2Tantara 16:9 - Baiboly Katolika

⁹ Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Baiboly Protestanta Malagasy 2011

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

DIEM PROTESTANTA

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Dikateny Iombonana Eto Madagasikara

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Baiboly Protestanta Malagasy

⁹ Fa ny mason’i Jehovah mijery eny tontolo eny eran’ny tany rehetra, mba hisehoany aman-kery hamonjy izay manana fo mahitsy aminy. Adala hianao tamin’izany, ka dia hisy ady hahazo anao hatramin’izao.

Malagasy Bible

⁹ Fa ny mason'i Jehovah mijery eny tontolo eny eran'ny tany rehetra, mba hisehoany aman-kery hamonjy izay manana fo mahitsy aminy. Adala ianao tamin'izany, ka dia hisy ady hahazo anao hatramin'izao.

La Bible en Malgache

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

2Tantara 16:9 Rohy Ifampitohizana

Genesisy 31:28

Tsy mba navelanao akory aho hanoroka ny zanako lahy aman-janako vavy! Marina raha tsy nanao toy ny adala mihitsy ianao.

2Samoela 24:10

Nandre ny fony nitebiteby i Davida nony nanisa ny vahoaka, ka hoy i Davida tamin’i Iaveh: «Nahavita fahotana lehibe aho, tamin’ny nataoko! Koa ankehitriny, Iaveh ô, mifona aminao aho, esory ny heloky ny mpanomponao, fa efa nanao toy ny adala tokoa aho.»

1Mpanjaka 15:32

Niady ihany i Asà sy i Baasà mpanjakan’i Israely tamin’ny andro rehetra niainany.

2Mpanjaka 20:3

«Iaveh ô, tsarovy fa nandeha teo anatrehan’ny tavanao aho, tamim-pahamarinana sy tamin’ny fo mahitsy, ary nanao izay tsara teo imasonao!» Sady nirotsaka be dia be ny ranomason’i Ezekiasa.

1Tantara 21:8

Dia hoy i Davida tamin’Andriamanitra: «Efa nanao fahotana lehibe aho tamin’izao nataoko izao, koa ankehitriny mifona aminao aho, esory ny heloky ny mpanomponao, fa tena nanao toy ny adala tokoa aho.»

2Tantara 15:17

Tsy foana anefa ny fitoerana avo teo amin’i Israely, na dia lavorary aza ny fon’i Asà tamin’ny andro niainany rehetra.

2Tantara 15:19

Tsy nisy intsony ny ady hatramin’ny taona faha-35 nanjakan’i Asà.

2Tantara 16:10

Tezitra tamin’ilay mpahita i Asà ka nasainy natao an-tranomaizina io, fa tezitra tamin’io izy, noho ny tenin’io. Nisy olona sasany tamin’ny vahoaka koa nampahorin’i Asà tamin’izany andro izany indrindra.

2Tantara 19:9

Ka nanome didy izy nanao hoe: «Hataonareo amim-pahatahorana an’i Iaveh izany sy amim-pahamarinana ary amin’ny fo mahitsy.

2Tantara 6:20

ary ny masonao ataovy mihiratra andro aman’alina amin’ity trano ity, dia eto amin’ity fitoerana voalazanao hametrahana ny Anaranao ity, dia henoy ny vavaka ataon’ny mpanomponao eto amin’ity fitoerana ity.»

Ezra 5:5

Nitsinjo an’ireo loholon’ny Jody anefa ny mason’ny Andriamanitr’izy ireo, ka tsy nasainy hitsahatra amin’ny asany izy, mandra-pahatongan’ny filazana ny raharaha tany amin’i Dariosa sy niverenan’ny taratasy momba izany.

Joba 28:24

Fa Izy mahita ny hatrany amin’ny fara vazantany, mahatsinjo ny ambany lanitra rehetra.

Joba 31:4

Moa tsy mahalala ny lalako va Andriamanitra? Tsy manisa ny diako rehetra va Izy?

Joba 34:21

Fa mitsinjo izay alehan’ny olona ny mason’Andriamanitra, ary hitany miharihary avokoa ny diany rehetra.

Salamo 113:6

ary mitsinjo atỳ ambany, eny an-danitra sy etỳ an-tany.

Salamo 33:14

eny amin’ny fitoeran’ny fonenany dia tazaniny ny mponina rehetra amin’ny tany,

Salamo 33:15

dia Izy mpamorona ny fon’izy rehetra, Izy mpamantatra ny asan’izy rehetra.

Salamo 33:18

Ny mason’i Iaveh mitsinjo izay matahotra Azy, dia ireo manantena ny hatsaram-pony,

Salamo 34:15

Mandosira ny ratsy ary manaova ny tsara, mitadiava fihavanana ary katsaho izany.

Salamo 37:37

Mba diniho kosa ange ny marina, ka jereo ny mahitsy: fa manam-para mandimby ny olona tia fihavanana,

Ohabolana 15:3

Ny mason’i Iaveh, dia amin’ny fitoerana rehetra; mijery ny ratsy fanahy sy ny tsara fanahy.

Ohabolana 5:21

Fa eo imason’i Iaveh ny lalan’ny olombelona, dinihiny avokoa ny lalany rehetra.

Isaia 31:1

Loza ho an’ireo izay midina hitady vonjy any Ejipta; miantehitra amin’ny soavaly, ary mitoky amin’ny kalesy, noho ny hamaroan’ireny, sy amin’ny mpitaingin-tsoavaly, noho izy matanjaka; nefa ilay Masin’i Israely tsy mba andrandrainy; ary i Iaveh tsy tadiaviny.

Jeremia 16:17

Fa eny amin’ny lalany rehetra ny masoko, ka tsy miafina eo anatrehan’ny Tavako izany; ary tsy takona amin’ny fijeriko ny helony.

Jeremia 32:19

lehibe amin’ny fisainana sy mahery amin’ny asa; ny masonao ajerinao ny lalan’ny taranak’i Adama rehetra, mba hamalianao azy, araka ny lalany avy, sy araka ny vokatry ny asany avy.

Jeremia 5:1

Tetezo ny lalana ao Jerosalema, ka jereo, fotory; savao eny amin’ny kianjany raha sendra mahita olona iray ao ianareo, raha misy iray monja aza, mba manao ny rariny sy mitady ny hitsiny, dia hamindra fo amin’ny tanàna aho.

Jeremia 5:21

Henoinareo àry izao, ry firenena adala sy tsy misy fo, mana-maso izy fa tsy mahita; manan-tsofina fa tsy mandre!

Jeremia 5:3

Ry Iaveh ô, tsy ny fo mahatoky va no tadiavin’ny masonao? Nikapoka azy Ianao, fa tsy nalahelo izy; nandripaka azy Ianao, fa tsy nety nino anatra izy; nohamafisiny mihoatra noho ny vatolampy ny tavany, tsy nety nibebaka izy.

Zakaria 4:10

Fa iza no hanamavo ny andron’ny zava-madinika? Hifaly izy ireo mahita ny pilao eny an-tanan’i Zôrôbabela. Ireo lalampy fito ireo, dia ny mason’i Iaveh mitety ny tany rehetra.

Matio 5:22

Fa Izaho kosa milaza aminareo fa izay rehetra mitezitra ny rahalahiny dia hohelohina amin’ny fitsarana; ary izay hanao aminy hoe Raka, dia hohelohina amin’ny Sanedrìna; ary izay hanao azy hoe Foka dia hohelohina any amin’ny gehen’afo.

Lioka 12:20

Fa hoy kosa Andriamanitra taminy: ‹Ry adala, anio alina ihany dia halaina aminao ny fanahinao, ka ho an’iza àry izay novorinao?›

1Korintiana 15:36

Ry adala, tsy maintsy maty aloha izay afafinao, vao velona indray.

Galatiana 3:1

Ry Galata adala! iza no dia nandrebireby anareo, nefa he fa voapetaka tsara teo imasonareo i Jesoa mifantsika!

Hebreo 4:13

Tsy misy zava-boaary miafina eo anatrehan’Andriamanitra, fa mihanjahanja sy miharihary eo imason’Izy hampamoaka antsika ny zavatra rehetra.

1Petera 3:12

Fa eo amin’ny olo-marina ny mason’ny Tompo, ary ho amin’ny fitarainany ny sofiny; fa eo amin’ny mpanao ratsy kosa ny Tavan’ny Tompo.

1Samoela 13:13

Hoy i Samoela tamin’i Saola: «Fanaon’ny adala ny anao tamin’izany, fa tsy nitandrina ny didy nomen’i Iaveh Andriamanitrao anao ianao. Fa ho nampaharetin’i Iaveh mandrakizay ny fanjakanao amin’i Israely.