Joela 2:8 - DIEM PROTESTANTA

⁸ Tsy mba mifanosika izy, fa mandroso amin’ny lalany avy. Sahy misedra izay asehatra azy izy, fa tsy voasakan’izany.

Baiboly Protestanta Malagasy 2011

⁸ Tsy mifanosika izy fa samy mandroso amin’izay hitsiny; ary na dia manidina aza ny lefona dia tsy miala an-daharana izy.

Dikateny Iombonana Eto Madagasikara

⁸ Tsy mba mifanosika izy, fa mandroso amin’ny lalany avy. Sahy misedra izay asehatra azy izy, fa tsy voasakan’izany.

Baiboly Katolika

⁸ Tsy mba misy mifanosika izy, fa samy mizotra amin’ny lalany avy; mirimorimo eo afovoan’ny zana-tsipìka izy, ary tsy mba mandrava laharana.

Baiboly Protestanta Malagasy

⁸ Tsy mifanosika izy, Fa samy mandroso amin’izay hitsiny; Ary na dia miezaka mamaky ny sabatra aza izy, dia tsy voaratra.

Malagasy Bible

⁸ Tsy mifanosika izy, fa samy mandroso amin'izay hitsiny; Ary na dia miezaka mamaky ny sabatra aza izy, dia tsy voaratra.

La Bible en Malgache

⁸ Tsy mifanosika izy fa samy mandroso amin’izay hitsiny; ary na dia manidina aza ny lefona dia tsy miala an-daharana izy.

Joela 2:8 Rohy Ifampitohizana

2Tantara 23:10

Ireo miaramila rehetra samy nitam-piadiana ireo dia nalahatr’i Jôiadà hanodidina ny mpanjaka manomboka eo amin’ny lafiny havanan’ny tempoly ka hatramin’ny lafiny havia, dia teo anoloan’ny alitara fisoronana sy ny vatan-trano, ary efa vonona hanodidina ny mpanjaka.

2Tantara 32:5

Nentanin-kerimpo hatrany i Hezekià ka nampanamboatra izay rehetra rava tamin’ny manda sady nampanisy tilikambo teny amboniny sy manda hafa koa teo ivelany; nampanamafisiny ny toerana Milao tao an-Tanànan’i Davida ary lefona aman’ampinga betsaka no nampanefeny.

Nehemia 4:17

Fa na izaho, na ny havako na ny mpanompoko, na ny mpiambina nanaraka ahy, dia samy tsy niala akanjo mihitsy afa-tsy raha handro.

Joba 33:18

Toy izany no iarovan’Andriamanitra ny olona tsy ho hankany amin’ny fahaverezana ary amonjeny ny ainy tsy hiharan-tsabatra.

Joba 36:12

Fa raha tsy mety mihaino kosa izy, dia ho faty hiharan-tsabatra noho izy tsy manam-pahalalana akory.

Ohabolana 30:27

ny valala, izay tsy mana-mpanjaka, nefa hain’izy rehetra ny miainga manao andiany;

Tononkiran’i Solomona 4:13

Ianao toa sahan’ampongabendanitra izay misy voany matsiro; samy mamerovero ao koa ny kôfera sy ny narda,

Isaia 5:27

Tsy misy olona mahatsiaro vizana akory eo aminy, tsy misy mitari-tongotra na rendremana resin-tory, tsy misy miboraka na ny fehikibony na ny fehikapany.

Joela 2:7

Tahaka ny lehilahy mahery ny fihazakazahany ary tahaka ny miaramila mpiady ny fianihany manda. Samy mandeha amin’izay hitsiny izy, fa tsy mivilivily lalana.

Joela 2:9

Mamakivaky ny tanàna izy, mihazakazaka eny amin’ny manda; mianika ny trano izy ary miditra eo am-baravarankely toy ny mpangalatra.