2Tantara 16:9 - DIEM PROTESTANTA

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Baiboly Protestanta Malagasy 2011

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

Dikateny Iombonana Eto Madagasikara

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Baiboly Katolika

⁹ Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Baiboly Protestanta Malagasy

⁹ Fa ny mason’i Jehovah mijery eny tontolo eny eran’ny tany rehetra, mba hisehoany aman-kery hamonjy izay manana fo mahitsy aminy. Adala hianao tamin’izany, ka dia hisy ady hahazo anao hatramin’izao.

Malagasy Bible

⁹ Fa ny mason'i Jehovah mijery eny tontolo eny eran'ny tany rehetra, mba hisehoany aman-kery hamonjy izay manana fo mahitsy aminy. Adala ianao tamin'izany, ka dia hisy ady hahazo anao hatramin'izao.

La Bible en Malgache

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

2Tantara 16:9 Rohy Ifampitohizana

Genesisy 31:28

Kanefa tsy navelanao hanoroka ny zanako aman-jafiko akory aho, koa dia efa nanao hadalana ianao.

2Samoela 24:10

Nahatsiaro ny tenany ho meloka i Davida taorian’ilay fanisam-bahoaka; ka hoy izy tamin’ny TOMPO: –Fahotana lehibe no vitako tamin’izao nataoko izao. Koa ankehitriny mifona aminao aho, TOMPO ô, mba avelao ny heloko fa efa nanao fahadalana lehibe tokoa aho.

1Mpanjaka 15:32

Ary nisy hatrany ny ady teo amin’i Asà sy i Bahasà mpanjakan’i Israely.

2Mpanjaka 20:3

ary nanao hoe –TOMPO ô, tsarovy fa nitondra tena tamim-pahamarinana sy tamim-kitsimpo teo anatrehanao aho ary nanao izay tsara eo imasonao. Dia nitomany nanao ranomaso havozona i Hezekià.

1Tantara 21:8

Ary hoy i Davida tamin’Andriamanitra: –Efa nanao fahotana lehibe aho tamin’izao nataoko izao. Koa ankehitriny, mifona aminao aho mpanomponao, mba avelao ny heloko fa efa nanao fahadalana lehibe tokoa aho!

2Tantara 15:17

Kanefa tsy mbola foana teo amin’i Israely ny toeram-panasinana, na dia nahitsy fo hatrany aza i Asà tamin’ny androm-piainany rehetra.

2Tantara 15:19

Ary tsy nisy ady intsony hatramin’ny taona faha-35 nanjakàn’i Asà.

2Tantara 16:10

Dia tezitra sy nisafoaka tamin’ilay mpahita i Asà noho izany ka nampiditra azy am-ponja. Ary nisy olona sasany koa nampahorîn’i Asà tamin’izay fotoana izay.

2Tantara 19:9

Dia nomeny baiko ireo ka nilazany hoe: –Izao no hataonareo noho ny fanajana ny TOMPO araka ny toetra mahatoky sy ny hitsimpo.

2Tantara 6:20

Aoka hojerenao amin-kamorampo andro aman’alina ity tempoly ity, dia ilay toerana nolazainao fa hampitoeranao ny voninahitrao! Koa mba henoy ny vavaka izay ataoko rehefa mitodika amin’ity toerana ity aho.

Ezra 5:5

Saingy nitsinjo an’ireto loholona jiosy hatrany Ilay Andriamaniny; ka tsy nahasakana azy hanohy ny asa ry i Tatenay sy ny namany, mandra-pahatongan’ny tatitra tany amin’i Dariôsa sy nahazoana taratasy ôfisialy momba izany toe-javatra izany.

Joba 28:24

Fa mahatsinjo hatrany am-paran’ny tany Izy ary mahita izao rehetra ambanin’ny lanitra izao.

Joba 31:4

Moa tsy hitan’Andriamanitra ve ny toetrako? Moa tsy manisa ny diako rehetra ve Izy?

Joba 34:21

Fa arany maso ny toetran’ny olona, ary hitany avokoa ny lalan-kalehany.

Salamo 113:6

kanefa miondrika mba hitazana izay eny an-danitra sy etỳ an-tany,

Salamo 33:14

Avy eo an-tsezafiandrianany no andinihany ny mponina rehetra etỳ ambonin’ny tany.

Salamo 33:15

Mpamorona ny saina amam-piniavana Izy, ka mahalala izay rehetra ataon’ny olona.

Salamo 33:18

Tsinjovin’ny TOMPO kosa ireo mpanaja Azy, dia ireo olona miantehitra amin’ny fitiavany,

Salamo 34:15

hiala amin’ny ratsy ka hanao ny tsara ary haharitra hikatsaka fiadanana.

Salamo 37:37

Diniho ny olom-banona, jereo ny olo-mahitsy, dia ho tsapanao tokoa fa ny hasambarana no valiny omena ny olona toy izany.

Ohabolana 15:3

Ny mason’ny TOMPO dia mijery eny rehetra eny ka mahita ny ratsy fanahy sy ny tsara fanahy.

Ohabolana 5:21

Fa izay toetran’ny lehilahy tsirairay dia eo imason’ny TOMPO hatrany ka dinihiny avokoa izay izorany.

Isaia 31:1

Lozan’izay midina any Ejipta mba hitady famonjena! Ny soavaly no ianteherany; ny kalesy no itokiany satria maro ireny; ary ny mpitaingin-tsoavaly no antenainy, satria mahery tokoa ireny; fa tsy andrandrainy akory ilay Masin’i Israely ary tsy anontaniany mihitsy ny TOMPO.

Jeremia 16:17

Fa arahiko maso ny fitondrantenany rehetra ka tsy misy miafina amiko; eny, miharihary eo imasoko ny helony.

Jeremia 32:19

Manana fikasana lehibe Ianao ary manan-kery hanatanterahana azy. Arakao maso avokoa izay izoran’ny olombelona mba hamalianao azy araka ny fitondrantenany sy ny vokatry ny asany.

Jeremia 5:1

Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Jeremia 5:21

Henoy àry izao, ry vahoaka dondrona sy tsy misaina, mana-maso fa tsy mahita, manan-tsofina fa tsy mandre.

Jeremia 5:3

TOMPO ô, moa tsy ny toe-panahy mahatoky ve no zavatra andrandrainao? Nokapohinao ny mponin’i Jerosalema, nefa tsy nahoany akory izany. Saika hofarananao ny aminy, nefa tsy nino anatra izy. Fa mafy loha toy ny vato izy, ka tsy nety niverina taminao.

Matio 5:22

Izaho koa milaza aminareo hoe: izay rehetra tezitra amin’ny namana iray finoana dia mendrika hatolotra ny fitsarana isan-tanàna; izay hanao ny namana iray finoana hoe: misy kely, dia mendrika hatolotra ny Fitsarana ambony; izay hanao azy hoe: foka, dia mendrika havarina any amin’ny lohasahan’afo.

Lioka 12:20

Fa hoy Andriamanitra taminy: «Olona tsy misaina ianao! Anio alina ihany, dia halàko aminao ny ainao. Ka ho an’iza ireo zavatra navosanao?»

1Korintiana 15:36

Izato hadalànao! Maty aloha ny voa afafinao, vao velona indray.

Galatiana 3:1

Tsy misaina ianareo, ry Galatianina! Iza moa no nanodoka anareo? Kanefa dia i Jesoa Kristy voahombo tamin’ny hazofijaliana no naseho mazava teo imasonareo.

Hebreo 4:13

Tsy misy zavaboaary miafina amin’Andriamanitra; fa ny zavatra rehetra dia mihanjahanja sy miharihary eo imasony, ary Izy no hampamoaka antsika ny amin’izay ataontsika.

1Petera 3:12

satria ny Tompo dia mitsinjo ny olo-marina sy mihaino ny fitarainany, fa tezitra kosa amin’ny mpanao ratsy.»

1Samoela 13:13

Ary hoy i Samoela tamin’i Saoly: –Nanaonao foana tahaka ny olona adala ianao! Tsy notandremanao akory ny didy nomen’ny TOMPO Andriamanitrao anao. Fa raha mba nataonao anefa izany, dia ho nampanjakain’ny TOMPO mandrakizay tamin’i Israely ianao sy ny taranakao.