Levitikosy 8:3 - DIEM PROTESTANTA

³ Vorio koa ny Israelita rehetra ho tafangona eo anoloan’io toerana io.

Baiboly Protestanta Malagasy 2011

³ dia vorio ho eo anoloan’ny varavaran’ny tranolay fihaonana ny fiangonana manontolo.

Dikateny Iombonana Eto Madagasikara

³ Vorio koa ny Israelita rehetra ho tafangona eo anoloan’io toerana io.

Baiboly Katolika

³ ka vorio ny fiangonana rehetra, ho eo anoloan’ny varavaran’ny trano lay fihaonana.»

Baiboly Protestanta Malagasy

³ Ary vorio ny fiangonana rehetra ho eo anoloan’ny varavaran’ny trano-lay fihaonana.

Malagasy Bible

³ Ary vorio ny fiangonana rehetra ho eo anoloan'ny varavaran'ny trano-lay fihaonana.

La Bible en Malgache

³ dia vorio ho eo anoloan’ny varavaran’ny tranolay fihaonana* ny fiangonana manontolo.

Levitikosy 8:3 Rohy Ifampitohizana

1Tantara 13:5

Dia novorin’i Davida i Israely lafy valo, manomboka amin’ny sisin-tanin’i Ejipta ka hatrany Lebô-Hamàta, mba handeha haka ny Vatamasina, any Kiriata-Jeharima.

1Tantara 15:3

Dia novorin’i Davida tao Jerosalema i Israely lafy valo mba hampakatra ny Vatamasin’ny TOMPO ho eo amin’ny toerana izay efa namboarina ho azy.

2Tantara 30:13

Tamin’ny volana faharoa dia nisy vahoaka marobe tafavory tao Jerosalema mba hankalaza ny fety fihinanana ny mofo tsy misy leviora. Fiangonana goavana tokoa izany.

2Tantara 30:25

Faly ny besinimaro niangona teo; dia ny Jodeanina sy ny mpisorona mbamin’ny levita ary koa izay rehetra anisan’ny Israelita tavaratra na ireo nivahiny ho an’ny fety na ireo nonina tao Joda.

2Tantara 5:2

Tamin’izay fotoana izay dia novorîn’i Salômôna tao Jerosalema ny loholon’i Israely sy ny lehibem-poko rehetra ary ireo filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

2Tantara 5:6

I Salômôna mpanjaka sy ireo Israelita rehetra tafangona niaraka taminy teo anoloan’ny Vatamasina kosa dia samy nanao sorona omby sy ondry aman’osy marobe tokoa hany ka tsy tambo nisaina intsony.

Nehemia 8:1

Dia nivory toy ny olona iray ihany; teo amin’ny kianja anoloan’ny Vavahadin’ny Rano no nivoriany tamin’ny andro voalohan’io volana io. Nasain’ny vahoaka nalain’i Hezrà mpahay Lalàna ny bokin’ny Lalàn’i Mosesy, izay nandidian’ny TOMPO an’ireo Israelita. Dia nentin’i Hezrà mpisorona izany ho eo anatrehan’ny Fiangonana izay nahitana ny lehilahy sy ny vehivavy ary ny zaza rehetra efa mahahaino.

Salamo 22:25

Fa tsy nohamavoiny na notebahiny ity mahantra izay vesaram-pahoriana; tsy nandà ny hifanatri-tava aminy Izy, fa nihaino tokoa ny tarainany.»

Levitikosy 14:11

Ny mpisorona, izay mitarika ny fombam-pivavahana fidiovana, dia hametraka ilay olona sy ireo zavatra ireo eo anatrehan’ny TOMPO, izany hoe eo anoloan’ny varavaran’ny Tranolay fihaonana.

Levitikosy 8:2

–Antsoy i Aharôna sy ny zanany miaraka aminy, hankeo anoloan’ny varavaran’ny Tranolay fihaonana; asaovy entina ny fanamiana masina, ny menaka fanosorana, ny ombilahy hatao sorona fanalana ny ota, ny ondrilahy roa ary ny harona nasiana mofo tsy misy leviora.

Levitikosy 8:4

Nanao araka izay nandidian’ny TOMPO azy i Mosesy ka tafangona teo anoloan’ny varavaran’ny Tranolay fihaonana ny Israelita;

Nomery 20:8

–Raiso ny tehinao, ka vorionao sy i Aharôna rahalahinao ny Israelita. Eo imason’izy ireo no hitenenanareo amin’ny vatolampy, dia hanome rano izy. Eny, hampiboiboika rano ho azy ireo avy amin’io vato io ianao, ka hampisotro ny Israelita sy ny biby fiompiny!

Nomery 21:16

Niala teo indray ny Israelita, dia nankany Beèra (na hoe Fantsakana). Teo no nitenenan’ny TOMPO tamin’i Mosesy hoe: –Angony ny vahoaka fa homeko rano.

Nomery 8:9

Vorio ny fiangonan’ny Israelita rehetra, dia hasainao mankeo anoloan’ny Tranolay fihaonana ny Levita.

Asan’ny Apostoly 2:1

Nony tonga ny andro Pentekôsta, dia tafangona teo amin’io efitrano io ihany ny mpino rehetra.