Jeremia 48:1 - DIEM PROTESTANTA

¹ Fanambaràna ny amin’i Môaba. Izao no lazain’ny TOMPOn’izao rehetra izao sady Andriamanitr’i Israely: «Loza ity manjo ny tanànan’i Nebao, fa rava! Ketraka i Kiriataima, fa azo: ketraka izany tanànamimanda izany, fa mirodana!

Baiboly Protestanta Malagasy 2011

¹ Ny amin’i Moaba. Izao no lazain’Andriamanitra, Tompon’izao rehetra izao, Andriamanitry ny Israely: Nidiran-doza i Nebo fa rava! Mangaihay i Kiriataima fa azo; mangaihay i Misgaba sady raiki-tahotra.

Dikateny Iombonana Eto Madagasikara

¹ Fanambaràna ny amin’i Môaba. Izao no lazain’ny TOMPOn’izao rehetra izao sady Andriamanitr’i Israely: «Loza ity manjo ny tanànan’i Nebao, fa rava! Ketraka i Kiriataima, fa azo: ketraka izany tanànamimanda izany, fa mirodana!

Baiboly Katolika

¹ An’i Moaba. Izao no lazain’i Iavehn’ny tafika, Andriamanitr’i Israely: Loza ho an’i Nabô, fa rava; safo-kenatra i Kariataima, fa azo; safo-kenatra ny trano mimanda, fa voazera;

Baiboly Protestanta Malagasy

¹ NY amin’i Moaba. Izao no lazain’i Jehovah, Tompon’ny maro, Andriamanitry ny Isiraely: Nidiran-doza Nebo, fa rava! Mangaihay Kiriataima, fa afaka; Mangaihay Misgaba sady raiki-tahotra.

Malagasy Bible

¹ Ny amin'i Moaba. Izao no lazain'i Jehovah, Tompon'ny maro, Andriamanitry ny Isiraely: Nidiran-doza Nebo, fa rava! Mangaihay Kiriataima, fa afaka; Mangaihay Misgaba sady raiki-tahotra.

La Bible en Malgache

¹ Ny amin’i Moaba. Izao no lazain’Andriamanitra, Tompon’izao rehetra izao, Andriamanitry ny Israely: Nidiran-doza i Nebo fa rava! Mangaihay i Kiriataima fa azo; mangaihay i Misgaba sady raiki-tahotra.

Jeremia 48:1 Rohy Ifampitohizana

Genesisy 14:5

Tamin’ny taona fahefatra ambin’ny folo dia tonga i Kedorlahômera mbamin’ireo mpanjaka nomba azy ka nandresy ireo Refaita tao Hastarôta-Karnaîma sy ny Zozita tao Hama sy ireo Emita tao amin’ny lemak’i Kiriataîma

Genesisy 19:37

Niteraka zazalahy ilay zokiny, ka ny anarany nataony hoe Môaba. Izy no razamben’ireto Môabita ankehitriny ireto.

2Tantara 20:10

Ankehitriny, indreo ny Hamônita sy ny Môabita ary koa ny Edômita avy any an-tendrombohitra Sehîra. Fony niala tany Ejipta ny Israelita razanay, dia tsy navelanao hanafika azy, ka nivily lalana fa tsy nandringana azy;

Isaia 25:10

Fa hipetraka amin’ity tendrombohitra ity ny tanam-piarovan’ny TOMPO!» Fa i Môaba kosa hohosihosena eo amin’ny toerany toy ny fanosihosy mololo ao am-pahitra tondra-drano.

Isaia 25:12

Ary ny mandanao mafy sy sarotra iakarana, ry Môaba, dia efa nazeran’ny TOMPO sy narodany ka nilamaka an-tany hiafara am-bovoka.

Isaia 27:3

«Izaho TOMPO no mpiaro azy ka manondraka azy amin’ny fotoana sahaza; ambenako izy na andro na alina fandrao misy manimba.

Jeremia 25:21

–ny Edômita sy ny Môabita ary ny Hamônita;

Jeremia 27:3

Avy eo dia alefaso any amin’ny mpanjakan’i Edôma sy ny mpanjakan’i Môaba ary ny mpanjakan’ny Hamônita mbamin’ny mpanjakan’i Tiro sy ny mpanjakan’i Tsidôna ireny. Ampitondray ireo masoivohony tonga eto Jerosalema mba hihaona amin’i Tsedekià mpanjakan’i Joda ireny zioga ireny;

Nomery 24:17

«Izao no hitako, saingy tsy mbola ankehitriny no hisehoany; izao no tazako, saingy mbola any aoriana lavitra no hitrangany; Misy kintana mipoitra avy amin’ny taranak’i Jakôba, misy mpanjaka mipongatra avy amin’ny Israelita ka ny tehim-panjakàny no mamely ny fihirifan’ny Môabita sy ny lohan’ny mpanakorontana rehetra.

Nomery 32:3

–I Hatarôta sy i Dibôna, i Jahezera sy i Nimrà, i Hesbôna sy i Elehale, i Sebama sy i Nebao ary i Behôna dia tanàna

Nomery 33:47

niala teo Halmôna-Diblataîma, dia nitoby tao an-tendrombohitra Habarîma tandrifin’i Nebao;

Josoa 13:19

i Kiriataîma, Sibmà, i Tsereta-Sahary izay eo amin’ilay havoana mandondona ny lohasahan’i Jôrdàna,