Mika 6:5 - DIEM PROTESTANTA

⁵ Ry vahoakako, mba tsarovy izay nokasain’i Balàka mpanjakan’i Môaba hatao sy ny navalin’i Bilehama zanakalahin’i Behôra azy, ary izay niseho hatreo Sitima ka hatrany Gilgala, mba hahafantaranareo asa nanasoavako anareo.»

Baiboly Protestanta Malagasy 2011

⁵ Ry oloko, mba tsarovy ny saina nataon’i Balaka, mpanjakan’i Moaba, sy izay navalin’i Balama, zanak’i Beora, azy, ary izay natao hatrany Sitima ka hatrany Gilgala, hahafantaranareo ny asa marina nataon’NY TOMPO.

Dikateny Iombonana Eto Madagasikara

⁵ Ry vahoakako, mba tsarovy izay nokasain’i Balàka mpanjakan’i Môaba hatao sy ny navalin’i Bilehama zanakalahin’i Behôra azy, ary izay niseho hatreo Sitima ka hatrany Gilgala, mba hahafantaranareo asa nanasoavako anareo.»

Baiboly Katolika

⁵ Tsarovy àry, ry vahoakako, ny hevitra nomen’i Balàka, mpanjakan’i Moaba, sy ny navalin’i Balaama, zanak’i Beôra, azy. Tsarovy ny hatrany Setima ka hatrany Galgalà, hahafantaranao ny fahamarinan’i Iaveh.

Baiboly Protestanta Malagasy

⁵ Ry oloko, mba tsarovy ny saina nataon’i Balaka, mpanjakan’i Moaba, Sy izay navalin’i Balama, zanak’i Beora, azy, Ary izay natao hatrany Sitima ka hatrany Gilgala, Hahafantaranareo ny asa marina nataon’i Jehovah.

Malagasy Bible

⁵ Ry oloko, mba tsarovy ny saina nataon'i Balaka, mpanjakan'i Moaba, Sy izay navalin'i Balama, zanak'i Beora, azy, Ary izay natao hatrany Sitima ka hatrany Gilgala, Hahafantaranareo ny asa marina nataon'i Jehovah.

Mika 6:5 Rohy Ifampitohizana

Salamo 111:4

Tiany hotsaroana ny zava-mahagaga nataony. Miantra sy mamindrafo ny TOMPO.

Salamo 143:11

Araka ny maha TOMPO Anao, dia velomy indray aho; noho ny fahamarinanao, dia esory amin’ny fahoriana aho.

Salamo 36:10

Fa ao aminao ny loharanon’aina; ny fahazavanao no manazava anay.

Salamo 71:19

Ambony dia ambony tokoa ny fahamarinanao, Andriamanitra ô; ary nahavita zava-baventy Ianao! Tsy misy toa Anao, Andriamanitra ô.

Isaia 1:27

Ho voavonjy i Tsiôna rehefa mitandro ny rariny; ary ho voavonjy ireo mponiny niala tamin’ny toe-dratsy rehefa mampihatra ny fahamarinana.

Nomery 22:41

Nony maraina dia nalain’i Balàka i Balahama ka nentiny niakatra ho ao Bamôta-Bahala izay nahatazanana ampahan’ny vahoaka israelita.

Nomery 23:27

Dia hoy koa i Balàka tamin’i Balahama: –Andao fa hoentiko any amin’ny toeran-kafa indray ianao; angamba hoeken’Andriamanitra amin’izay ny hanozonanao io vahoaka io any.

Nomery 25:1

Nitoby tao Sitima ny Israelita ka nanomboka nijangajanga tamin’ny vehivavy môabita,

Nomery 25:2

izay nitarika azy hanao sorona amin’ireo andriamaniny.

Nomery 31:16

Ireo ihany, noho ny torohevitr’i Balahama, no nahatonga ny Israelita hanao fahadisoana lehibe tamin’ny TOMPO, tamin’ilay raharahan’i Pehôra, ka niavian’ny areti-mandringana teo amin’ny fiangonan’ny TOMPO.

Nomery 31:8

Matin’ny Israelita koa ny mpanjaka midianita dimy lahy, dia i Evỳ sy i Rekema, i Tsoro sy i Hora ary i Reba. Novonoiny ho faty tamin’ny sabatra ihany koa i Balahama zanakalahin’i Behôra.

Nomery 33:49

Teo amoron’i Jôrdàna, tanelanelan’i Bety-Jesimôta sy Abela-Sitima tao amin’ny lemak’i Môaba, no nitobian’ny Israelita.

Efesiana 2:11

Ianareo izay hafa firenena, – dia ianareo antsoin’ny Jiosy hoe «tsy voafora», fa izy ireo miantso ny tenany hoe «voafora» (ilazana famantarana ataon’ny olona amin’ny nofony) –, tsarovy izay nanjo anareo fahiny:

Deoteronomia 16:3

Aza mofo misy leviora no haninareo amin’ny sakafo Paska; fa mandritra ny fito andro, dia mofo tsy misy leviora no hohaninareo mba hahatsiahivanareo fa an-kamehana no nialanareo tany Ejipta; eny, mofo tsizarizary no hohaninareo mba hahatsiarovanareo ilay andro nialanareo tany Ejipta, mandritra ny andro rehetra iainanareo.

Deoteronomia 23:6

Kanefa ny TOMPO Andriamanitrareo tsy nety nihaino an’i Balahàma, fa nampody ny fanozonana ho fitahiana anareo IZY noho ny fitiavany anareo.

Deoteronomia 8:18

tsarovy kosa fa ny TOMPO Andriamanitrareo no manome anareo ny hery hamoriana harena, ka mahatò tahaka ny amin’izao anio izao ny fanekempihavanana izay nataony sady nianianany tamin’ny razambenareo.

Deoteronomia 8:2

Tsarovy avokoa ny lalana izay nasain’ny TOMPO Andriamanitrareo halehanareo tatỳ an-taniefitra, nandritra izay efapolo taona izay, mba hampanetry tena anareo; nizaha toetra anareo Izy tamin’izany mba hahalalany izay ao am-ponareo na hitandrina ny didiny ianareo na tsia.

Deoteronomia 9:7

Tsarovy ny nampahatezeranareo ny TOMPO Andriamanitrareo; aza hadinoinareo mihitsy izany! Hatreo amin’ny andro nialanareo tany Ejipta ka hatramin’izao nahatongavanareo teto amin’ity toerana ity izao, dia tsy nitsahatra niodina tamin’ny TOMPO ianareo.

Josoa 2:1

Ary i Josoa, zanakalahin’i Nona, dia nandefa mpitsikilo roa lahy mangingina avy tao an-tobin’i Sitima ka niteny taminy hoe: –Ndeha misafo ny tany ianareo, indrindra fa ny tanànan’i Jerikao. Nony tonga tao an-tanàna izy roa lahy, dia niditra tao an-tranon’ny vehivavy mpivaro-tena iray atao hoe Rahaba ka nandry tao.

Josoa 3:1

Ny ampitso dia nifoha vao maraina i Josoa mbamin’ireo Israelita rehetra ka nandao ny tobin’i Sitima ary nankany amoron’i Jôrdàna, dia nijanona teo alohan’ny hiampitany.

Josoa 4:19

Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

2Petera 2:15

Efa niala tamin’ny lala-mahitsy izy ireo ka nivily nanaraka ny lalana efa nizoran’i Balahàma, zanakalahin’i Behôra: i Balahàma dia nankamamy ny tambin’ny asa ratsiny,

1Jaona 1:9

Fa raha miaiky ny fahotantsika isika, dia mitana ny toky nomeny Andriamanitra sady miantra, ka hamela ny fahotantsika sy hanadio antsika ho afaka amin’ny ratsy isan-karazany.

Joda 1:11

Hahita loza ireo, fa nizotra tamin’ny lalana efa nizoran’i Kaina, nihitsoka tamin’ny hadisoana efa nahavoa an’i Balahàma mba hahazoana tamby, ary efa ringana tamin’ny fikomiana nataony toy ny naharingana an’i Kôrà.

Apokalipsy 2:14

Saingy izao no zavatra kely anomezako tsiny anao: misy eo aminao izay mifikitra amin’ny fampianaran’i Balahàma, ilay nanome fo an’i Balàka hanisy fandrika mitaona ny Israelita amin’ny fahotana; ary dia voatarika tokoa ireo Israelita hihinan-kena natao fanatitra tamin’ny sampy sy hijangajanga.

Mpitsara 11:25

Moa mihevi-tena ho tsara lavitra noho i Balàka zanakalahin’i Tsipôra sady mpanjakan’i Môaba ve ianao? Izy anefa tsy mba nila ady tamin’ny vahoaka Israely sady tsy nanafika azy.

Mpitsara 5:11

Teo akaikin’ny fampisotroan-drano, ireo mpizara rano ho an’ny biby fiompy no nankalaza ny fandresen’ny TOMPO, dia fandresena nomeny ireo lehiben’i Israely fony injay nirotsaka hiady teo am-bavahadin’ny tanàna ilay vahoakan’ny TOMPO.

1Samoela 12:7

Ary ankehitriny mitsangàna eto anatrehan’ny TOMPO, fa hambarako hitsara anareo ireo soa rehetra nataon’ny TOMPO taminareo sy ny razanareo.