Eksodosy 39:1 - Baiboly Katolika

¹ Natao tamin’ny jaky volomparasy, sy jaky mangatrakatraka, ary lamba mena antitra ny fanamiana enti-manao ny fomba-pivavahana ao amin’ny fitoerana masina, mbamin’ny fanamiana masina ho an’i Aarôna, araka ny nandidian’i Iaveh an’i Môizy.

Baiboly Protestanta Malagasy 2011

¹ Tamin’ny lamba manga, volomparasy ary jaky no nanaovana ny fitafiana fitondra amin’ny fanompoana ao amin’ny fitoerana masina, ary natao ny fitafiana masina ho an’i Arona araka izay nandidian’NY TOMPO an’i Mosesy.

DIEM PROTESTANTA

¹ Volon’ondry miloko volomparasy sy mena ary jaky no nanaovana ny lamba fandrakofana ny fanaka fampiasa tao amin’ny Toeramasina sy ny fanamiana voatokana ho an’i Aharôna, araka izay efa nandidian’ny TOMPO an’i Mosesy.

Dikateny Iombonana Eto Madagasikara

¹ Volon’ondry miloko volomparasy sy mena ary jaky no nanaovana ny lamba fandrakofana ny fanaka fampiasa tao amin’ny Toeramasina sy ny fanamiana voatokana ho an’i Aharôna, araka izay efa nandidian’ny TOMPO an’i Mosesy.

Baiboly Protestanta Malagasy

¹ ARY tamin’ny manga sy ny volomparasy ary ny mena no nanaovany ny fitafiana makarakara, hanaovana fanompoam-pivavahana ao amin’ny fitoerana masina, ary nanao ny fitafiana masina ho an’i Arona izy, dia araka izay efa nandidian’i Jehovah an’i Mosesy.

Malagasy Bible

¹ Ary tamin'ny manga sy ny volomparasy ary ny mena no nanaovany ny fitafiana makarakara, hanaovana fanompoam-pivavahana ao amin'ny fitoerana masina, ary nanao ny fitafiana masina ho an'i Arona izy, dia araka izay efa nandidian'i Jehovah an'i Mosesy.

La Bible en Malgache

¹ Tamin’ny lamba manga, volomparasy ary jaky no nanaovana ny fitafiana fitondra amin’ny fanompoana ao amin’ny fitoerana masina, ary natao ny fitafiana masina ho an’i Arona araka izay nandidian’NY TOMPO an’i Mosesy.

Eksodosy 39:1 Rohy Ifampitohizana

Salamo 93:5

Tsy miova ny teny vavolombelonao, ny fahamasinana no mendrika ny tranonao; mandritra ny faharetan’ny andro rehetra, ry Iaveh ô!

Eksodosy 25:4

jaky volomparasy, jaky mena mangatrakatraka, lamba mena antitra, rongony madinika sy volon’osy;

Eksodosy 26:1

«Ny hanaovana ny Fonenana dia ambainy folo; ny hanaovana azy ireo dia amin’ny rongony madinika voahasina, sy amin’ny jaky volomparasy, amin’ny kajy mangatrakatraka, ary amin’ny lamba mena antitra, asiana kerobima, asan-tanan’ny mpanenona mahay.

Eksodosy 28:5

Ny hanaovany azy dia volamena, jaky volomparasy, jaky mangatrakatraka, lamba mena antitra, ary rongony madinika.»

Eksodosy 31:10

ny fanamiana amin’ny fombam-pivavahana, ny fanamiana masina ho an’i Aarôna mpisorona, ny fanamiana ho an’ny zanany, amin’ny raharaha-mpisorona,

Eksodosy 35:19

ny fanamiana fitondra raha manao fanompoam-pivavahana ao amin’ny fitoerana masina, ny fanamiana masina ho an’i Aarôna mpisorona sy ny fanamian’ireo zanany fitondrany raha manao raharaham-pisoronana.»

Eksodosy 35:23

Izay rehetra nanana jaky volomparasy, jaky mangatrakatraka, lamba mena antitra, rongony madinika, volon’osy, hoditr’ondralahy voasoka mena, ary hodi-dogaona, dia samy nitondra avokoa.

Eksodosy 39:41

ny fanamiana hoenti-manao ny fanompoana ao amin’ny fitoerana masina, ny fanamiana masina ho an’i Aarôna mpisorona, sy ny fanamian’ireo zanany, fitondrany amin’ny raharaham-pisoronana.

Ezekiela 42:14

Rehefa tafiditra ao ny mpisorona dia tsy hiala ao amin’ny fitoerana masina izy mba ho ao amin’ny kianja ivelany, raha tsy efa navelany ao ny fitafiana nentiny nanao ny fanompoana; fa masina izany fitafiana izany. Miova fitafiana aloha izy, vao manatona mankao amin’ny raharaha momba ny vahoaka.»

Ezekiela 43:12

Izao no lalàna amin’ny trano: Masina dia masina avokoa, ny tokotany rehetra momba azy manodidina, eo an-tampon’ny tendrombohitra. Izany no lalàna amin’ny trano.

Hebreo 9:12

sady tsy mba ran’osilahy na ran-janak’omby, fa ny Ran’ny Tenany no nentiny niditra tao amin’ny fitoerana masina indrindra, indray mandeha monja dia ampy, ka nahazoany fanavotana mandrakizay.

Hebreo 9:25

Ary tsy mba toy ny mpisorom-be niditra isan-taona tao amin’ny fitoerana masina sy nitondra ran-javatra hafa Izy, ka hoe hanolo-tena matetika;