Mika 6:6 - DIEM PROTESTANTA

⁶ «Inona àry no hoentiko, rehefa manatona aho hiankohoka eo anatrehan’ny TOMPO, Andriamanitra avo indrindra? Moa zanak’omby iray taona hatao sorona dorana manontolo ve no hoentiko rehefa manatona Azy aho?

Baiboly Protestanta Malagasy 2011

⁶ Inona no hoentiko manatona NY TOMPO sy miondrika eo anatrehan’Andriamanitra izay any amin’ny avo? Hanatona Azy mitondra fanatitra dorana manontolo sy ombilahy kely izay iray taona va aho?

Dikateny Iombonana Eto Madagasikara

⁶ «Inona àry no hoentiko, rehefa manatona aho hiankohoka eo anatrehan’ny TOMPO, Andriamanitra avo indrindra? Moa zanak’omby iray taona hatao sorona dorana manontolo ve no hoentiko rehefa manatona Azy aho?

Baiboly Katolika

⁶ Inona no hoentiko hanoloana an’i Iaveh sy hiankohoka eo anatrehan’ny Andriamanitry ny any ambony? Hanoloana azy mitondra sorona dorana va aho dia zanak’omby efa iray taona?

Baiboly Protestanta Malagasy

⁶ Inona no ho entiko manatona an’i Jehovah Sy miondrika eo anatrehan’Andriamanitra Izay any amin’ny avo? Hanatona Azy mitondra fanatitra dorana Sy ny ombilahy kely iray taona va aho?

Malagasy Bible

⁶ Inona no ho entiko manatona an'i Jehovah Sy miondrika eo anatrehan'Andriamanitra Izay any amin'ny avo? Hanatona Azy mitondra fanatitra dorana Sy ny ombilahy kely iray taona va aho?

Mika 6:6 Rohy Ifampitohizana

2Samoela 21:3

Ka hoy i Davida tamin’ny Gibehônita: –Inona no hataoko ho anareo! Ahoana no hanonerako ny ratsy izay nihatra taminareo, mba hitsofanareo rano ny vahoakan’ny TOMPO?

Salamo 116:12

Inona no havaliko ny TOMPO noho ny soa rehetra nataony tamiko?

Salamo 22:29

Fa ny TOMPO no mpanjaka, Izy no manapaka amin’ireo firenena.

Salamo 95:2

Aoka hankeo anatrehany amim-piderana, hankalaza Azy amin’ny feon-java-maneno!

Salamo 95:6

Midira, aoka isika hiankohoka sy hitsaoka, handohalika eo anatrehan’ny TOMPO Mpanao antsika!

Eksodosy 12:5

Zanakondry lahy na zanakosy lahy tsy misy kilema, herintaona, no halainareo.

Eksodosy 23:15

Ny fety voalohany hankalazainareo dia ny fetin’ny mofo tsy misy leviora: mandritra ny fito andro voatondro amin’ny volana Abiba no hihinananareo ny mofo tsy misy leviora araka izay efa nandidiako anareo. Tamin’io volana io manko no nialanareo tany Ejipta; koa aza miseho eo amin’ny alitarako mitondra tanam-polo.

Ohabolana 15:8

Halan’ny TOMPO ny sorona aterin’ny olon-dratsy; fa sitrany kosa ny vavaky ny olo-mahitsy.

Ohabolana 21:3

Ny fanaovana ny marina sy mahitsy dia sitraky ny TOMPO kokoa noho ny sorona.

Isaia 40:16

Ny biby fihaza ao Libano amin’ny TOMPO tsy ampy hatao sorona dorana manontolo; ary ny hazo ao anatin’ny alany tsy ampy hatao kitay amin’izany.

Jeremia 6:20

Nahoana moa Aho no anafarana vovo-javamanitra avy any Sebà sy veromanitra avy any an-tany lavitra? Tsy sitrako ny sorona dorany manontolo ary tsy teliko ny sorona hafa ataony ho Ahy.

Ezekiela 46:9

Fa rehefa ny vahoaka kosa no tonga hiankohoka amiko TOMPO amin’ny fotoan-dehibe, izay miditra amin’ny vavahady avaratra dia hivoaka amin’ny vavahady atsimo; ary izay miditra amin’ny vavahady atsimo dia hivoaka amin’ny vavahady avaratra. Tsy hisy olona hiverina amin’izay vavahady nidirany fa samy hivoaka amin’ny vavahady an-daniny.

Daniela 3:26

Dia nanatona ny varavaran’ny lafaoro misy afo mivaivay i Nebokadnetsara ka niantso hoe: –Ry i Sadràka sy i Mesàka ary i Habeda-Negao mpanompon’Andriamanitra Avo Indrindra ô, mivoaha tao ianareo ka avia atỳ! Niaraka tamin’izay dia nivoaka avy tao anaty afo i Sadràka sy i Mesàka ary i Habeda-Negao.

Daniela 4:9

Tsara tarehy ny raviny ary betsaka ny voany, sady nisy sakafo ho an’ny rehetra teo aminy. Tao ambaniny no nialokaloka ny bibidia, ary tao amin’ny rantsany no nitoetra ny voro-manidina. Ary ny miaina rehetra nahazo sakafo avy aminy.

Daniela 5:18

Ry mpanjaka ô, Andriamanitra Avo Indrindra no efa nahatonga an’i Nebokadnetsara rainao ho mpanjaka lehibe heni-boninahitra sy laza.

Daniela 5:21

Noroahina hiala teo amin’ny olombelona izy, nanam-pironana tahaka ny an’ny biby, niara-nonina tamin’ny borikidia ary nihinana ahitra toy ny omby; sady kotsan’ny ando ny tenany, ambara-piekeny fa Andriamanitra Avo Indrindra no manapaka amin’ny fanjakan’ny olombelona ary manendry izay tiany hanjaka aminy.

Hosea 5:6

Mitondra omby aman’ondry hatao sorona izy no tonga hitady ny TOMPO nefa tsy hahita Azy; fa efa nanalavitra azy ireo Izy.

Amosa 5:22

Na dia anateranareo sorona dorana manontolo sy fanatitra hohanina aza Aho, dia tsy hankasitrahiko izany; ary tsy hojereko akory ny zanak’omby matavy aterinareo ho sorom-pihavanana.

Matio 19:16

Ary indro nisy tovolahy nanatona an’i Jesoa ka nanao taminy hoe: –Mpampianatra ô, inona no tsara tokony hataoko hahavelona aina ahy mandrakizay?

Marka 12:33

Ka ny mitia Azy amin’ny fo manontolo sy amin’ny saina manontolo ary amin’ny hery manontolo, sy ny mitia namana tahaka ny itiavana ny tena dia manoatra lavitra noho ny biby dorana eo amin’ny alitara sy ny sorona isan-karazany.

Marka 5:7

ary niantsoantso ka niteny tamin’ny feo mahery hoe: –Fa hataonao inona aho, ry Jesoa Zanak’Andriamanitra avo indrindra? Miangavy Anao amin’ny anaran’Andriamanitra aho, aza dia ampijalîna re!

Lioka 10:25

Ary indro tamy ity mpahay lalàna anankiray ka nanao fanontaniana fandrika tamin’i Jesoa hoe: –Mpampianatra ô, inona no tokony hataoko hananako anjara amin’ny fiaina-maharitra mandrakizay?

Jaona 6:26

Dia novalian’i Jesoa hoe: –Lazaiko marina dia marina aminareo fa ny itadiavanareo Ahy dia tsy noho ianareo nahita famantarana, fa noho ianareo nihina-mofo ka voky.

Asan’ny Apostoly 16:17

Nanjohy anay sy i Paoly izy sady niantsoantso hoe: –Mpanompon’ilay Andriamanitra Avo indrindra ireo lehilahy ireo! Ny lalam-pamonjena no torîny aminareo!

Asan’ny Apostoly 16:30

Dia navoakan’ilay mpiambina izy roa lahy sady nanontaniany hoe: –Inona, tompoko, no tokony hataoko mba hovonjena aho?

Asan’ny Apostoly 2:37

Raha nandre izany ny olona, dia voatsindrona tao am-pony ka nanontany an’i Petera sy ny apôstôly namany hoe: –Ry havana, inona no tokony hataonay?

Efesiana 3:14

Noho izany no andohalehako eo anatrehan’Andriamanitra Ray,

Hebreo 10:11

Ny mpisorona rehetra dia samy nijoro isan’andro manao fanompoam-pivavahana sy manolotra matetika ny sorona fanaony, izay sorona tsy mahaisotra ny fahotana velively.

1Samoela 15:22

Dia hoy indray i Samoela hoe: –Moa sitraky ny TOMPO mihoatra noho ny fankatoavana AZY ve ny sorona dorana manontolo sy sorona hafa? Tsia! Fa tsara noho ny sorona rehetra ny fankatoavana AZY ary tsara noho ny jaboran’ondrilahy ny fanekena Azy.