တမန်တော်ဝတ္ထု 12:9 - ခေတ်သစ်မြန်မာ သမ္မာကျမ်း ပေတရုသည် ထွက်၍ သူ၏နောက်သို့ လိုက်လေ၏။ ကောင်းကင်တမန်လုပ်ဆောင်မှုအားဖြင့် ဖြစ်ပျက်နေသောအရာသည် အမှန်ဖြစ်ကြောင်းမသိဘဲ ရူပါရုံကို မြင်နေရသည်ဟုသာ ပေတရုထင်မှတ်လေ၏။ Common Language Bible ပေတရုသည်အချုပ်ခန်းမှထွက်၍ ကောင်းကင် တမန်၏နောက်သို့လိုက်လေ၏။ သူသည်ကောင်းကင် တမန်ပြုသောအမှုကိုတကယ်အဖြစ်အပျက် ဟူ၍မသိ။ ဗျာဒိတ်ရူပါရုံကိုမြင်လျက်နေသည် ဟူ၍သာထင်မှတ်၏။- Garrad Bible စေ တ မန် တော့် အ ပြု အ မူ မှန် မ မှန် မ သိ ဘဲ ရူ ပါ ရုံ ဖြစ် သည် ဟု ထင် မြင် လျက် ပေ တ ရု လိုက်၍ ထွက် သွား လေ၏။ Judson Bible ပေတရုသည် ထွက်၍လိုက်သော်လည်း၊ ကောင်းကင်တမန် ပြုသမျှတို့သည် မှန်သောအမှုအရာဖြစ်သည်ဟု မသိမမှတ်ဘဲ၊ မိမိသည် ဗျာဒိတ်ရူပါရုံကို မြင်သည်ဟုထင်လေ၏။- မြန်မာ့စံမီသမ္မာကျမ်း ပေတရုသည် ထွက်၍ လိုက်သွားလေ၏။ သို့သော် ကောင်းကင်တမန်အားဖြင့် ဖြစ်ပျက်နေသောအရာသည် အမှန်တကယ်ဖြစ်ကြောင်းမသိဘဲ ရူပါရုံကိုမြင်နေရသည်ဟူ၍သာ သူထင်မှတ်နေ၏။ |
ပေတရုသည် မြင်ခဲ့ရသောရူပါရုံ၏အဓိပ္ပာယ်မှာ မည်သို့နည်းဟု တွေးတောလျက် စိတ်ရှုပ်ထွေးနေစဉ် ကော်နေလိစေလွှတ်သောလူများသည် ရှိမုန်အိမ်ကို စုံစမ်း၍ တံခါးဝတွင်ရောက်ရှိလာကြ၏။
တစ်ခုသော မွန်းလွဲသုံးနာရီခန့်တွင် ဘုရားသခင်၏ကောင်းကင်တမန်တစ်ပါးသည် သူ့ထံသို့ရောက်လာ၍ “ကော်နေလိ” ဟု ခေါ်သည်ကို ရူပါရုံတွင် ရှင်းလင်းစွာ မြင်ရ၏။
“ကျွန်ုပ်သည် ယုပ္ပေမြို့တွင် ဆုတောင်းလျက်ရှိနေစဉ် ပီတိဘဝင်ဖြစ်၍ ရူပါရုံတစ်ခုကို မြင်ရ၏။ ကောင်းကင်မှ ထောင့်လေးထောင့်ဖြင့် ထိန်းလျက် လျှောချသည့် ပိတ်ထည်စကြီးကဲ့သို့သောအရာသည် ကျွန်ုပ်အနားသို့ တဖြည်းဖြည်းကျဆင်းလာ၏။
ကောင်းကင်တမန်က “သင်၏ခါးပတ်ကို ပတ်၍ ဖိနပ်ကိုလည်းစီးလော့” ဟု ဆိုလျှင် သူသည် ထိုအတိုင်းလုပ်ဆောင်လေ၏။ ထို့နောက် ပေတရုအား “သင့်ဝတ်ရုံကို ခြုံ၍ ငါ့နောက်သို့လိုက်လော့” ဟု ဆိုပြန်၏။
ထို့ကြောင့် အရှင်အဂြိပ္ပမင်းကြီး… အကျွန်ုပ်သည် ကောင်းကင်မှ ရသောထိုရူပါရုံကို မနာခံဘဲမနေပါ။
ထိုဒမတ်စကပ်မြို့တွင် အာနနိအမည်ရှိသော တပည့်တော်တစ်ဦးရှိ၏။ သခင်ဘုရားကသူ့အား ရူပါရုံတွင် “အာနနိ” ဟု ခေါ်ရာ သူက “အကျွန်ုပ်ရှိပါ၏သခင်ဘုရား” ဟု လျှောက်၏။
အမွေခံရမည့်အရပ်သို့ ထွက်သွားရန် ဘုရားသခင် ခေါ်တော်မူသောအခါ အာဗြဟံသည် မည်သည့်အရပ်သို့ ထွက်သွားရမည်ကိုပင် မသိဘဲ ယုံကြည်ခြင်းဖြင့် နာခံ၍ ထွက်ခွာခဲ့၏။