Matio 14:9 - DIEM PROTESTANTA

⁹ Nalahelo ny mpanjaka; saingy noho izy niozonozona teo anatrehan’ny olona niara-nisakafo taminy, dia nasainy homena an-drazazavavy izany.

Baiboly Protestanta Malagasy 2011

⁹ Dia nalahelo ny mpanjaka, nefa noho ny fianianany sy ireo olona izay niara-nipetraka nihinana teo aminy dia nandidy ihany izy mba hanomezana azy izany.

Dikateny Iombonana Eto Madagasikara

⁹ Nalahelo ny mpanjaka; saingy noho izy niozonozona teo anatrehan’ny olona niara-nisakafo taminy, dia nasainy homena an-drazazavavy izany.

Baiboly Katolika

⁹ Dia nalahelo ny mpanjaka, kanefa noho ny fianianany sy noho ny olona niara-nihinana taminy, dia nasainy nomena azy ihany izany;

Baiboly Protestanta Malagasy

⁹ Dia nalahelo ny mpanjaka; kanefa noho ny fianianany sy ny olona izay niara-nipetraka nihinana teo aminy, dia nandidy ihany izy mba homena izany.

Malagasy Bible

⁹ Dia nalahelo ny mpanjaka; kanefa noho ny fianianany sy ny olona izay niara-nipetraka nihinana teo aminy, dia nandidy ihany izy mba homena izany.

Matio 14:9 Rohy Ifampitohizana

Mpitoriteny 5:2

Fa izay be ahiahy, mpanonofy ratsy; ary izay be teny mpanao rediredin’adala.

Jeremia 44:25

Izao no lazain’ny TOMPOn’izao rehetra izao sady Andriamanitr’i Israely: «Ny anareo vehivavy manokana, izay voalazanareo dia tanterahinareo; ka nilaza ianareo fa hanefa ny voady nataonareo tamin’i Hastôreta mpanjakavavin’ny lanitra ary hanolotra zava-manitra mifangaro sy divay ho azy. Koa efao ny voadinareo ary ataovy izay efa nampanantenainareo!

Matio 14:1

Tamin’izany andro izany, dia ren’i Herôda mpanjaka ny lazan’i Jesoa,

Matio 14:10

Ary naniraka olona i Herôda hanapa-doha an’i Jôhany tany am-ponja.

Matio 14:5

Dia nifofo ny ain’i Jôhany i Herôda, saingy natahotra ny vahoaka jiosy, satria noheverin-dry zareo ho mpaminanin’Andriamanitra i Jôhany.

Matio 14:8

Rehefa nomen-dreniny hevitra razazavavy, dia niteny hoe: –Omeo ahy etoana an-dovia ny lohan’i Jôhany Mpanao batisa!

Marka 6:14

Nandre ny resadresaka maro i Herôda mpanjaka satria efa niely ny lazan’i Jesoa; fa hoy ny olona sasany: –I Jôhany Mpanao batisa, ilay efa maty io, fa velona indray, ka izany no ananany hery ahavitany asa mahagaga.

Marka 6:20

Natahotra an’i Jôhany i Herôda satria hitany fa lehilahy mandala ny rariny sady masim-pitondrantena i Jôhany ka narovany. Isaky ny nihaino azy i Herôda, dia sahiran-tsaina mafy, nefa dia nahafinaritra azy ny nihaino azy.

Marka 6:26

Nalahelo fatratra ny mpanjaka, saingy noho ilay fianianana efa nataony ary noho ireo olona niara-nisakafo taminy, dia tsy te handà ny fangatahan-drazazavavy izy.

Lioka 13:32

Fa novalian’i Jesoa hoe: –Ndeha ilazao ilay fosalahy iny hoe: «Indro Aho mandroaka demony sy manasitrana anio sy rahampitso; ary rahafakampitso dia hefaiko ny asako.»

Mpitsara 11:39

Nony afaka roa volana, dia niverina tany amin’ny rainy izy; ka notanterahin-drainy taminy tokoa izay voady efa nataony. Dia maty mbola virijiny razazavavy. Ary hatramin’izay dia nanjary fanao teo amin’ny Israelita izao fomba izao:

Mpitsara 21:1

Fony nivory tao Mitsepà ny lehilahy israelita, dia nianiana fa tsy hisy hanome ny zanany vavy hanambady lehilahy Benjaminita.

1Samoela 14:24

Reraka mafy ny Israelita tamin’io andro io, satria efa norahonan’i Saoly tamin’ny fampitandremana hoe: «Ho voaozona anie izay manendry hanina alohan’ny hariva mandra-pahatò ny valifatiko amin’ny fahavalo!» Dia tsy nisy sahy nanendry hanina ny olon-drehetra.

1Samoela 14:28

Fa hoy ny miaramila iray taminy: –Ny rainao anie efa nampianiana mafy ny vahoaka ombàn’ny fampitandremana hoe: «Ho voaozona anie izay manendry hanina anio!» Izany no nampahareraka ny vahoaka.

1Samoela 25:22

Hosazîn’Andriamanitra mafy tokoa anie aho raha toa mbola hasiako miangana na dia lehilahy iray aza amin’ny fianakavian’i Nabala, hatramin’ny rahampitso maraina!»

1Samoela 28:10

Ary nianiana taminy sady nanonona ny anaran’ny TOMPO i Saoly ka nanao hoe: –Velona ny TOMPO ka milaza marina aho fa tsy hampaninona anao akory izao raharaha izao.