သို့ရာတွင် သူသည် မရည်ရွယ်ဘဲ သူ့လက်၌ဘုရားသခင်အပ်သဖြင့် လူကိုသတ်မိလျှင် ထိုသူထွက်ပြေးရမည့်နေရာကို ငါသတ်မှတ်ပေးမည်။
တောလည် 35:22 - မြန်မာ့စံမီသမ္မာကျမ်း ရန်ငြိုးမရှိဘဲ လူကိုအမှတ်မထင်တွန်းချမိ၍ဖြစ်စေ၊ မချောင်းမြောင်းဘဲ ပစ္စည်းတစ်ခုခုဖြင့် ပစ်မိ၍ဖြစ်စေ၊ Common Language Bible ``သို့ရာတွင်တစ်စုံတစ်ယောက်အား မုန်းတီး ခြင်းမရှိဘဲနှင့်တွန်းချ၍သော်လည်းကောင်း၊ တစ်စုံတစ်ခုနှင့်ပစ်၍သော်လည်းကောင်း အမှတ်မထင်သတ်မိလျှင်ဖြစ်စေ၊- Garrad Bible ရန် ကင်း လျက် ရှောင် တ ခင် တွန်း ထိုး မိ၍ သော် လည်း ကောင်း၊ အ သက် အ န္တ ရာယ် မ ရှာ၊ မ ချောင်း မြောင်း ဘဲ မျက် ကွယ် လျက် ရန် ဘက် မ ဟုတ် သူ့ အ ပေါ် တွင် သေ လောက် သည့် ကျောက် ခဲ မှ စ သော တစ် စုံ တစ် ခု ဖြင့် ပစ် ခတ် မိ၍ သော် လည်း ကောင်း သေ စေ လျှင် မူ ကား၊ Judson Bible သို့မဟုတ် မုန်းသောစိတ်မရှိဘဲ အမှတ်တမဲ့တွန်းချသော်လည်းကောင်း၊ မချောင်းမြောင်းဘဲ တစ်စုံတစ်ခုနှင့် ပစ်မိသော်လည်းကောင်း၊ |
သို့ရာတွင် သူသည် မရည်ရွယ်ဘဲ သူ့လက်၌ဘုရားသခင်အပ်သဖြင့် လူကိုသတ်မိလျှင် ထိုသူထွက်ပြေးရမည့်နေရာကို ငါသတ်မှတ်ပေးမည်။
မရည်ရွယ်ဘဲလူကိုသတ်မိသောလူသတ်သမားတို့ ထွက်ပြေးပြီး ခိုလှုံနိုင်သောမြို့တို့ကို သင်တို့ ရွေးချယ်ရမည်။
မုန်းတီးစိတ်ကြောင့် လူကိုတွန်းချ၍ဖြစ်စေ၊ ချောင်းမြောင်းလျက် တစ်စုံတစ်ရာဖြင့် လူကိုပစ်၍ဖြစ်စေ ထိုလူသေသွားလျှင်လည်းကောင်း၊
ရန်ငြိုးထား၍ လက်သီးနှင့်ထိုးသဖြင့် လူသေသွားလျှင်လည်းကောင်း ထိုသို့ပြုသောသူသည် မုချအသတ်ခံရမည်။ ထိုသူသည် လူသတ်သောသူဖြစ်၏။ သွေးကြွေးအတွက်လက်စားချေပေးသောသူသည် လူသတ်သောသူကို တွေ့လျှင် သတ်ရမည်။
မိမိ၏ရန်သူမဟုတ်၊ အန္တရာယ်ပြုရန်လည်းမရည်ရွယ်ဘဲ မမြင်သဖြင့် သေစေနိုင်သောကျောက်တုံးတစ်တုံးတုံးဖြင့်ပစ်မိ၍ဖြစ်စေ ထိုလူသေသွားလျှင်
ဥပမာအားဖြင့် အိမ်နီးချင်းနှင့်အတူ တောထဲသို့ သစ်ခုတ်သွားသောသူသည် အပင်ခုတ်လှဲရန် ပုဆိန်ကိုလွှဲလိုက်သောအခါ ပုဆိန်သည် အရိုးမှကျွတ်ထွက်၍ အိမ်နီးချင်းကို ထိမှန်ကာ အိမ်နီးချင်းသေသွားလျှင် လူသတ်မိသောသူသည် ထိုမြို့များထဲမှ တစ်မြို့မြို့သို့ ထွက်ပြေးခြင်းဖြင့် အသက်ချမ်းသာရာရလိမ့်မည်။
မရည်ရွယ်ဘဲ မတော်တဆလူသတ်မိသောလူသတ်သမားသည် ထိုမြို့တို့သို့ပြေးသွားနိုင်၏။ ထိုမြို့တို့သည် လက်စားချေမည့်သူ၏လက်မှ လွတ်မြောက်ရန် သင်တို့ခိုလှုံနိုင်သောမြို့ဖြစ်၏။
သူသည် မိမိအိမ်နီးချင်းအပေါ် အမုန်းမရှိဘဲ မတော်တဆလူသတ်မိခြင်းဖြစ်သောကြောင့် လက်စားချေသောသူသည် သူ့နောက်သို့လိုက်လာသောအခါ သူ့ကို လက်စားချေသူလက်သို့ မအပ်ရ။