Eksodosy 39:1 - DIEM PROTESTANTA

¹ Volon’ondry miloko volomparasy sy mena ary jaky no nanaovana ny lamba fandrakofana ny fanaka fampiasa tao amin’ny Toeramasina sy ny fanamiana voatokana ho an’i Aharôna, araka izay efa nandidian’ny TOMPO an’i Mosesy.

Baiboly Protestanta Malagasy 2011

¹ Tamin’ny lamba manga, volomparasy ary jaky no nanaovana ny fitafiana fitondra amin’ny fanompoana ao amin’ny fitoerana masina, ary natao ny fitafiana masina ho an’i Arona araka izay nandidian’NY TOMPO an’i Mosesy.

Dikateny Iombonana Eto Madagasikara

¹ Volon’ondry miloko volomparasy sy mena ary jaky no nanaovana ny lamba fandrakofana ny fanaka fampiasa tao amin’ny Toeramasina sy ny fanamiana voatokana ho an’i Aharôna, araka izay efa nandidian’ny TOMPO an’i Mosesy.

Baiboly Katolika

¹ Natao tamin’ny jaky volomparasy, sy jaky mangatrakatraka, ary lamba mena antitra ny fanamiana enti-manao ny fomba-pivavahana ao amin’ny fitoerana masina, mbamin’ny fanamiana masina ho an’i Aarôna, araka ny nandidian’i Iaveh an’i Môizy.

Baiboly Protestanta Malagasy

¹ ARY tamin’ny manga sy ny volomparasy ary ny mena no nanaovany ny fitafiana makarakara, hanaovana fanompoam-pivavahana ao amin’ny fitoerana masina, ary nanao ny fitafiana masina ho an’i Arona izy, dia araka izay efa nandidian’i Jehovah an’i Mosesy.

Malagasy Bible

¹ Ary tamin'ny manga sy ny volomparasy ary ny mena no nanaovany ny fitafiana makarakara, hanaovana fanompoam-pivavahana ao amin'ny fitoerana masina, ary nanao ny fitafiana masina ho an'i Arona izy, dia araka izay efa nandidian'i Jehovah an'i Mosesy.

La Bible en Malgache

¹ Tamin’ny lamba manga, volomparasy ary jaky no nanaovana ny fitafiana fitondra amin’ny fanompoana ao amin’ny fitoerana masina, ary natao ny fitafiana masina ho an’i Arona araka izay nandidian’NY TOMPO an’i Mosesy.

Eksodosy 39:1 Rohy Ifampitohizana

Salamo 93:5

Azo antoka tanteraka ny fepetra nataonao, TOMPO ô; ho masina lalandava koa ny tranonao.

Eksodosy 25:4

volon’ondry miloko volomparasy na mena na jaky, rongony madinika, volon’osy,

Eksodosy 26:1

«Ary momba ny fonena-masina, dia lamba temitra folo vita amin’ny kiran-drongony mafy mifangaro volon’ondry miloko volomparasy sy mena ary jaky no hanaovana azy, ravahana kerobima vita peta-kofehy tsara.

Eksodosy 28:5

Volon’ondry miloko volomparasy sy mena ary jaky mbamin’ny rongony madinika sy kofehy volamena no hampiasain’ireo mpahay taozavatra.

Eksodosy 31:10

ny lamba fandrakofana ny fanaka, ny fanamiana voatokana hiakanjoan’i Aharôna sy ny zanany lahy eo am-panaovana ny raharahany,

Eksodosy 35:19

ny lamba fandrakofana ny fanaka ao amin’ny Toeramasina ary ny fanamiana voatokana hiakanjoan’i Aharôna sy ny zanany lahy eo am-panaovana ny raharahany.

Eksodosy 35:23

Ireo rehetra nanana volon’ondry miloko volomparasy sy mena ary jaky, rongony madinika, na volon’osy, na hoditr’ondry miloko mena na hoditra mafy ihany koa dia samy nitondra ny azy.

Eksodosy 38:31

ny faladian’ny fefy sy ny fidirana teo an-kianja ary ny tsîmatra rehetra momba ny fonena-masina sy momba ny fefin’ny kianja.

Eksodosy 39:41

–ny lamba fandrakofana ny fanaka ao amin’ny Toeramasina ary ny fanamiana voatokana hiakanjoan’i Aharôna sy ny zanany lahy eo am-panaovana ny raharahany.

Ezekiela 42:14

Ankoatra izany, ireo mpisorona izay niditra tao amin’ny Toera-masina dia tsy mahazo mandeha any amin’ny kianja ivelany avy hatrany; fa tsy maintsy ao amin’ireo efitrano ireo no amelany ny fanamiana masina izay nentiny nanompo ny Tompo, ary ao koa no iakanjoany ireo fitafiany hafa alohan’ny hankanesany any amin’ny toerana misy ny sarambabem-bahoaka.»

Ezekiela 43:12

Izao no foto-pitsipika momba ny tempoly: ny faritra manontolo eo an-tampon-tendrombohitra sy manodidina dia tena voatokana ho an’Andriamanitra. Eny, izany no foto-pitsipika momba ny tempoly.»

Hebreo 9:12

Indray mandeha monja no nidirany tao amin’ny Toeramasina Indrindra, dia ampy; ary tsy mba ran’osilahy na ran-janakomby no nentiny hatolotra, fa ny ra nafoin’ny tenany no nentiny hatolotra ka nahazoany fanavotana mandrakizay ho antsika.

Hebreo 9:25

Ny mpisorombe jiosy dia niditra tao amin’ny Toeramasina Indrindra isan-taona nitondra ram-biby; i Kristy kosa tsy niditra tao an-danitra mba hanolotra ny tenany matetika;