Josoa 3:8 - DIEM PROTESTANTA

⁸ Ianao kosa mandidia ireo mpisorona mitondra ny Vatamasina mba hijanona ao anaty ranon’i Jôrdàna raha vao tafaroboka.

Baiboly Protestanta Malagasy 2011

⁸ Ary mandidia ny mpisorona izay mitondra ny vata misy ny Fanekena hoe: Rehefa tody eo amin’ny moron’ny ranon’i Jordana ianareo dia mijanòna ihany eo amin’ny Jordana.

Dikateny Iombonana Eto Madagasikara

⁸ Ianao kosa mandidia ireo mpisorona mitondra ny Vatamasina mba hijanona ao anaty ranon’i Jôrdàna raha vao tafaroboka.

Baiboly Katolika

⁸ Ary ianao dia manomeza izao didy izao amin’ny mpisorona mitondra ny fiaran’ny fanekena: Rehefa tonga eo amoron’ny ranon’i Jordany ianareo, dia mijanona ao anatin’i Jordany.»

Baiboly Protestanta Malagasy

⁸ Ary mandidia ny mpisorona izay mitondra ny fiaran’ny fanekena, ka ataovy hoe: Rehefa mihatra amin’ny moron’i Jordana hianareo, dia mijanòna eo Jordana ihany.

Malagasy Bible

⁸ Ary mandidia ny mpisorona izay mitondra ny fiaran'ny fanekena, ka ataovy hoe: Rehefa mihatra amin'ny moron'i Jordana ianareo, dia mijanòna eo Jordana ihany.

La Bible en Malgache

⁸ Ary mandidia ny mpisorona izay mitondra ny vata misy ny Fanekena hoe: Rehefa tody eo amin’ny moron’ny ranon’i Jordana ianareo dia mijanòna ihany eo amin’ny Jordana.

Josoa 3:8 Rohy Ifampitohizana

2Mpanjaka 2:6

Ary hoy indray i Elià tamin’i Elisà: –Mijanona eto re ianao, fa irahin’ny TOMPO hankany Jôrdàna aho. Fa novaliany hoe: –Velona ny TOMPO ary velona ny ainao, koa mianiana aho fa tsy handao anao! Dia niara-nandeha izy mianaka.

2Tantara 29:15

Dia namory ny mpiray tarika aminy avy izy ireo, ka samy nidio tena; avy eo dia niditra ny tranon’ny TOMPO mba hanadio izany, araka ny didin’ny mpanjaka mifototra amin’ny tenin’ny TOMPO.

2Tantara 29:27

Avy eo nasain’i Hezekià natolotra teo ambony alitara ny sorona dorana manontolo; ka vantany vao natomboka izany fanoloran-tsorona izany, dia natomboka noredonina koa ny hira ho an’ny TOMPO sady narahin’ny feon-trompetra sy ny zava-manenon’i Davida mpanjakan’i Israely.

2Tantara 29:30

Ary i Hezekià sy ny manampahefana dia nanainga ny levita mbola hidera ny Tompo tamin’ny tononkiran’i Davida sy ny an’i Asafa mpahita; ka nihira fiderana tamin-kafaliana izy, avy eo dia niondrika sy niankohoka hitsaoka ny TOMPO.

2Tantara 30:12

Ny fahefàn’Andriamanitra kosa dia niasa tamin’ny Jodeanina ka nampiray fo azy hankatò ny didin’ny mpanjaka sy ny manampahefana, araka ny tenin’ny TOMPO.

Nehemia 13:22

Ary nasaiko nidio tena ny levita ka ho avy hiambina eo am-bavahady, mba hanokanana ny andro sabata ho an’Andriamanitra. «Tsarovy aho noho izany koa, ry Andriamanitro ô; ary iantrao aho fa be indrafo ianao!»

Nehemia 13:28

Ny anankiray tamin’ny zanakalahin’i Jôiadà sady zafin’i Eliasiba mpisorombe dia vinantolahin’i Sanebalato ilay Hôrônita, ka dia noroahiko niala tao Jerosalema.

Eksodosy 14:13

Fa namaly azy i Mosesy hoe: –Aza matahotra ianareo! Mahandrasa, fa ho hitanareo anio ny famonjena hataon’ny TOMPO aminareo! Satria ny Ejiptianina izay hitanareo androany dia tsy ho hitanareo intsony na oviana na oviana.

Fitomaniana 3:26

Tsara ny manantena mangina ny famonjen’ny TOMPO.

Josoa 3:17

Ny mpisorona izay nitondra ny Vatamasina mirakitra ny fanekempihavanan’ny TOMPO dia nijoro tamin’ny tany maina teo afovoan’i Jôrdàna, mandra-pahatafita ny Israelita rehetra izay nandia tany maina ho eny ampita.

Josoa 3:3

ary nandidy azy hoe: –Raha vao hitanareo fa entin’ny Levita mpisorona ilay Vatamasina mirakitra ny fanekempihavanan’ny TOMPO Andriamanitrareo, dia ialao ity toerana misy anareo ity ka mandehana manaraka azy.

Josoa 3:7

Ary hoy ny TOMPO tamin’i Josoa hoe: –Anio no hanamafisako ny fahefànao eo imason’ny Israelita rehetra mba hahafantarany fa tahaka izay nombàko an’i Mosesy no hombako anao koa.

Josoa 3:9

Ary i Josoa nanao tamin’ny Israelita hoe: –Manatona etỳ ka mihainoa izay lazain’ny TOMPO Andriamanitrareo.

Josoa 4:11

ary rehefa tafita avokoa ireo dia nandeha ho eny alohany indray ny mpisorona miaraka amin’ny Vatamasin’ny TOMPO.