Genesisy 50:10 - DIEM PROTESTANTA

¹⁰ Tonga tao Gôrena-Atàda, any am-pitan’i Jôrdàna izy ireo. Tao no nankalazany tamin’ny fomba manetriketrika sy manohina tokoa ny famoizana an’i Jakôba, fa naharitra fito andro ny fisaonan’i Jôsefa an-drainy.

Baiboly Protestanta Malagasy 2011

¹⁰ Rehefa tonga teo Gorena-Atada izay any andafin’ny Jordana izy ireo dia nanao fisaonana lehibe sy mafy indrindra teo. Nisaona ny rainy hafitoana i Josefa.

Dikateny Iombonana Eto Madagasikara

¹⁰ Tonga tao Gôrena-Atàda, any am-pitan’i Jôrdàna izy ireo. Tao no nankalazany tamin’ny fomba manetriketrika sy manohina tokoa ny famoizana an’i Jakôba, fa naharitra fito andro ny fisaonan’i Jôsefa an-drainy.

Baiboly Katolika

¹⁰ Nony tonga teo am-pamoloan’i Atada ao andafin’i Jordany izy ireo dia nitomany amam-pigogogogoana mafy, fa nanokana hafitoana hanaovana fisaonana ho voninahitry ny rainy i Josefa.

Baiboly Protestanta Malagasy

¹⁰ Ary rehefa tonga teo Goren-atada izy, izay ao an-dafin’i Jordana, dia nanao fisaonana lehibe sy mafy indrindra teo izy; dia nisaona an-drainy hafitoana Josefa.

Malagasy Bible

¹⁰ Ary rehefa tonga teo Goren'atada izy, izay ao an-dafin'i Jordana, dia nanao fisaonana lehibe sy mafy indrindra teo izy; dia nisaona an-drainy hafitoana Josefa.

La Bible en Malgache

¹⁰ Rehefa tonga teo Gorena-Atada izay any andafin’ny Jordana izy ireo dia nanao fisaonana lehibe sy mafy indrindra teo. Nisaona ny rainy hafitoana i Josefa.

Genesisy 50:10 Rohy Ifampitohizana

Genesisy 27:41

Ary nankahalain’i Hesao i Jakôba, satria nahazo ny tsodranon-drainy; ka hoy i Hesao anakampo hoe: «Efa akaiky ny andro hisaonana an’i dada, ary amin’izay no hamonoako an’i Jakôba rahalahiko.»

Genesisy 50:11

Nony nahita izany fomba fisaonana tao Gôrena-Atàda izany ny Kanahanita nonina tamin’iny faritra iny, dia loa-bolana hoe: –Fisaonana mangidy ho an’i Ejipta ity! Izany no niantsoana io toerana any am-pitan’i Jôrdàna io hoe Abela-Mitsiraima, izany hoe Fisaonan’i Ejipta.

Genesisy 50:3

nandritra ny efapolo andro ngarangidina mba hitahirizana azy. Ary nisaona an’i Jakôba nandritra ny fitopolo andro ny Ejiptianina.

Genesisy 50:4

Nony afaka ny andro fisaonana, dia hoy i Jôsefa tamin’ireo olona akaikin’ny Farao: –Raha mba mahita sitraka aminareo aho, dia mba ampitao amin’ny Farao izao teniko izao:

Genesisy 50:9

Nisy andian-kalesy sy mpitaingin-tsoavaly koa niara-niakatra taminy, ka nafonja tokoa ny andian’olona mpanotrona.

2Samoela 1:17

Namorona izao hira fisaonana an’i Saoly sy i Jônatàna zanany izao i Davida,

2Samoela 11:26

Rehefa fantatry ny vadin’i Orià fa maty ny vadiny, dia nitomany azy izy.

1Tantara 10:12

dia niainga ny lehilahy maherifo rehetra naka ny fatin’i Saoly sy ny fatin-janany, ka nitondra azy ho any Jabesy. Ny taolambalony dia naleviny teo am-pototr’ilay hazo terebinta tao Jabesy; ary nifady hanina nandritra ny fito andro ny olona mba ho fisaonana.

Joba 2:13

Dia nijanona nipetraka tamin’ny tany niaraka tamin’i Jôba nandritry ny fito andro sy fito alina ireo sady tsy nisy niteny na inona na inona taminy satria hitany ny halehiben’ny fahoriany.

Mpitoriteny 12:5

Amin’izay koa dia hatahotra ny hiani-piakarana ianao ary ho be fanahiana rehefa mamindra; ny volon-dohanao hihafotsy toy ny voninkazo mamony fotsy; tsy ho mailaka fihetsika toy ny valala intsony ianao; ary tsy hahitanao tsirony intsony ny voan-tsiperifery. Isika olombelona tsy maintsy mankany amin’ny fonenana mandrakizay, ary ny mpisaona antsika kosa efa mihaodihaody eny an-dalambe.

Nomery 19:11

«Izay mikasika fatin’olona dia haloto mandritra ny fito andro.

Nomery 20:29

Rehefa tsinjon’ny fiangonana manontolo fa maty i Aharôna, dia nisaona azy nandritra ny telopolo andro ny taranak’i Israely rehetra.

Asan’ny Apostoly 8:2

Nisy kosa mpivavaka tsara nandevina an’i Stefàna sady nisaona azy fatratra.

Deoteronomia 1:1

Ireto avy no lahateny nataon’i Mosesy tamin’ny Israelita rehetra, fony ireo mbola tsy niampita ny ony Jôrdàna. Tanatin’ny taniefitr’i Harabà, teo akaikin’i Sofa, ny Israelita tamin’izay, dia tanelanelan’i Paràna an-kilany ary Tôfela sy Labàna mbamin’i Hatserôta sy Dizahaba an-daniny.

Deoteronomia 34:8

Nitomanian’ny Israelita teo amin’ny lemak’i Môaba i Mosesy, nandritra ny telopolo andro nanatontosana ny fisaonana azy.

1Samoela 31:13

Nangoniny ny taolambalony ka naleviny tao ambanin’ilay hazo tamariska tao Jabesy; ary nifady hanina nandritra ny fito andro ny olona mba ho fisaonana.