Josoa 8:31 - DIEM PROTESTANTA

³¹ Araka ny didy nampitain’i Mosesy mpanompon’ny TOMPO tamin’ny Israelita, eny, araka izany didy voasoratra tao amin’ilay bokin’ny lalànan’i Mosesy izany, no nanaovany azy: dia alitara natao tamin’ny vato tsy namboarina, tsy voapaikam-by. Teo ambonin’ireo no nanolorana sorona dorana manontolo sy sorom-pihavanana ho an’ny TOMPO.

Baiboly Protestanta Malagasy 2011

³¹ araka izay nandidian’i Mosesy, mpanompon’NY TOMPO, ny Zanak’Israely, araka ny voasoratra ao amin’ny bokin’ny lalànan’i Mosesy, ka alitara vato tsy voavoatra, izay tsy nopehim-by no natao; dia nanolotra fanatitra dorana manontolo teo amboniny ho an’NY TOMPO izy sady namono zavatra hatao fanati-pihavanana koa.

Dikateny Iombonana Eto Madagasikara

³¹ Araka ny didy nampitain’i Mosesy mpanompon’ny TOMPO tamin’ny Israelita, eny, araka izany didy voasoratra tao amin’ilay bokin’ny lalànan’i Mosesy izany, no nanaovany azy: dia alitara natao tamin’ny vato tsy namboarina, tsy voapaikam-by. Teo ambonin’ireo no nanolorana sorona dorana manontolo sy sorom-pihavanana ho an’ny TOMPO.

Baiboly Katolika

³¹ araka ny didy nomen’i Môizy mpanompon’i Iaveh ny zanak’i Israely, araka izay voasoratra ao amin’ny bokin’ny lalànan’i Môizy, dia ôtely vato tsy voavoatra, izay tsy voavely vy. Ary nanolotra sorona dorana teo amboniny ho an’i Iaveh izy ireo sy nanao sorom-pihavanana koa.

Baiboly Protestanta Malagasy

³¹ araka izay nandidian’i Mosesy, mpanompon’i Jehovah, ny Zanak’Isiraely, dia araka ny voasoratra eo amin’ny bokin’ny lalàn’i Mosesy, dia alitara vato tsy voavoatra, izay tsy nopehim-by; ary dia nanatitra fanatitra odorana teo amboniny ho an’i Jehovah izy sady namono zavatra hatao fanati-pihavanana.

Malagasy Bible

³¹ araka izay nandidian'i Mosesy mpanompon'i Jehovah, ny Zanak'Isiraely, dia araka ny voasoratra eo amin'ny bokin'ny lalàn'i Mosesy dia alitara vato tsy voavoatra, izay tsy nopehim-by; ary dia nanatitra fanatitra dorana teo amboniny ho an'i Jehovah izy sady namono zavatra hatao fanati-pihavanana.

La Bible en Malgache

³¹ araka izay nandidian’i Mosesy, mpanompon’NY TOMPO, ny Zanak’Israely, araka ny voasoratra ao amin’ny bokin’ny lalànan’i Mosesy, ka alitara vato tsy voavoatra, izay tsy nopehim-by no natao; dia nanolotra fanatitra dorana manontolo teo amboniny ho an’NY TOMPO izy sady namono zavatra hatao fanati-pihavanana koa.

Josoa 8:31 Rohy Ifampitohizana

2Mpanjaka 14:6

Kanefa ny zanakalahin’ireto mpamono an’i Jôasy dia tsy mba novonoin’i Amatsià ho faty, fa nataony araka izay voasoratra ao amin’ny bokin’ny lalànan’i Mosesy; ao manko no nandidian’ny TOMPO hoe: «Ny ray aman-dreny tsy hatao maty noho ny fahotan-janany, na ny zanaka noho ny fahotan’ny ray aman-dreny, fa ny olona dia hatao maty noho ny fahotan’ny tenany ihany».

2Mpanjaka 22:8

Rehefa voarain’i Hilkià mpisorombe izany hafatra izany, dia nanambara tamin’i Safàna mpitantsoratra koa izy ny nahitany ny Bokin’ny Lalàna tao an-tranon’ny TOMPO; ary natolony azy ny boky ka novakiny.

2Tantara 25:4

Kanefa ny zanakalahin’ireo mpamono an’i Jôasy dia tsy mba novonoin’i Amatsià ho faty, fa nataony araka izay voasoratra ao amin’ny bokin’ny Lalàna, dia ny bokin’i Mosesy; ao manko no nandidian’ny TOMPO hoe: «Ny ray aman-dreny tsy hatao maty amin’ny ataon-janany, ary ny zanaka tsy hatao maty amin’ny ataon-dray aman-dreniny; fa samy ho faty amin’ny fahotany avy ny olona.»

2Tantara 35:12

Rehefa nomena ny olona ny anjarany araka ny tarika sy fianakaviana teo amin’ny teraky ny firenena, dia navahana kosa ny sorona dorana manontolo hatolotra ho an’ny TOMPO, araka izay voasoratra ao amin’ny bokin’i Mosesy. Ary toy izany koa tamin’ny omby.

Ezra 6:18

Dia nisy fanendrena ny mpisorona sy ny levita ho amin’ny antokony avy sy araka ny andraikiny avy, mba hanao ny fanompoana an’Ilay Andriamanitra Izay ao Jerosalema, araka ny voasoratra ao anatin’ny bokin’i Mosesy.

Nehemia 13:1

Tamin’izany fotoanandro izany, dia novakîna ho ren’ny vahoaka ny teny raketin’ny bokin’i Mosesy; ka hita voasoratra tao fa ny Hamônita sy ny Môabita dia tsy mahazo miditra amin’ny fiangonan’Andriamanitra na oviana na oviana.

Eksodosy 18:12

Nanolotra sorona dorana manontolo sy sorom-pihavanana tamin’Andriamanitra i Jetrao. Koa tonga i Aharôna sy ny loholon’i Israely rehetra hihinana ny sakafo masina niaraka tamin’ny rafozan’i Mosesy teo anatrehan’Andriamanitra.

Eksodosy 24:5

Naniraka tovolahy israelita izy mba hanolotra sorona dorana manontolo ho an’ny TOMPO sady hitondra ombilahy hatao sorom-pihavanana.

Matio 12:26

Raha i Satàna no mandroaka an’i Satàna, dia miady an-trano izy samy izy; ka ahoana no haharetan’ny fanjakany?

Deoteronomia 27:2

Amin’ny andro hitànareo ny ony Jôrdàna ho any amin’ny tany izay omen’ny TOMPO Andriamanitrareo anareo, dia vato lehibe no hatsanganareo ka holaloranareo sokay;

Deoteronomia 27:8

Amin’ireo vato voatsangana ireo kosa no hanoratanareo ny teny rehetra momba ity Lalàna ity ka hataonareo velona tsara ny soratra.

Josoa 1:8

Aoka ianao hahavatra mamaky ity bokin’ny lalàna ity ary handinika azy andro aman’alina mba himasoanao ny hanao araka izay rehetra voasoratra anatiny. Amin’izay dia ho tontosanao tsara ny fikasanao rehetra ary hahomby ianao.