Genesisy 43:11 - DIEM PROTESTANTA

¹¹ Ka hoy i Jakôba tamin’ireo zanany: –Raha izany àry, dia izao no ataovy: Mitondrà an-kitaponareo zavatra tsara vokatry ny tany mba hataonareo fanomezana ho an’ilay Ejiptianina. Mitondrà zava-manitra isan-karazany: menaka manitra, làdana, tantely, voam-boatavo, ary amandy.

Baiboly Protestanta Malagasy 2011

¹¹ Dia hoy Israely rainy taminy: Raha izany ary no izy dia izao no ataovy: Makà amin’ny vokatra malaza amin’ny tany ka ataovy ao anatin’ny fitondranareo entana dia ento midina hatao fanomezana ho an-dRalehilahy, dia balisama kely sy tantely kely, ditin-kazo nekota sy lota ary pistasy sy amanda.

Dikateny Iombonana Eto Madagasikara

¹¹ Ka hoy i Jakôba tamin’ireo zanany: –Raha izany àry, dia izao no ataovy: Mitondrà an-kitaponareo zavatra tsara vokatry ny tany mba hataonareo fanomezana ho an’ilay Ejiptianina. Mitondrà zava-manitra isan-karazany: menaka manitra, làdana, tantely, voam-boatavo, ary amandy.

Baiboly Katolika

¹¹ Ka dia hoy i Israely rainy, tamin’izy ireo: «Ilaina àry izany, ka dia izao no ataovy: Angalao avokoa ny vokatra malaza amin’ny tany, ataovy ao anaty fitondran’entanareo dia ento hatao fanomezana ho an-dralehilahy: ditin-kazo manitra kely, tantely kely, astragala, ladanôma, voanjo, amandy.

Baiboly Protestanta Malagasy

¹¹ Ary hoy Isiraely rainy taminy: Raha izany ary no izy, dia izao no ataovy: analao ny vokatra malaza amin’ny tany ka ataovy ao anatin’ny fitondran-entanareo, dia ento midina haterina ho an-dralehilahy, dia balsama kely sy tantely kely, ditin-kazo nekota sy lota sy pistakia ary amygdala;

Malagasy Bible

¹¹ Ary hoy Isiraely rainy taminy: Raha izany ary no izy, dia izao no ataovy: analao ny vokatra malaza amin'ny tany ka ataovy ao anatin'ny fitondran-entanareo, dia ento midina haterina ho an-dralehilahy, dia balsama kely sy tantely kely, ditin-kazo nekota sy lota sy pistakia ary amygdala;

La Bible en Malgache

¹¹ Dia hoy Israely rainy taminy: Raha izany ary no izy dia izao no ataovy: Makà amin’ny vokatra malaza amin’ny tany ka ataovy ao anatin’ny fitondranareo entana dia ento midina hatao fanomezana ho an-dRalehilahy, dia balisama kely sy tantely kely, ditin-kazo nekota sy lota ary pistasy sy amanda.

Genesisy 43:11 Rohy Ifampitohizana

Genesisy 33:10

Dia novalian’i Jakôba hoe: –Aza manao izany re ianao, fa raha mba sitrakao ihany aho, dia raiso ny fanomezana natolotro anao. Fa raha nahita tava anao aho teo, dia hoatry ny nahita ny tavan’Andriamanitra, noho ianao tsara fandray ahy.

Genesisy 37:25

Avy eo dia nipetraka nihinana ireo, ary nitazana ka nahatsinjo andiana Jismahelita nandalo avy any Gilehada, nitanjozotra nidina ho any Ejipta. Ireo ramevany dia mitondra ditin-kazo manitra toy ny nekôta sy balsama ary làdana.

Genesisy 43:10

Ary ankehitriny raha tsy nitaredretra izahay, dia efa tafaverina fanindroany toy izay.

Genesisy 43:14

Andriamanitra Tsitoha anie hahatonga azy hamindra fo aminareo ka hamela an’i Benjamîna sy i Simehôna hiverina hiaraka aminareo! Fa izao dia tsy hombàn-janaka aho tahaka ny tsy nanan-janaka mihitsy.

Genesisy 43:15

Dia nentin’izy mirahalahy avy ny fanomezana sy ny vola ary koa i Benjamîna; dia niainga izy niara-nidina nankany Ejipta, ka niseho teo anatrehan’i Jôsefa.

Genesisy 43:25

Nanomana ny fanomezana ireo mandra-piavin’i Jôsefa tamin’ny antoandro, satria efa reny fa hiara-misakafo aminy eo izy.

Genesisy 43:26

Vao niditra i Jôsefa, dia natolotr’ireo azy ny fanomezana sady niankohoka tamin’ny tany teo anatrehany izy.

1Mpanjaka 10:15

ankoatra ny haba nalainy tamin’ny mpandranto sy ny mpivarotra ary ny hetra naloan’ny mpanjaka vahiny na voaangon’ireo governoran’ny tany.

1Mpanjaka 10:25

Ka isan-taona dia samy tonga nitondra fanomezana avy izy rehetra, dia kojakoja volafotsy sy volamena ary koa fitafiana sy fiadiana mbamin’ny zava-manitra sy soavaly na boriky.

1Mpanjaka 15:19

«Aoka hisy fifanekena amiko sy aminao, toy izay nisy tamin-draiko sy tamin-drainao. Indro mampanatitra volafotsy sy volamena ho fanomezana ho anao aho; fa ndeha tsoahy ny fifanekenao tamin’i Bahasà mpanjakan’i Israely mba hialany amin’ny taniko.»

2Mpanjaka 16:8

Dia naka izay volafotsy sy volamena hitany tao an-tranon’ny TOMPO sy tao amin’ny tahirin-dapa i Ahaza ka nandefa izany ho fanomezana ho an’ny mpanjakan’i Asiria.

2Mpanjaka 20:12

Tamin’izany fotoana izany i Merôdaky-Baladàna zanakalahin’i Baladàna sady mpanjakan’i Babilôna no nandre fa narary i Hezekià; koa dia nandefa masoivoho mba hitondra taratasy sy fanomezana ho azy izy.

2Mpanjaka 8:8

dia hoy izy tamin’i Hazaela: –Mitondrà fanomezana ka mandehana mihaona amin’i Elisà; dia asaivo manontany ny TOMPO izy raha toa ka ho sitrana amin’izao aretiko izao ihany aho.

Estera 4:16

«Ndeha vorio àry ny Jiosy rehetra eto Sosany; dia manaova fifadian-kanina noho ny amiko ianareo, ka aza mihinana na misotro mandritra ny telo andro sy telo alina. Hifady hanina toy izany koa ny tenako sy ireo mpanompovaviko; avy eo dia hankao amin’ny amperôra aho, na dia tsy ara-dalàna aza izany. Koa raha tsy maintsy ho faty aho, dia ho faty!»

Salamo 68:29

Ry Andriamanitra ô, omeo baiko ny herinao ka hamafiso hatrany izay efa vitanao ho anay,

Salamo 72:10

Ny mpanjakan’i Tarsisy sy ny an’ireo nosy dia handefa fanomezana ho azy; ny mpanjakan’i Sabà sy ny an’i Sebà kosa ho avy handoa hetra aminy.

Salamo 76:11

Na dia ny fahatezeran’i Edôma aza dia hanjary fiderana Anao; ary ny olona sisa tavela any Hamata dia hataonao manaiky Anao.

Eksodosy 3:8

Koa tafidina Aho mba hanafaka azy amin’ny fahefàn’ny Ejiptianina, ka hampiakatra azy hiala amin’ny tany Ejipta mba ho any amin’ny tany tsara sy midadasika, any amin’ny tany tondra-dronono sy tantely, dia ny toerana misy ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita.

Ohabolana 17:18

Olona tsy ampy saina izay mipai-tanana manaiky hiantoka ny trosan’ny hafa.

Ohabolana 18:16

Ny fanomezana dia mamoha varavarana ny mpanolotra ary mampiditra azy eo anatrehan’ny lehibe.

Ohabolana 19:6

Maro no mandokadoka ny olona ambony; ary ny besinimaro dia sakaizan’ny mpanome zavatra.

Ohabolana 21:14

Ny fanomezana atao mangingina dia mampitony ny fahatezerana, ary ny tolotra omena an-kinafinafina mampitsahatra ny fahavinirana.

Tononkiran’i Solomona 4:10

Mamy tokoa ny safosafonao, ry havako fofombadiko; fy tokoa ny safosafonao, eny, fy mihoatra noho ny divay; ary ny ilomanitrao dia mahasintona ahy mihoatra noho ny zava-manitra hafa rehetra.

Tononkiran’i Solomona 4:14

ny narda sy ny safràna, ny veromanitra sy ny kanelina mbamin’ny hazo manitra rehetra; mandraradrara-pofona eo koa ny miora sy ny aloesy ary ny menaka manitra rehetra.

Tononkiran’i Solomona 8:14

«Mandosira, ry malalako; ary aoka ianao ho mailamailaka toy ny gazela na ny diera tanora no manketỳ Ambohimanitra.»

Jeremia 8:22

Moa tsy misy balisama mampitony na dokotera ve any Gilehada? Nahoana no tsy mety sitrana ny ratran’ny fireneko?

Ezekiela 27:15

Nifandray ara-barotra taminao koa ny olona avy ao Dedàna. Nitatra tamin’ireo nosy maro ny tsenam-barotrao, ka tandroka ivoara sy hazomainty no natakalony ny entanao.

Ezekiela 27:17

Nifandray ara-barotra taminao koa ny vahoakan’i Joda sy i Israely ka varimbazaha avy any Minita sy ampemba sy tantely sy diloilo ary balsamo no natolony ho takalon’ny entanao.

Ezekiela 27:22

Ny mpivarotra avy any Sebà sy Rahemà ihany koa dia nifandray ara-barotra taminao ka zava-manitra ambony karazana sy vatosoa ary volamena no natolony ho takalon’ny entanao.

Levitikosy 20:24

ary nahatonga Ahy hilaza aminareo hoe: ‹Ianareo no handova ny tany, ary Izaho no hanome azy ho lovanareo, dia tany tondra-dronono sy tantely!› Izaho no TOMPO Andriamanitrareo, Izay nanavaka anareo tamin’ny firenena samy hafa.

Asan’ny Apostoly 21:14

Tsy naharesy lahatra azy izahay fa niala maina ka nilaza hoe: –Hatao anie izay sitraky ny Tompo!

Deoteronomia 33:14

handray ny zava-tsoa entin’ny masoandro sy ny zava-tsoa matoy isam-bolana,

1Samoela 25:27

Ankehitriny aoka ireto fanomezana entiko ho anao ireto mba hozaraina amin’ireo tovolahy miaraka aminao.

1Samoela 9:7

Dia hoy i Saoly tamin’ny mpanompony: –Raha mankany àry isika, dia inona kosa no mba homentsika ilay mpaminany? Efa lany manko ny mofo nentintsika, ka tsy misy fanomezana azo atolotra azy; tsy manana na inona na inona intsony isika.