Jeremia 6:6 - DIEM PROTESTANTA

⁶ Izao no lazain’ny TOMPOn’izao rehetra izao amin’ireto mpanafika an’i Tsiôna: «Mikapà hazo hanaovana tovon-tany mba hamelezana an’i Jerosalema.» Iharan-tsazy io tanàna io fa feno fampahoriana ao aminy.

Baiboly Protestanta Malagasy 2011

⁶ Fa izao no lazain’Andriamanitra, Tompon’izao rehetra izao: Kapao ny hazo, ary manandrata tovon-tany hamelezana an’i Jerosalema; io ilay tanàna hovaliana, fa feno fampahoriana ny ao anatiny.

Dikateny Iombonana Eto Madagasikara

⁶ Izao no lazain’ny TOMPOn’izao rehetra izao amin’ireto mpanafika an’i Tsiôna: «Mikapà hazo hanaovana tovon-tany mba hamelezana an’i Jerosalema.» Iharan-tsazy io tanàna io fa feno fampahoriana ao aminy.

Baiboly Katolika

⁶ Fa izao no lazain’i Iavehn’ny tafika: Kapao ny hazony; manaova tovon-tany hamelezana an’i Jerosalema; io no tanàna hovaliana, fa tsy misy afa-tsy faharatsiana ao anatiny.

Baiboly Protestanta Malagasy

⁶ Fa izao no lazain’i Jehovah, Tompon’ny maro; Kapao ny hazo, Ary manandrata tovon-tany hamelezana an’i Jerosalema; Io ilay tanàna hovaliana, Feno fampahoriana ny ao anatiny.

Malagasy Bible

⁶ Fa izao no lazain'i Jehovah, Tompon'ny maro; Kapao ny hazo, ary manandrata tovon-tany hamelezana an'i Jerosalema; Io ilay tanàna hovaliana, feno fampahoriana ny ao anatiny.

La Bible en Malgache

⁶ Fa izao no lazain’Andriamanitra, Tompon’izao rehetra izao: Kapao ny hazo, ary manandrata tovon-tany hamelezana an’i Jerosalema; io ilay tanàna hovaliana, fa feno fampahoriana ny ao anatiny.

Jeremia 6:6 Rohy Ifampitohizana

Isaia 37:33

Izao kosa no lazain’ny TOMPO ny amin’ny mpanjakan’i Asiria: ‹Tsy hiditra amin’ity tanàna ity izy, na handefa zana-tsipîka hamelezana azy na hiady aminy ombàn’ny ampinga na hanangana tovon-tany hanafihana azy.

Jeremia 20:8

Fa isaky ny tsy maintsy miteny aho, dia voatery miantso vonjy ary mihorakoraka hoe: Herisetra sy famoretana e! Satria ny fampitako ny teninao, TOMPO ô, no anakorana sy ihomehezana ahy isan’andro.

Jeremia 22:17

Fa ianao kosa tsy nijery afa-tsy ny tombontsoanao, ianao kosa tsy nieritreritra afa-tsy ny hamono ny tsy manan-tsiny ho faty ary ny hanao famoretana sy herisetra.»

Jeremia 32:24

Indro mandroso hatrany izao ny Babilônianina amin’ny fanaovana fahirano ny tanàna ka hahafaka azy; eny, hatolotra ho eo an-tanan’ny Babilônianina izy, ka hasiany amin’ny sabatra sy ny mosary ary ny areti-mandringana. Hitanao tsara izao fa tanteraka izay nambaranao.

Jeremia 32:31

Fa ity tanànan’i Jerosalema ity dia efa nampahavinitra sy nampahatezitra Ahy hatramin’ny nanorenana azy ka mandraka androany, hany ka hoesoriko tsy ho eo anatrehako intsony.

Jeremia 33:4

Izaho TOMPO Andriamanitr’i Israely dia milaza ny amin’ireo trano eto an-tanàna sy ny lapan’ny mpanjakan’i Joda fa rava avokoa ireo. Ny amin’ny tovon-tany fanafihana sy ny ady kosa dia izao: Tsy ilaina ny hanoherana ny Babilônianina fa hahafeno faty eto an-tanàna izany noho ny olona naripaky ny fahatezerako amam-pahavinirako. Fa ny haratsiana rehetra nataon’ny mponin’i Jerosalema no nahatonga Ahy tsy niraharaha ny tanànany.

Jeremia 39:1

Tamin’ny volana fahafolo, taona fahasivy nanjakàn’i Tsedekià mpanjakan’i Joda, dia tonga i Nebokadnetsara mpanjakan’i Babilôna sy ny tafiny manontolo ka nanao fahirano ny tanànan’i Jerosalema.

Jeremia 5:29

Koa tsy hirotsaka an-tsehatra hamely ireny olona ireny ve Aho, ka hamaly faty ny firenena toy izany, hoy ny teny hentitry ny TOMPO?

Jeremia 5:9

Koa tsy hirotsaka an-tsehatra hamely ireny olona ireny ve Aho, ka hamaly faty ny firenena toy izany, hoy ny teny hentitry ny TOMPO?

Ezekiela 4:2

Asehoy fa voan’ny fahirano izy amin’ny fametrahana hady fanafihana sy tovon-tany ary tobim-pamelezana sy kanontabe manodidina azy.

Ezekiela 5:5

«Izaho Tompo ANDRIANANAHARY dia manambara hoe: «Izany no hanjo an’i Jerosalema izay tanàna napetrako eo anivon’ny hafa firenena sy voahodidin’ny tanin’ireo.

Daniela 11:15

Ary ho avy ny mpanjaka ao avaratra hanangana tovon-tany hamelezana tanànamimanda iray sy hahazoana azy; ary ny tafiky ny ao atsimo, na dia hisy miaramila voafantina aza, dia tsy hanan-kery hanoheram-panafihana.

Zefania 3:1

Lozan’i Jerosalema ilay tanàna mpikomy, feno fahalovana sy fampahoriana!

Lioka 19:43

Fa ho avy aminao ny andro hananganan’ny fahavalonao tovon-tany manodidina anao, ka hanaovany fahirano anao sy hanereny anao hatraiza hatraiza.