Jeremia 7:14 - Baiboly Katolika

¹⁴ dia ataoko amin’ity trano ity izay niantsoana ny Anarako, izay ametrahanareo ny fitokianareo, dia ity fitoerana izay efa nomeko anareo sy ny zanakareo, izay nataoko tamin’i Silô;

Baiboly Protestanta Malagasy 2011

¹⁴ koa dia ho toy ny nataoko tamin’i Silo no hataoko amin’ny trano izay efa niantsoana ny anarako sady itokianareo, sy hataoko amin’ny toerana izay nomeko anareo sy ny razanareo;

DIEM PROTESTANTA

¹⁴ Noho izany ity trano izay natokana ho Ahy ity, ity trano izay ianteheranareo ity, ity toerana izay nomeko anareo sy ny razanareo ity dia hataoko tahaka ny nanaovako an’i Silao.

Dikateny Iombonana Eto Madagasikara

¹⁴ Noho izany ity trano izay natokana ho Ahy ity, ity trano izay ianteheranareo ity, ity toerana izay nomeko anareo sy ny razanareo ity dia hataoko tahaka ny nanaovako an’i Silao.

Baiboly Protestanta Malagasy

¹⁴ Koa dia ho toy ny nataoko tamin’i Silo No hataoko amin’ny trano izay efa niantsoana ny anarako sady itokianareo, Sy amin’ny fitoerana izay nomeko anareo sy ny razanareo;

Malagasy Bible

¹⁴ Koa dia ho toy ny nataoko tamin'i Silo no hataoko amin'ny trano izay efa niantsoana ny anarako sady itokianareo, sy amin'ny fitoerana izay nomeko anareo sy ny razanareo;

La Bible en Malgache

¹⁴ koa dia ho toy ny nataoko tamin’i Silo no hataoko amin’ny trano izay efa niantsoana ny anarako sady itokianareo, sy hataoko amin’ny toerana izay nomeko anareo sy ny razanareo;

Jeremia 7:14 Rohy Ifampitohizana

2Mpanjaka 25:9

Nodorany ny tranon’i Iaveh sy ny tranon’ny mpanjaka mbamin’ny trano rehetra tao Jerosalema; nodorany tamin’ny afo avokoa ny trano lehibe.

2Tantara 7:21

Ka ity trano ity izay efa voasandratra avo erỳ, hanjary fitalanjonan’izay rehetra handalo azy, sy hataony hoe: Naninona re no dia nataon’i Iaveh toy izao ity tany sy ity trano ity?

Salamo 78:60

Tsy nankasitrahiny ny fonenany tao Silô, dia ny lay izay nonenany tao amin’ny olombelona.

Isaia 64:11

Ka dia mbola hahatsindry fo ihany va Ianao amin’izany rehetra izany, ry Iaveh? Mbola hangina ihany va Ianao sy hampijaly anay mafy indrindra?

Jeremia 12:7

Nilaozako ny tranoko, nafoiko ny lovako; izay tiako dia natolotro ho eo an-tanan’ny fahavaloko.

Jeremia 23:39

noho izany, Izaho kosa dia tena hanadino anareo mihitsy, sy hanary anareo tsy ho eo anatrehan’ny Tavako, dia ianareo mbamin’ny tanàna nomeko anareo sy ny razanareo;

Jeremia 26:18

i Mikea avy any Môresheta dia naminany, ka nilaza tamin’ny vahoakan’i Jodà rehetra hoe: Izao no lazain’i Iavehn’ny tafika: Hasaina toy ny tanimboly i Siôna; hanjary antontan-java-drava i Jerosalema ary havoana miboalaboala ny tendrombohitra misy ny tempoly.

Jeremia 26:4

Lazao aminy hoe: Izao no lazain’i Iaveh: ‹Raha tsy manaiky Ahy ianareo ka tsy manaraka ny lalàna nataoko eo anoloanareo;

Jeremia 7:10

dia tonga, dia miseho eto anatrehako indray, eto amin’ity trano iantsoana ny Anarako ity, ka manao hoe: ‹Ho afaka isika!› Ary ny mba hanao izany fahavetavetana rehetra izany no anton’izany.

Jeremia 7:12

Mandehana mankany amin’ilay nitoerako any Silô, izay namponenako ny Anarako fahiny, ka zahao ny nanaovako azy, noho ny haratsian’i Israely vahoakako.

Jeremia 7:4

Aza matoky ny teny laingan-dry zareo manao hoe: Ity no tempolin’i Iaveh, Tempolin’i Iaveh, Tempolin’i Iaveh!

Fitomaniana 2:7

Nanjary sosotra tamin’ny ôteliny ny Tompo sy madikidiky amin’ny fitoerany masina. Natolony ho eo an-tanan’ny fahavalo ny mandan’ny lapany; dia nisy nihorakoraka toy ny amin’ny andro fety tao an-tranon’i Iaveh.

Fitomaniana 4:1

Ahoana no nihamatroka ny volamena, nihasimba ny volamena madio, niely patrana ny vato voahasina, eny an-joron-dalambe rehetra eny.

Ezekiela 23:31

Nizotra ny lalan’ny rahavavinao ianao, ka dia hataoko eo an-tananao ny kapoakany.

Ezekiela 24:21

Lazao amin’ny taranak’i Israely hoe: Izao no lazain’ny Tompo Iaveh: Indro, hovetavetaiko ny fitoerako masina, ilay reharehan’ny herinareo, fifalian’ny masonareo, fitiavan’ny fanahinareo; ary ho lavon-tsabatra ny zanaka lahinareo aman-janaka vavinareo, izay nilaozanareo.

Deoteronomia 12:5

fa tadiavo Izy, amin’ny fitoerana izay hofidin’i Iaveh Andriamanitrareo eo amin’ny fokonareo rehetra, mba hametrahany ny Anarany sy hataony fonenany, ka ao amin’io no halehanao.

Deoteronomia 28:52

Hataony fahirano ianao, anatin’ny vavahadinao rehetra, mandra-paharavan’ny manda avo sy mafy amin’ny taninao, izay nitokianao. Hataony fahirano ianao ao amin’ny vavahadinao rehetra sy amin’ny tany rehetra, izay nomen’i Iaveh Andriamanitrao anao.