Jeremia 48:2 - DIEM PROTESTANTA

² Tsy misy intsony ny reharehan’i Môaba! Hamelezana an’i Hesbôna no nanaovana teti-dratsy hoe: «Andeha hofoanantsika tsy ho firenena intsony izy!» Ringana koa ianao, ry Madmena, fa manjohy anao ny ady.

Baiboly Protestanta Malagasy 2011

² Tsy misy ho reharehan’i Moaba intsony; tao Hesbona no niheverany izay hampidi-doza aminy hoe: Andeha horavantsika tsy ho firenena intsony izy. Ho ringana koa ianao, ry Madmena, hanenjika anao ny sabatra.

Dikateny Iombonana Eto Madagasikara

² Tsy misy intsony ny reharehan’i Môaba! Hamelezana an’i Hesbôna no nanaovana teti-dratsy hoe: «Andeha hofoanantsika tsy ho firenena intsony izy!» Ringana koa ianao, ry Madmena, fa manjohy anao ny ady.

Baiboly Katolika

² tsy misy intsony izay voninahitr’i Moaba! Any Hesebona no hidinihana ny loza hamelezana azy: Andeha hofongorantsika eo amin’ny firenena izy! Ianao koa, ry Madmena, hatao gina; mandeha manaraka eo aoriana ny sabatra.

Baiboly Protestanta Malagasy

² Tsy misy ho reharehan’i Moaba intsony; Tao Hesbona no niheverany hampidi-doza aminy hoe: Andeha horavantsika tsy ho firenena izy. Ho ringana koa hianao, ry Madmena, Hanenjika anao ny sabatra.

Malagasy Bible

² Tsy misy ho reharehan'i Moaba intsony; Tao Hesbona no niheverany hampididoza aminy hoe: Andeha horavantsika tsy ho firenena izy. Ho ringana koa ianao, ry Madmena, Hanenjika anao ny sabatra.

La Bible en Malgache

² Tsy misy ho reharehan’i Moaba intsony; tao Hesbona no niheverany izay hampidi-doza aminy hoe: Andeha horavantsika tsy ho firenena intsony izy. Ho ringana koa ianao, ry Madmena, hanenjika anao ny sabatra.

Jeremia 48:2 Rohy Ifampitohizana

Isaia 15:1

Hafatra momba an’i Môaba. Indray alina monja dia rava tsy nisy niangana ny tanàna Hara-Môaba, indray alina monja dia rava tsy nisy niangana ny tanàna Kira-Môaba.

Isaia 15:5

Mitaraina ny foko noho ny amin’i Môaba: tonga hatrany Tsôhara sy Heglata-Selisià ny mpandositra. Mitomany ny olona mianika ny fiakaran’i Lohita ary midradradradra mamoy fo eny an-dalana ho any Hôrônaima.

Isaia 16:14

Fa ankehitriny dia hoy ny TOMPO hoe: «Raha afaka telo taona androany, na ny olo-mangan’i Môaba na ny sarambabem-bahoakany dia samy ho tsinontsinona. Izay sisa tavela aminy dia vitsy kely tsy misy lanjany akory.»

Isaia 25:10

Fa hipetraka amin’ity tendrombohitra ity ny tanam-piarovan’ny TOMPO!» Fa i Môaba kosa hohosihosena eo amin’ny toerany toy ny fanosihosy mololo ao am-pahitra tondra-drano.

Jeremia 25:15

Izao no voalazan’ny TOMPO Andriamanitr’i Israely tamiko: «Raiso etỳ an-tanako ity tsangambava izay feno ny divaim-pahatezerako ity, ka ampisotroy ny firenena rehetra izay anirahako anao.

Jeremia 25:17

Dia noraisiko ny tsangambava izay teny an-tanan’ny TOMPO, ary nampisotroiko ny firenena rehetra izay nanirahan’ny TOMPO ahy.

Jeremia 31:36

«Raha tàhiny tsy manan-kery intsony ireo lalàna voajanahary ireo eo anatrehako, dia hitsahatra tsy ho firenena intsony ny taranak’i Israely eo anatrehako. Teny hentitra avy amiko TOMPO izany.

Jeremia 33:24

«Tsy mba voamarikao angaha fa lazain’ny olona hoe nariako hono ireo fianakaviana roa nofidiko, dia i Israely sy i Joda? Izay miteny izany anefa dia tsy mihevitra ny vahoakako ho firenena intsony fa manevateva azy.

Jeremia 46:28

Ry taranak’i Jakôba mpanompoko, aza matahotra ianareo, satria Izaho no miaraka aminareo; teny hentitra avy amiko TOMPO izany. Hofongorako ny firenen-kafa rehetra izay nanelezako anareo; ianareo kosa tsy mba hofongorako, na dia tsy maintsy faiziko araka ny hitsiny ihany aza fa tsy havelako ho afa-maina!

Jeremia 48:17

Koa ianareo rehetra mpifanila aminy sady mahalala ny lazany dia manehoa fiaraha-miory ka manaova hoe: «Ahoana no nahapotika ity hery màzana sy ity fahefàna be voninahitra ity?»

Jeremia 48:42

Ringana i Môaba ka tsy ho firenena intsony satria nihevi-tena ho lehibe noho ny TOMPO.

Jeremia 48:45

Mitady fialokalofana ao Hesbôna ireo mpandositra efa tena reraka. Kinanjo misy afo mipoitra avy ao Hesbôna; eny, misy lelafo mivoaka avy ao an-dapan’ny mpanjakan’i Sihôna, ka handevona an’i Môaba tanin’ireo mpitabataba ireo na ny faritra misolampy na ny lembalemba.

Jeremia 49:3

Ry olon’i Hesbôna, manaova hira fitomaniana hoe: «Rava ny tanàna Hay!» Manaova antso vonjy ianareo, ry tanàna miankina amin’i Rabà. Mitafia gony ho fisaonana ary manaova hira fitomaniana sady miveziveze etsy sy eroa ao anaty fefy, fa lasan-ko babo ny andriamanitra Milkôma mbamin’ny mpisorony sy ireo filoham-bahoakany.

Jeremia 49:37

Hampihorohoroiko ny Helamita eo anatrehan’ny fahavalony, dia eo anatrehan’izay mitady hahafaty azy. Amin-katezerana mirehitra no andefasako loza hamely azy. Hoenjehiko amin’ny ady ireo mandra-paharingako azy.

Nomery 32:37

Fa ny taranak’i Reobena kosa nanangana indray ireto tanàna ireto, dia i Hesbôna sy i Elehale, i Kiriataîma,