူ၍တွင်လေသတည်း။ |
ရှင်ဘုရင်သည် ထိုပစ္စည်းအားလုံးကို သုကုတ်မြို့နှင့် ဇာရတန်မြို့ကြား ဂျော်ဒန်မြစ်ဝှမ်းရှိ ရွှံ့စေးမြေအရပ်၌ သွန်းလုပ်၏။
ဘုရားသခင်သည် မိမိ၏သန့်ရှင်းရာဌာနတော်မှ မိန့်တော်မူသည်မှာ “ငါသည် ရွှင်မြူးခြင်းရှိလျက် ရှေခင်မြို့ကိုခွဲဝေ၍ သုကုတ်ချိုင့်ဝှမ်းကိုတိုင်းတာဝေခြမ်းမည်။
ကလေးများအပြင် အစ္စရေးအမျိုးသား ယောက်ျားခြောက်သိန်းခန့်တို့သည် ရာမသက်အရပ်မှ သုကုတ်အရပ်တိုင်အောင် ခြေကျင်ခရီးပြုကြ၏။
ချိုင့်ဝှမ်းလွင်ပြင်ရှိ ဗက်ဟာရန်မြို့၊ ဗက်နိမရမြို့၊ သုကုတ်မြို့၊ ဇာဖုန်မြို့၊ ဟေရှဘုန်ဘုရင်ရှိဟုန်မင်းကြီး၏ကျန်သောနယ်မြေ၊ ဂျော်ဒန်မြစ်နယ်နိမိတ်တစ်လျှောက်၊ ဂျော်ဒန်မြစ်အရှေ့ဘက်ခြမ်း ဂင်နေသရက်အိုင်အထိဖြစ်၏။
လမ်းတွင် သုကုတ်မြို့သား လူငယ်တစ်ယောက်ကိုဖမ်းဆီးပြီး သုကုတ်မြို့အကြီးအကဲများ၊ သက်ကြီးဝါကြီးများ၏အကြောင်းကို မေးမြန်းရာ ထိုလူငယ်က သုကုတ်မြို့အကြီးအကဲ၊ သက်ကြီးဝါကြီး ခုနစ်ဆယ့်ခုနစ်ယောက်၏အမည်ကို ရေးပေးလေ၏။
ထိုမြို့၏သက်ကြီးဝါကြီးများကိုခေါ်၍ သူတို့နှင့်အတူ သုကုတ်မြို့သားတို့ကို ကန္တာရဆူးပင်၊ ချုံပင်တို့ဖြင့် ဆုံးမလေ၏။
ဂိဒေါင်က သုကုတ်မြို့သားတို့အား “ငါနှင့်ပါလာသောလူတို့စားဖို့ မုန့်ပေးပါ။ ငါတို့သည် မိဒျန်ဘုရင်ဇေဘဟမင်းကြီးနှင့် ဇာလမုန္နမင်းကြီးတို့နောက်သို့ လိုက်နေရ၍ သူတို့မောပန်းနေကြ၏”ဟု ဆို၏။
ထို့နောက် သူသည် ထိုအရပ်မှ ပေနွေလမြို့သို့တက်သွား၍ ထိုမြို့သားတို့ကိုလည်း ထိုနည်းတူ တောင်းလေ၏။ ပေနွေလမြို့သားတို့သည်လည်း သုကုတ်မြို့သားတို့ပြန်ပြောသကဲ့သို့ သူ့ကိုပြန်ပြောကြ၏။