အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ကမ္ဘာ​ဦး 13:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

အကြောင်းမူကား သင်​မြင်​ရ​သော​မြေ​အားလုံး​ကို ငါ​သည် သင်​နှင့်​သင်​၏​သားစဉ်မြေးဆက်​အား ကာလ​အစဉ်အဆက် ပိုင်ဆိုင်​စေ​မည်​။

အခန်းကိုကြည့်ပါ။

Common Language Bible

သင်​မြင်​သ​မျှ​မြေ​ကို​ငါ​သည်​သင်​၏​အ​ဆက်​အ​နွယ်​တို့​အား​ထာ​ဝ​စဉ်​အ​ပိုင်​စား​ပေး​မည်။ သင်​၏​အ​ဆက်​အ​နွယ်​တို့​ကို​လည်း​မ​ရေ​မ​တွက်​နိုင်​အောင်​များ​ပြား​စေ​မည်။-

အခန်းကိုကြည့်ပါ။

Garrad Bible

သင် မြင် သော မြေ တစ် ပြင် လုံး ကို သင် မှ စ ၍ မျိုး စဥ် မြေး ဆက် တို့ အား ငါ ပေး မည်။

အခန်းကိုကြည့်ပါ။

Judson Bible

သင်​မြင်​သော မြေ​တစ်​ပြင်​လုံး​ကို၊ သင်​နှင့် သင်၏​အ​မျိုး​အ​နွယ်​အား၊ ငါ​သည်​ကာ​လ​အ​စဉ်​အ​မြဲ​ပေး​မည်။

အခန်းကိုကြည့်ပါ။



ကမ္ဘာ​ဦး 13:15
31 ပူးပေါင်းရင်းမြစ်များ  

ထာဝရဘုရား​သည် အာဗြံ​အား ကိုယ်ထင်ရှားပြ​၍ “​ဤ​ပြည်​ကို သင်​၏​အမျိုးအနွယ်​အား ငါ​ပေး​မည်​”​ဟု မိန့်​တော်မူ​၏​။ အာဗြံ​သည်​လည်း မိမိ​အား ကိုယ်ထင်ရှားပြ​တော်မူ​သော​ထာဝရဘုရား​အဖို့ ထို​အရပ်​၌ ယဇ်ပလ္လင်​ကို တည်​လေ​၏​။


ထ​လော့​၊ ဤ​မြေ​ကို အလျား​တစ်လျှောက်​၊ အနံ​တစ်လျှောက် လျှောက်သွား​လော့​။ ထို​မြေ​ကို သင့်​အား ငါ​ပေး​မည်​”​ဟု မိန့်​တော်မူ​၏​။


ထို​နေ့​၌ ထာဝရဘုရား​က အာဗြံ​အား “​အီဂျစ်​မြစ်​မှစ၍ ယူဖရေးတီး​မြစ်​ကြီး​တိုင်အောင် ဤ​ပြည်​ကို သင်​၏​သားစဉ်မြေးဆက်​အား ငါ​ပေး​၏​။


တစ်ဖန် ကိုယ်တော်​က “​ငါ​သည် သင့်​အား ဤ​ပြည်​ကို​ပေး​၍​ပိုင်ဆိုင်​စေရန် ခါလဒဲ​လူမျိုး​တို့​ပိုင်​သော​ဥရ​မြို့​မှ သင့်​ကို​ထုတ်ဆောင်​ခဲ့​သော​ထာဝရဘုရား​ဖြစ်​၏​”​ဟု အာဗြံ​အား မိန့်​တော်မူ​၏​။


အာဗြဟံ​သည် အမှန်ပင် ကြီးမြတ်​သော​လူမျိုး​၊ အင်အားကြီး​သော​လူမျိုး​ဖြစ်လာ​မည်​။ ကမ္ဘာမြေကြီး​ပေါ်​ရှိ လူမျိုး​အပေါင်း​တို့​သည်​လည်း သူ့​အားဖြင့် ကောင်းချီးမင်္ဂလာ​ခံစား​ရ​ကြ​လိမ့်မည်​။


ငါ့​ဖခင်​၏​အိမ်​၊ ငါ့​မွေးရပ်​မြေ​မှ ငါ့​ကို​ခေါ်ယူ​၍ ‘​ဤ​ပြည်​ကို သင်​၏​သားစဉ်မြေးဆက်​အား ငါ​ပေး​မည်​’​ဟု ကျိန်ဆို​ကတိ​ပေး​တော်မူ​သော ကောင်းကင်ဘုံရှင်​ဘုရားသခင်​ထာဝရဘုရား​သည် မိမိ​၏​ကောင်းကင်တမန်​ကို သင့်​ရှေ့​၌ စေလွှတ်​တော်မူ​မည်​ဖြစ်၍ သင်​သည် ငါ့​သား​အတွက် ထို​အရပ်​မှ မိန်းမ​ကို​ရှာ​ရ​မည်​။


ထာဝရဘုရား​သည် သူ့​အနား​တွင်​ရပ်​နေ​၍ “​ငါ​သည် သင့်​ဖခင်​အာဗြဟံ​၏​ဘုရား​၊ ဣဇက်​၏​ဘုရား​တည်းဟူသော ထာဝရဘုရား​ဖြစ်​၏​။ သင်​အိပ်​နေ​သော​မြေ​ကို သင်​နှင့်​သင်​၏​သားစဉ်မြေးဆက်​အား ငါ​ပေး​မည်​။


သင်​၏​သားစဉ်မြေးဆက်​သည် မြေမှုန့်​ကဲ့သို့​များပြား​၍ အရှေ့​၊ အနောက်​၊ တောင်​၊ မြောက် အရပ်ရပ်​သို့​ပျံ့နှံ့​လိမ့်မည်​။ ကမ္ဘာမြေကြီး​ပေါ်​ရှိ​လူမျိုး​အပေါင်း​တို့​သည် သင့်​အားဖြင့်​လည်းကောင်း​၊ သင်​၏​အမျိုးအနွယ်​အားဖြင့်​လည်းကောင်း ကောင်းချီးမင်္ဂလာ​ခံစား​ရ​ကြ​လိမ့်မည်​။


သင်​တည်းခိုနေထိုင်​သော​ပြည်​ဖြစ်​သည့် အာဗြဟံ​အား ဘုရားသခင်​ပေး​တော်မူ​သော​ပြည်​ကို သင်​ပိုင်ဆိုင်​ရ​မည့်​အကြောင်း အာဗြဟံ​အား ပေး​တော်မူ​သော​ကောင်းချီးမင်္ဂလာ​ကို ကိုယ်တော်​သည် သင်​နှင့်တကွ သင်​နှင့်အတူ​ရှိ​သော သင်​၏​သားမြေး​တို့​အား ပေး​တော်မူ​ပါစေသော​”​ဟု ကောင်းချီးပေး​လျက် မှာကြား​လေ​၏​။


အာဗြဟံ​နှင့်​ဣဇက်​အား ငါ​ပေး​သော​ပြည်​ကို သင့်​အား ငါ​ပေး​မည်​။ ထို​ပြည်​ကို နောင်လာမည့် သင်​၏​သားစဉ်မြေးဆက်​အား​လည်း ငါ​ပေး​မည်​”​ဟု မိန့်​တော်မူ​၏​။


‘​ငါ​သည် သင့်​ကို တိုးပွား​များပြား​စေ​၍ လူမျိုးကြီး​ဖြစ်​စေ​မည်​။ ဤ​ပြည်​ကို နောင်လာမည့်​သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​’​ဟု ငါ့​အား​မိန့်​တော်မူ​ခဲ့​၏​။


ယောသပ်​က သူ​၏​ညီအစ်ကို​တို့​အား “​အကျွန်ုပ်​သေ​ရ​တော့​မည်​။ သို့သော် ဘုရားသခင်​သည် သင်​တို့​ထံသို့ အမှန်ပင်​အကြည့်အရှု​ကြွလာ​၍ သင်​တို့​ကို ဤ​ပြည်​မှ အာဗြဟံ​၊ ဣဇက်​၊ ယာကုပ်​တို့​အား ကျိန်ဆို​ခဲ့​သည့်​ပြည်​သို့ ပို့ဆောင်​တော်မူ​မည်​”​ဟု ဆို​လေ​၏​။


“ခါနာန်​ပြည်​ကို သင်​တို့​အား အမွေ​ဝေစု​အဖြစ် ငါ​ပေး​မည်”​ဟု မိန့်​တော်မူ​ခဲ့​၏​။


အကျွန်ုပ်​တို့​၏​ဘုရားသခင်​၊ ဤ​ပြည်​၌​နေထိုင်​သော​လူမျိုး​တို့​ကို ကိုယ်တော်​၏​လူမျိုး​တော်​အစ္စရေး​တို့​ရှေ့​မှ​နှင်ထုတ်​တော်မူ​၍ ကိုယ်တော်​၏​မိတ်ဆွေ​ဖြစ်​တော်မူ​သော​အာဗြဟံ​၏​သားစဉ်မြေးဆက်​ကို ထာဝရ​နေထိုင်​စေ​တော်မူ​သည်​မ​ဟုတ်​လော​။


အကြောင်းမူကား ကိုယ်တော်​၏​ကောင်းချီးမင်္ဂလာ​ကို ခံစား​ရ​သော​သူ​တို့​သည် ပြည်​တော်​ကို​အမွေဆက်ခံ​ရ​ကြ​လိမ့်မည်​။ ကိုယ်တော်​၏​ကျိန်​ခြင်း​ကို​ခံရ​သော​သူ​တို့​မူကား ဖယ်ရှား​ခြင်း​ခံရ​ကြ​လိမ့်မည်​။


ဖြောင့်မတ်​သော​သူ​တို့​သည် ပြည်​တော်​ကို​အမွေဆက်ခံ​ရ​၍ ၎င်း​တွင် ထာဝစဉ်​နေထိုင်​ရ​ကြ​လိမ့်မည်​။


ကိုယ်တော်​က ကိုယ်တော်​၏​ကျွန် အာဗြဟံ​၊ ဣဇက်​၊ အစ္စရေး​တို့​အား ‘​ငါ​သည် သင်​တို့​၏​အမျိုးအနွယ်​ကို ကောင်းကင်​ကြယ်​နှင့်အမျှ များပြား​စေ​လျက် သင်​တို့​၏​သားစဉ်မြေးဆက်​အား ငါ​ပေး​မည်​ဟု ကတိပြု​ခဲ့​သော ဤ​မြေ​ရှိသမျှ​ကို သူ​တို့​သည် ထာဝရ​ပိုင်ဆိုင်​ရ​ကြ​လိမ့်မည်​’​ဟူ၍ ကိုယ့်ကိုယ်ကိုယ်​တိုင်တည်ကျိန်ဆို​တော်မူ​ခဲ့​သည်​ကို အောက်မေ့​တော်မူ​ပါ”​ဟု အသနားခံ​လေ​၏​။


တစ်ဖန် ထာဝရဘုရား​က မောရှေ​အား “​သင်​နှင့် အီဂျစ်​ပြည်​မှ​သင်​ထုတ်ဆောင်​ခဲ့​သော​လူ​တို့ ဤ​နေရာ​မှ​ထွက်​၍ အာဗြဟံ​၊ ဣဇက်​၊ ယာကုပ်​အား ‘​ထို​ပြည်​ကို သင်​၏​သားစဉ်မြေးဆက်​အား ငါ​ပေး​မည်​’​ဟု ငါ​ကျိန်ဆို​ခဲ့​သည့်​အတိုင်း ထို​ပြည်​သို့ သွား​ကြ​လော့​။


ကိုယ်တော်​၏​သန့်ရှင်း​သော​လူမျိုး​တော်​တို့ ခဏသာ​ပိုင်ဆိုင်​ရ​ပြီး ရန်သူ​တို့​သည် ကိုယ်တော်​၏​သန့်ရှင်းရာဌာန​တော်​ကို နင်းချေ​ကြ​ပြီ​။


“​အစ္စရေး​အမျိုးသား​တို့​အား ဆင့်ဆို​လော့​။ သင်​တို့​သည် ခါနာန်​ပြည်​သို့​ရောက်​သောအခါ အမွေ​အဖြစ် သင်​တို့​ရရှိ​မည့် ခါနာန်​ပြည်​၏​နယ်မြေ​အပိုင်းအခြား​ကား ဤသို့​ဖြစ်​ရ​မည်​။


နူးညံ့​သိမ်မွေ့​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် ကမ္ဘာ​မြေ​ကို အမွေ​ဆက်ခံ​ရ​ကြ​လိမ့်မည်။


သို့သော် ဤ​ပြည်​၌ ခြေ​ချ​စရာ​နေရာ​ကို​မျှ အမွေ​အဖြစ်​ပေး​တော်​မ​မူ​ဘဲ သူ​ကိုယ်တိုင်​နှင့် သူ​၏​အမျိုးအနွယ်​တို့​အား ဤ​ပြည်​ကို​အပိုင်​ပေး​မည်​ဟု သူ​၌​ကလေး​တစ်ယောက်မျှ​မ​ရှိ​မီ သူ့​အား ကတိ​ပေး​တော်မူ​၏။


ထို့နောက် ထာဝရဘုရား​က မောရှေ​အား “​အာဗြဟံ​၊ ဣဇက်​၊ ယာကုပ်​တို့​အား ကျိန်ဆို​သည်​နှင့်အညီ ဤ​ပြည်​ကား ‘သင်​၏​သားစဉ်မြေးဆက်​တို့​အား ငါ​ပေး​မည်​’​ဟု ကတိထား​သော​ပြည်​ဖြစ်​၏​။ သင့်​မျက်စိ​ဖြင့်​တွေ့မြင်​ခွင့်​ကို ငါ​ပေး​သော်လည်း သင်​သည် ထို​ပြည်​သို့​ကူးသွား​ရ​မည်​မ​ဟုတ်​”​ဟု မိန့်​တော်မူ​၏​။


သင်​၏​ဖြောင့်မတ်​ခြင်း​နှင့် သင်​၏​စိတ်သဘော​ဖြောင့်မှန်​ခြင်း​တို့​ကြောင့် သင်​သည် သူ​တို့​၏​ပြည်​ကို ဝင်ရောက်​ပိုင်ဆိုင်​ရ​ခြင်း မ​ဟုတ်​။ သင်​၏​ဘုရားသခင်​ထာဝရဘုရား​သည် ဤ​လူမျိုး​တို့​၏​ဆိုးယုတ်မှု​ကြောင့်​လည်းကောင်း​၊ သင့်​ဘိုးဘေး အာဗြဟံ​၊ ဣဇက်​၊ ယာကုပ် တို့​အား ထာဝရဘုရား​ကျိန်ဆို​တော်မူ​ခဲ့​သည့်​စကား​တော်​ကို တည်​စေရန်​အတွက်​လည်းကောင်း သူ​တို့​ကို သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။