Genesisy 43:11 - Baiboly Katolika

¹¹ Ka dia hoy i Israely rainy, tamin’izy ireo: «Ilaina àry izany, ka dia izao no ataovy: Angalao avokoa ny vokatra malaza amin’ny tany, ataovy ao anaty fitondran’entanareo dia ento hatao fanomezana ho an-dralehilahy: ditin-kazo manitra kely, tantely kely, astragala, ladanôma, voanjo, amandy.

Baiboly Protestanta Malagasy 2011

¹¹ Dia hoy Israely rainy taminy: Raha izany ary no izy dia izao no ataovy: Makà amin’ny vokatra malaza amin’ny tany ka ataovy ao anatin’ny fitondranareo entana dia ento midina hatao fanomezana ho an-dRalehilahy, dia balisama kely sy tantely kely, ditin-kazo nekota sy lota ary pistasy sy amanda.

DIEM PROTESTANTA

¹¹ Ka hoy i Jakôba tamin’ireo zanany: –Raha izany àry, dia izao no ataovy: Mitondrà an-kitaponareo zavatra tsara vokatry ny tany mba hataonareo fanomezana ho an’ilay Ejiptianina. Mitondrà zava-manitra isan-karazany: menaka manitra, làdana, tantely, voam-boatavo, ary amandy.

Dikateny Iombonana Eto Madagasikara

¹¹ Ka hoy i Jakôba tamin’ireo zanany: –Raha izany àry, dia izao no ataovy: Mitondrà an-kitaponareo zavatra tsara vokatry ny tany mba hataonareo fanomezana ho an’ilay Ejiptianina. Mitondrà zava-manitra isan-karazany: menaka manitra, làdana, tantely, voam-boatavo, ary amandy.

Baiboly Protestanta Malagasy

¹¹ Ary hoy Isiraely rainy taminy: Raha izany ary no izy, dia izao no ataovy: analao ny vokatra malaza amin’ny tany ka ataovy ao anatin’ny fitondran-entanareo, dia ento midina haterina ho an-dralehilahy, dia balsama kely sy tantely kely, ditin-kazo nekota sy lota sy pistakia ary amygdala;

Malagasy Bible

¹¹ Ary hoy Isiraely rainy taminy: Raha izany ary no izy, dia izao no ataovy: analao ny vokatra malaza amin'ny tany ka ataovy ao anatin'ny fitondran-entanareo, dia ento midina haterina ho an-dralehilahy, dia balsama kely sy tantely kely, ditin-kazo nekota sy lota sy pistakia ary amygdala;

La Bible en Malgache

¹¹ Dia hoy Israely rainy taminy: Raha izany ary no izy dia izao no ataovy: Makà amin’ny vokatra malaza amin’ny tany ka ataovy ao anatin’ny fitondranareo entana dia ento midina hatao fanomezana ho an-dRalehilahy, dia balisama kely sy tantely kely, ditin-kazo nekota sy lota ary pistasy sy amanda.

Genesisy 43:11 Rohy Ifampitohizana

Genesisy 33:10

Ary hoy i Jakôba: «Tsia, fa miangavy aminao, raha mba nahita fitia teo imasonao ihany aho, raiso avy amin’ny tanako ny fanomezako; fa izany no nahitako ny tavanao hoatra ny mahita ny Tavan’Andriamanitra, ary efa mba tsara koa ny nandraisanao ahy.

Genesisy 37:25

Ary dia nipetraka nihinana izy ireo. Nony natopiny ny masony, dia hitany fa indreny nisy Ismaelita niray dia avy any Galaada; ary ny entana nentin’ny ramevany dia astragala, ditin-kazo manitra, mbamin’ny ladanôma, ndeha havariny any Ejipta.

Genesisy 43:10

Fa raha tsy nijanonjanona izahay dia efa tafaverina fanindroany toy izay.»

Genesisy 43:14

Andriamanitra mahefa ny zavatra rehetra anie hampahita fitia anareo eo imason-dralehilahy, mba havelany hody miaraka aminareo ilay rahalahinareo anankiray, sy i Benjamina. Ary ny amiko raha anjarako ny hofoanana anaka dia aoka ihany ho foana anaka aho.»

Genesisy 43:15

Koa nalain’ireo olona ireo izany fanomezana izany, ary nentiny teo an-tanany ny vola avo sasaka, mbamin’i Benjamina, dia niainga izy nidina nankany Ejipta, ary niseho teo anatrehan’i Josefa.

Genesisy 43:25

Dia nandamindamina ny zavatra hatolotra aloha izy ireo mandra-piavin’i Josefa, raha mby amin’ny mitatao vovonana, fa efa nilazana izy fa hoe hihinana ao aminy.

Genesisy 43:26

Nony tonga tao an-trano i Josefa, nampidirin’izy ireo tao an-trano ny fanomezana izay efa mby ao an-tanany, dia niankohoka tamin’ny tany teo anatrehany izy.

1Mpanjaka 10:15

afa-tsy ny azony amin’ny mpandranto sy amin’ny varotry ny mpivarotra ambongadiny sy amin’ny mpanjakan’i Arabia rehetra sy ny mpanapaka ny tany.

1Mpanjaka 10:25

Sady samy nitondra ny fanatiny avy, dia fanaka volafotsy, fanaka volamena, fitafiana, fiadiana, zava-manitra, soavaly, mole, isan-taona.

1Mpanjaka 15:19

«Aoka hisy fanekena, toy ny tamin-draiko sy tamin-drainao, amiko sy aminao. Ary indro aho mampanatitra volafotsy sy volamena ho fanomezana ho anao, ka andeha tsoahy ny fanekeko tamin’i Baasà, mpanjakan’i Israely, mba hialany atỳ amiko.»

2Mpanjaka 16:8

Ary nalain’i Akaza ny volafotsy sy volamena hita tao an-tranon’i Iaveh, sy tao amin’ny rakitry ny tranon’ny mpanjaka, nampitondrainy ho fanomezana ny mpanjakan’i Asiria.

2Mpanjaka 20:12

Tamin’izany andro izany ihany koa, no nampitondran’i Merôdàka-Baladàna zanak’i Baladàna mpanjakan’i Babilôna taratasy sy fanomezana ho an’i Ezekiasa, satria reny fa hoe narary i Ezekiasa.

2Mpanjaka 8:8

Dia hoy ny mpanjaka tamin’i Hazaela: «Mitondrà fanomezana ianao, mandehana mitsena ilay olon’Andriamanitra, ary izy no anontanio izay tenin’i Iaveh, ataovy hoe: Mbola ho velona amin’ity aretina ity va aho?»

Salamo 68:29

Mandidia ny fahefanao, ry Andriamanitra, hamafiso izay nataonao ho anay, ry Andriamanitra!

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Salamo 76:11

Ka dia hody voninahitra ny fisafoaky ny olombelona, sy ny sisam-pahatezerany.

Eksodosy 3:8

Ka hidina aho hamonjy azy amin’ny tanan’ny Ejiptianina, hitondra azy miakatra avy amin’ity tany ity, ho any amin’ny tany mahavokatra sy malalaka, tany tondra-dronono aman-tantely, dia any amin’ny tany honenan’ny Kananeanina, ny Heteanina, ny Amôreana, ny Ferezeanina, ny Heveanina ary ny Jeboseanina.

Ohabolana 17:18

Ny olona tsy misy saina mamehy tena amin’ny fanekena, manolo-tena ho antoka hisolo ny namany.

Ohabolana 18:16

Ny fanatitra omen’ny olona no mahalalaka ny lalany, sy mampiditra azy eo amin’ny lehibe.

Ohabolana 19:6

Ny olona mahafoy be, maro mpandoka; ary izay mahatolotolotra, sakaizan’ny rehetra.

Ohabolana 21:14

Ny fanomezana mangingina mampitony hatezerana; ny fanatitra alaina anaty valombalonan-damba mampitsahatra fahavinirana efa tafahoatra.

Tononkiran’i Solomona 4:10

Endrey izany hamamin’ny fitiavanao, ry havako voafofo, endrey izany hatsaran’ny fitiavanao mihoatra noho ny divay; ary mihoatra noho ny zava-manitra rehetra, ny fofon’ny hanitrao!

Tononkiran’i Solomona 4:14

narda sy safrana, kanela sy sinamôma, mbamin’ny hazo rehetra misy emboka, mira sy aloesy, mbamin’ny hazo rehetra mahavokatra diloilo manitra tsara indrindra.

Tononkiran’i Solomona 8:14

Mihazakazaha, ry malalako, manahafa ny gazela na ny zana-tserfa vavy, eny an-tendrombohitry ny hazo mitete dity manitra!

Jeremia 8:22

Tsy misy baoma intsony any Galaada, tsy misy dokotera intsony va any? Sa nahoana no tsy nasiana bandy ny zanaka vavin’ny oloko?

Ezekiela 27:15

Ny terak’i Dedana nifampivarotra taminao; ny varotra tamin’ireo nosy maro, teo am-pelatananao: ny naloany ho vidiny dia tandroka ivoara sy hazo mainty.

Ezekiela 27:17

I Jodà sy ny tanin’i Israely nifampivarotra taminao, ny amin’ny varin’i Minîta, ny zava-manitra, ny tantely, ny diloilo, ny ditin-kazo manitra.

Ezekiela 27:22

Ny mpandranto avy any Sabà sy Reemà nifampivarotra taminao; izao zava-manitra tsara indrindra rehetra izao sy izao vatosoa isan-karazany rehetra izao mbamin’ny volamena koa no nandoavany ny vidin’ny entanao.

Levitikosy 20:24

Efa voalazako taminareo fa ianareo no handova ny tanin’ireny; homeko anareo hanananareo azy, ary tany tondra-dronono aman-tantely izany. Izaho no Iaveh Andriamanitrareo Izay nanavaka anareo tamin’ny firenena hafa.

Asan’ny Apostoly 21:14

Dia tsy laitra nahodina izy, ka nitsahatra terỳ izahay nanao hoe: «Aoka ho tanteraka izay sitrapon’ny Tompo.»

Deoteronomia 33:14

ny vokatsoa masaky ny masoandro; ny voan-javatra soa indrindra isam-bolana;

1Samoela 25:27

Izao fanatitra entin’ny mpanomponao amin’ny tompoko izao, dia raiso ary aoka hozaraina amin’ny zatovo manaraka ny tompoko.

1Samoela 9:7

Ary hoy i Saola tamin’ny mpanompony: «Raha hankao isika, dia inona no hatolotsika ho an-dralehilahy? Lany ity ny vatsy tamin’ny lasàkantsika, ka tsy manan-javatra hatolotra ho an’ny olon’Andriamanitra isika. Fa manana inona isika?»