Genesisy 49:15 - DIEM PROTESTANTA

¹⁵ Hitany fa tsara ny toerana ary mahafinaritra ny tany. Nanongilan-tsoroka hampitondraina entana izy, ka tonga miasa mafy toy ny mpanompo.

Baiboly Protestanta Malagasy 2011

¹⁵ Nony hitany fa tsara ny toeram-pialan-tsasatra sady mahafinaritra ny tany dia nanongilana ny sorony hitondra entana izy ka tonga mpanompo mandoa hetra.

Dikateny Iombonana Eto Madagasikara

¹⁵ Hitany fa tsara ny toerana ary mahafinaritra ny tany. Nanongilan-tsoroka hampitondraina entana izy, ka tonga miasa mafy toy ny mpanompo.

Baiboly Katolika

¹⁵ Hitany fa tsara ny fialan-tsasatra, sady mahafinaritra ny tany, Dia nahilany hitondra entana ny sorony, ka tonga mpanompo mandoa hetra izy.

Baiboly Protestanta Malagasy

¹⁵ Ary hitany fa tsara ny fialan-tsasatra, Sady mahafinaritra ny tany; Dia nanongilana ny sorony hitondra entana izy Ka tonga mpanompo mandoa hetra.

Malagasy Bible

¹⁵ Ary hitany fa tsara ny fialan-tsasatra, sady mahafinaritra ny tany; dia nanongilana ny sorony hitondra entana izy ka tonga mpanompo mandoa hetra.

Genesisy 49:15 Rohy Ifampitohizana

Genesisy 49:14

I Jisakara dia toy ny boriky matanjaka, mandry eo anivon’ny valany izay misy fefy roa sosona.

Genesisy 49:16

I Dana dia hifehy ny vahoakany tahaka ny foko hafa ao amin’i Israely.

2Samoela 7:1

Rehefa tafapetraka tao an-dapany ny mpanjaka ary nampiadanin’ny TOMPO tamin’ireo fahavalony manodidina azy rehetra,

Salamo 81:6

fitsipika nataony ho an’ny taranak’i Jôsefa fony Izy namely an’i Ejipta. –Feo tsy fantatro no reko nanao hoe:

Ohabolana 12:24

Ny olona mazoto miasa no homena fitondrana; fa ny olona kamo kosa dia hampanaovina asa an-terivozona.

Isaia 31:8

Tsy sabatra nataon’ny olona ilay sabatra handavo ny Asirianina; ary tsy sabatra an’olombelona ilay sabatra handringana azy. Handositra eo anoloan’io sabatra io ny Asirianina; ary ny miaramila voafantiny dia hampanaovina asa an-terivozona.

Ezekiela 29:18

«Ry ilay taranak’olombelona, nanery ny tafiny hanao ezaka lehibe hamelezana ny tanànan’i Tiro i Nebokadnetsara mpanjakan’i Babilôna, hany ka efa sola avokoa ny lohan’ny miaramilany sady rotidrotika ny sorony. Nefa na izy mpanjaka na ireo miaramilany dia samy tsy nahita tombontsoa tamin’i Tiro ho setrin’ny famelezany azy.

Matio 23:4

Entam-be sady tsy zaka no feheziny ka atainginy eo an-tsoroky ny olona, nefa na dia ny rantsan-tanan-dry zareo aza tsy tiany hanetsika izany.

Josoa 14:15

Fa ny anaran’i Hebrôna, talohan’ny nahazoan’i Kaleba azy, dia Kiriata-Arbà na hoe tanànan’i Arbà, satria i Arbà no olo-malaza indrindra tamin’ny Hanakita. Dia nitsahatra ny ady ka nandry feizay ny tany.

Mpitsara 3:11

Dia nandry fahalemana ny tany nandritra ny efapolo taona; avy eo dia maty i Hôtniela, zanakalahin’i Kenaza.