Jeremia 7:14 - DIEM PROTESTANTA

¹⁴ Noho izany ity trano izay natokana ho Ahy ity, ity trano izay ianteheranareo ity, ity toerana izay nomeko anareo sy ny razanareo ity dia hataoko tahaka ny nanaovako an’i Silao.

Baiboly Protestanta Malagasy 2011

¹⁴ koa dia ho toy ny nataoko tamin’i Silo no hataoko amin’ny trano izay efa niantsoana ny anarako sady itokianareo, sy hataoko amin’ny toerana izay nomeko anareo sy ny razanareo;

Dikateny Iombonana Eto Madagasikara

¹⁴ Noho izany ity trano izay natokana ho Ahy ity, ity trano izay ianteheranareo ity, ity toerana izay nomeko anareo sy ny razanareo ity dia hataoko tahaka ny nanaovako an’i Silao.

Baiboly Katolika

¹⁴ dia ataoko amin’ity trano ity izay niantsoana ny Anarako, izay ametrahanareo ny fitokianareo, dia ity fitoerana izay efa nomeko anareo sy ny zanakareo, izay nataoko tamin’i Silô;

Baiboly Protestanta Malagasy

¹⁴ Koa dia ho toy ny nataoko tamin’i Silo No hataoko amin’ny trano izay efa niantsoana ny anarako sady itokianareo, Sy amin’ny fitoerana izay nomeko anareo sy ny razanareo;

Malagasy Bible

¹⁴ Koa dia ho toy ny nataoko tamin'i Silo no hataoko amin'ny trano izay efa niantsoana ny anarako sady itokianareo, sy amin'ny fitoerana izay nomeko anareo sy ny razanareo;

La Bible en Malgache

¹⁴ koa dia ho toy ny nataoko tamin’i Silo no hataoko amin’ny trano izay efa niantsoana ny anarako sady itokianareo, sy hataoko amin’ny toerana izay nomeko anareo sy ny razanareo;

Jeremia 7:14 Rohy Ifampitohizana

2Mpanjaka 25:9

Izy no nandoro ny tranon’ny TOMPO sy ny lapan’ny mpanjaka ary ireo trano tao an-tanàna, indrindra ny an’ny olona ambony rehetra.

2Tantara 7:21

Na dia avobe aza ity tempoly ity, dia hivarahontsana izay rehetra mandalo azy ka hanontany hoe: «Nahoana no dia nataon’ny TOMPO toy izao ity tany ity sy ity tempoly ity?»

Salamo 78:60

nilaozany ny fonenany tao Silao, dia ny tranolay nitoerany teo amin’ny olona.

Isaia 64:11

Eo anoloan’ireo fahavoazana rehetra ireo, dia tsy hiraika aminay ve Ianao, TOMPO ô? Mbola hangina ihany ve Ianao ka hampahory anay mafy loatra?

Jeremia 12:7

Ilaozako ny tranoko ary afoiko ny fananako. Atolotro ho eo an-tanan’ny fahavalony ilay notiaviko tamin’ny foko tokoa.

Jeremia 23:39

dia hataoko toy ny enta-mavesatra eo an-tsoroko ianareo, ka hariako ny tenanareo sy ity tanàna izay nomeko anareo sy ny razanareo ity.

Jeremia 26:18

–Tamin’ny andron’i Hezekià mpanjakan’i Joda dia nisy mpaminany atao hoe Mikà avy any Môreseta. Niteny tamin’ny vahoaka rehetra tao Joda izy ka nanao hoe: Izao no lazain’ny TOMPOn’izao rehetra izao: «Ho voatrongitrongy toy ny tanimboly i Tsiôna, ho tonga korontam-bato i Jerosalema, ary ho tonga havoana misy lobolobo ny tendrombohitra misy ny tempoly.»

Jeremia 26:4

Koa ambarao azy hoe: Izao no lazain’ny TOMPO: ‹Mihainoa Ahy ianareo ka araho ny lalàna izay nomeko anareo;

Jeremia 7:10

Nefa ianareo mbola miseho eo anatrehako eto amin’ity trano izay natokana ho Ahy ity ihany ka manao hoe: ‹Voavonjy izahay›; ary avy eo dia tohizinareo indray ireo asa rehetra maharikoriko ireo.

Jeremia 7:12

Mankanesa any amin’ny toerako masina any Silao izay namponenako ny voninahitro fahiny, ka jereo izay nanaovako azy noho ny haratsian’ilay Israely vahoakako.

Jeremia 7:4

Aza miantehitra amin’ny teny fitaka hoe: ‹Eto no tempolin’ny TOMPO, eto no tempolin’ny TOMPO, eto tokoa no tempolin’ny TOMPO!›

Fitomaniana 2:7

Nolavin’ny Tompo ny alitarany, nilaozany ny Toeramasiny, ary natolony ho eo an-tanam-pahavalo ny mandan’ireo lapan’i Tsiôna. Nisy akora lava tao an-tranon’ny TOMPO tahaka ny amin’ny andro fety!

Fitomaniana 4:1

Indrisy! Nihavasoka ny volamena; efa nihamatroka ilay metaly tsara; ireo vatosoa voatokana ho an’ny Tompo dia niparitaka teny an-dalambe rehetra teny.

Ezekiela 23:31

Nanaraka ny lalana nalehan’ny rahavavinao ianao; ka dia hampisotroiko amin’ny tsatokatim-pahatezerako tahaka azy.›

Ezekiela 24:21

hanambara aminareo Israelita fa izao no lazain’ny Tompo ANDRIANANAHARY: ‹Havelako holotoina ny toerako masina izay fireharehànareo fatratra sy fifalian’ny masonareo ary fanantenàm-piainanareo. Ny zanakareo lahy sy vavy, izay tafajanona ao Jerosalema, dia ho fatin’ny sabatra.

Deoteronomia 12:5

satria ilay toerana hofidiny eo amin’ny fokonareo rehetra mba honenany sy hipetrahan’ny voninahiny no hitadiavanareo Azy, ao ihany no halehanareo.

Deoteronomia 28:52

Hataony fahirano ianareo, any amin’ny tanàna rehetra misy anareo eran’ny taninareo, mandra-pandravany ny manda avo sy mafy izay itokianareo; eny, hataony fahirano ianareo, any amin’ny tanàna rehetra misy anareo, eran’ny tany izay omen’ny TOMPO Andriamanitrareo anareo.