တမန်တော်ဝတ္ထု 5:16 - ခေတ်သစ်မြန်မာ သမ္မာကျမ်း ဂျေရုဆလင်မြို့ပတ်ဝန်းကျင်ရှိ မြို့ရွာများမှ လူများသည်လည်း စုဝေးကြ၏။ လူနာများနှင့် နတ်ဆိုး၏ညှဉ်းပန်းနှိပ်စက်ခြင်းခံရသည့်သူများကိုလည်း သယ်ဆောင်လာကြသဖြင့် ထိုလူနာရှိသမျှတို့သည် ကျန်းမာသွားကြ၏။ Common Language Bible ထို့ပြင်ယေရုရှလင်မြို့ပတ်ဝန်းကျင်မြို့ရွာ များမှ လူပရိသတ်တို့သည်ဖျားနာသူများ၊ နတ်မိစ္ဆာပူးဝင်နေသူများကိုခေါ်ဆောင်လာ ကြ၏။ ထိုသူနာအပေါင်းသည်ရောဂါပျောက် ကင်းသွားကြ၏။ Garrad Bible ယေ ရု ရှ လင် မြို့ ပတ် လည် ရှိ မြို့ ရွာ များ မှ လူ အ များ သည် သူ နာ နှင့် နတ် ဆိုး ပူး ကပ် နှိပ် စက် ခံ ရ သူ တို့ ကို ခေါ် ဆောင် ရောက် လာ ကြ သည့် အ လျောက် ရော ဂါ ကပ် သူ ရှိ သ မျှ တို့ ကျန်း မာ ကြ ၏။ Judson Bible ပတ်လည်ဝန်းကျင်၌ရှိသော မြို့သူရွာသား အပေါင်းတို့သည် အနာစွဲသောသူ၊ နတ်ဆိုးညှဉ်းဆဲသောသူတို့ကို ဆောင်ခဲ့လျက်၊ ယေရုရှလင်မြို့သို့ စုဝေးလာကြ၍၊ ထိုလူနာအပေါင်းတို့သည် အနာကင်းလွတ်ခြင်းသို့ ရောက်ကြ၏။ မြန်မာ့စံမီသမ္မာကျမ်း ဂျေရုဆလင်မြို့ပတ်ဝန်းကျင်ရှိ မြို့များမှ များစွာသောလူတို့သည်လည်း နာမကျန်းဖြစ်သူများနှင့် ညစ်ညူးသောနတ်တို့၏ပူးဝင်နှောင့်ယှက်ခြင်းခံရသူများကို ခေါ်ဆောင်လာ၍ စုဝေးလာကြရာ ထိုသူအပေါင်းတို့သည် အကောင်းပကတိဖြစ်လာကြ၏။ |
ဟေရုဒ်မင်းသည် မိမိကို ပညာရှိများလှည့်ဖြားကြောင်း သိမြင်သောအခါ ပြင်းစွာအမျက်ထွက်လေ၏။ ထို့နောက် ပညာရှိများထံမှ စုံစမ်းမေးမြန်းထားသော ကြယ်ပေါ်ထွန်းသည့် အချိန်ကာလကို အခြေခံလျက် စစ်သားများအား ဗက်လင်မြို့နှင့် အနီးပတ်ဝန်းကျင်ဒေသသို့ စေလွှတ်ကာ နှစ်နှစ်အရွယ်မှစ၍ နှစ်နှစ်အောက် သားယောက်ျားအားလုံးကို သတ်စေ၏။
ကိုယ်တော်၏သတင်းသည် ဆီးရီးယားပြည်တစ်လျှောက်လုံးသို့ ပျံ့နှံ့သွား၏။ ထို့ကြောင့် လူတို့သည် ဖျားနာသူများ၊ ရောဂါဝေဒနာအမျိုးမျိုး ခံစားနေရသူများ၊ နတ်ဆိုးပူးနေသူများ၊ ဝက်ရူးပြန်နေသူများနှင့် လေဖြတ်နေသူများကို ခေါ်ဆောင်လာကြ၏။ ကိုယ်တော်သည် ထိုသူတို့အားလုံး၏ ရောဂါများကို ပျောက်ကင်းစေတော်မူ၏။
ထိုညနေတွင် လူတို့သည် နတ်ဆိုးပူးသူများကို ယေရှုထံတော်သို့ ခေါ်ဆောင်လာကြ၏။ ယေရှုသည် ထိုနတ်ဆိုးတို့ကို အမိန့်ပေး၍ နှင်ထုတ်တော်မူ၏။ ဖျားနာသောသူအားလုံးကိုလည်း ကျန်းမာစေတော်မူ၏။
တစ်နေ့၌ ယေရှုသည်ဟောပြောသွန်သင်လျက်ရှိနေစဉ် ဂါလိလဲပြည်နှင့် ယုဒပြည်ရှိ ကျေးရွာအသီးသီးမှလည်းကောင်း၊ ဂျေရုဆလင်မြို့မှလည်းကောင်း ရောက်လာကြသောဖာရိရှဲများနှင့် ကျမ်းတတ်ဆရာများတို့သည် ထိုင်နေကြ၏။ အနာရောဂါပျောက်ကင်းစေနိုင်သော ဘုရားသခင်၏တန်ခိုးသည်လည်း ယေရှု၌ ရှိနေ၏။
ထိုသူတို့သည် ယေရှု၏ဟောပြောသွန်သင်မှုကို ကြားနာရန်နှင့် မိမိတို့၏အနာရောဂါများကို ကုသခံရန် ရောက်လာကြခြင်း ဖြစ်၏။ နတ်ဆိုးတို့၏ညှဉ်းဆဲခြင်းခံရသောသူတို့သည်လည်း လာ၍ အကောင်းပကတိအတိုင်း ဖြစ်သွားကြ၏။
ကိုယ်တော်ကြွတော်မူကြောင်းကို လူထုပရိသတ်တို့သည် ကြားသိသဖြင့် နောက်တော်သို့ လိုက်ကြ၏။ ယေရှုသည် ထိုသူတို့အား ကြိုဆို၍ ဘုရားသခင်၏နိုင်ငံတော်အကြောင်းကို ဟောပြောသွန်သင်တော်မူ၏။ ဖျားနာသောသူများကိုလည်း ကျန်းမာစေတော်မူ၏။
သင်တို့အား ငါအမှန် ဆိုသည်မှာ ငါ့ကို ယုံကြည်သောသူသည် ငါပြုသော အမှုတို့ကို ပြုလိမ့်မည်။ ထိုထက် ပို၍ကြီးသောအမှုတို့ကိုပင် ပြုလိမ့်မည်။ အဘယ်ကြောင့်ဆိုသော် ငါသည် ခမည်းတော်ထံသို့ သွားမည်ဖြစ်သောကြောင့်ပင်။
အို ဘုရားသခင်… လူများကို ကျန်းမာစေရန် လက်တော်ကို ဆန့်တော်မူစဉ် သန့်ရှင်းတော်မူသောအစေခံယေရှု၏အမည်နာမအားဖြင့် နိမိတ်လက္ခဏာများနှင့် အံ့ဖွယ်ဖြစ်ရပ်များကို ဖြစ်ပေါ်စေတော်မူပါ” ဟု ဘုရားသခင်ထံ ဆုတောင်းကြ၏။
လူတို့သည် အနာရောဂါရှိသောသူများကို လမ်းနံဘေးသို့ သယ်ဆောင်လာ၍ ခုတင်နှင့် ဖျာပေါ်တွင် ထားကြ၏။ ဤသည်မှာ ပေတရုဖြတ်သွားသောအခါ တချို့လူနာများအပေါ်သို့ သူ၏အရိပ်ကျရောက်စေရန် ဖြစ်၏။
ထိုအခါ ယဇ်ပုရောဟိတ်မင်းနှင့် သူ၏အပေါင်းအဖော်ဖြစ်သော ဇဒ္ဒုကဲများ၏ဂိုဏ်းဝင်တို့သည် မနာလိုစိတ်ရှိကြ၏။
ထိုဝိညာဉ်တော်ကပင် အခြားသူတစ်ယောက်အား ယုံကြည်ခြင်းကို ပေးတော်မူ၏။ ထိုဝိညာဉ်တော်ကပင် အခြားသူတစ်ယောက်အား ရောဂါပျောက်ကင်းစေနိုင်သောဆုကျေးဇူးကို ပေးတော်မူ၏။
ထို့ကြောင့် သင်တို့သည် ကျန်းမာခွင့်ရရန် မိမိတို့၏အပြစ်များကို အချင်းချင်း ဖွင့်ဟဝန်ခံလျက် အချင်းချင်းအတွက် ဆုတောင်းပေးကြလော့။ ဖြောင့်မတ်သောသူ၏ဆုတောင်းခြင်းသည် အလွန်တန်ခိုးကြီး၍ ထိရောက်၏။