၁ ကော 7:38 - ခေတ်သစ်မြန်မာ သမ္မာကျမ်း ထို့ကြောင့် မိမိနှင့် စေ့စပ်ထားသောမိန်းမပျိုကို လက်ထပ်သောသူသည် ကောင်းမွန်စွာပြု၏။ လက်မထပ်သောသူမှာမူ ပို၍ ကောင်းမွန်စွာပြု၏။ Common Language Bible ထိုကြောင့်မိမိနှင့်စေ့စပ်ကြောင်းလမ်းထားသူ အမျိုးသမီးပျိုနှင့် ထိမ်းမြားမင်္ဂလာပြုသူ၏ အပြုအမူသည်လျောက်ပတ်ပေ၏။ သို့ရာတွင် ထိမ်းမြားမင်္ဂလာမပြုသူ၏အပြုအမူသည် ကားသာ၍ပင်လျောက်ပတ်၏။ Garrad Bible သို့ ဖြစ်၍ သ မီး က ညာ ကို ပေး စား သူ သည် သင့် လျော် စွာ ပြု၏။ မ ပေး စား သူ မူ ကား သာ၍ ပြု သ တည်း။ Judson Bible သို့ရာတွင် မင်္ဂလာဆောင်သောသူသည် ကောင်းစွာပြု၏။ မဆောင်သောသူမူကား၊ သာ၍ ကောင်းစွာပြု၏။ မြန်မာ့စံမီသမ္မာကျမ်း ထို့ကြောင့် မိမိနှင့်ဆိုင်သောအပျိုကညာကို ပေးစားဆောင်နှင်းသောသူသည် ကောင်းစွာပြု၏။ ပေးစားဆောင်နှင်းခြင်းမပြုသောသူမူကား သာ၍ကောင်းစွာပြု၏။ |
သင်တို့အား ငါပြောဆိုသည်မှာ ဇနီးဖြစ်သူသည် အိမ်ထောင်ရေးဖောက်ပြန်မှုမရှိသော်လည်း ခင်ပွန်းဖြစ်သူက ထိုဇနီးကို ကွာရှင်းလျှင် သူသည် မိမိဇနီးကို အိမ်ထောင်ရေးဖောက်ပြန်မှု ကျူးလွန်စေရာရောက်၏။ ကွာရှင်းထားသောအမျိုးသမီးကို လက်ထပ်သောသူသည်လည်း အိမ်ထောင်ရေးဖောက်ပြန်မှုကို ကျူးလွန်၏။
လက်ရှိ အကျပ်အတည်းကြောင့် ဤအတိုင်း နေလျှင် အကောင်းဆုံးဖြစ်မည်ဟု ကျွန်ုပ်ယူဆပါ၏။
သို့သော် သူသည် အိမ်ထောင်မပြုရန် စိတ်ပိုင်းဖြတ်ထား၍ မပြုမနေရသဘောမျိုးလည်းမဟုတ်ဘဲ မိမိစိတ်ကို ထိန်းချုပ်နိုင်လျှင် ထိုသို့ အိမ်ထောင်မပြုဘဲနေရန် ဆုံးဖြတ်ခြင်းသည် ကောင်း၏။
ဇနီးသည် မိမိခင်ပွန်း အသက်ရှင်နေသမျှကာလပတ်လုံး ထိုခင်ပွန်းနှင့် နှောင်ဖွဲ့ထား၏။ ခင်ပွန်းကွယ်လွန်လျှင် မိမိနှစ်သက်သောသူနှင့် လက်ထပ်ခွင့်ရှိ၏။ သို့သော်လည်း ထိုသူသည် သခင်ဘုရားကို ယုံကြည်သောသူဖြစ်ရမည်။
ထို့ကြောင့် အိမ်ထောင်မရှိသောသူများနှင့် မုဆိုးမများကို ကျွန်ုပ်ပြောလိုသည်မှာ ထိုသူတို့သည် ကျွန်ုပ်ကဲ့သို့ အိမ်ထောင်မပြုဘဲ နေလျှင် ပို၍ကောင်းလိမ့်မည်။
ထိမ်းမြားလက်ထပ်ခြင်းကို လူတိုင်းတန်ဖိုးထားလေးစားရမည်။ အိမ်ထောင်ရေးတွင် တစ်ဦးကိုတစ်ဦး သစ္စာရှိရမည်။ ဘုရားသခင်သည် တရားနှင့်မညီသော မေထုန်ကို ပြုသူတို့နှင့် အိမ်ထောင်ရေးဖောက်ပြန်သောသူတို့ကို စီရင်တော်မူလိမ့်မည်။