2Tantara 16:9 - Baiboly Protestanta Malagasy

⁹ Fa ny mason’i Jehovah mijery eny tontolo eny eran’ny tany rehetra, mba hisehoany aman-kery hamonjy izay manana fo mahitsy aminy. Adala hianao tamin’izany, ka dia hisy ady hahazo anao hatramin’izao.

Baiboly Protestanta Malagasy 2011

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

DIEM PROTESTANTA

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Dikateny Iombonana Eto Madagasikara

⁹ Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

Baiboly Katolika

⁹ Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Malagasy Bible

⁹ Fa ny mason'i Jehovah mijery eny tontolo eny eran'ny tany rehetra, mba hisehoany aman-kery hamonjy izay manana fo mahitsy aminy. Adala ianao tamin'izany, ka dia hisy ady hahazo anao hatramin'izao.

La Bible en Malgache

⁹ Fa ny mason’NY TOMPO dia mijery eny tontolo eny manerana ny tany rehetra, mba hisehoany amin-kery hamonjy izay manana fo mahitsy Aminy. Adala ianao tamin’izany ka hisy ady hahazo anao manomboka izao.

2Tantara 16:9 Rohy Ifampitohizana

Genesisy 31:28

sady tsy mba navelanao hanoroka ny zanako-lahy sy ny zanako-vavy aho? Fa izao dia efa nanao adaladala hianao.

2Samoela 24:10

Ary ny eritreritr’i Davida namely azy, rehefa voaisany ny olona. Ka dia hoy Davida tamin’i Jehovah: Efa nanota indrindra aho tamin’izao nataoko izao; koa ankehitriny, mifona aminao aho, Jehovah ô, esory ny heloky ny mpanomponao, fa efa nanao fahadalana lehibe aho.

1Mpanjaka 15:32

Ary niady Asa sy Basa, mpanjakan’ny Isiraely, tamin’ny andro rehetra niainany.

2Mpanjaka 20:3

Jehovah ô, enga anie ka hotsarovanao ny nandehanako teo anatrehanao tamin’ny fahamarinana sy tamin’ny foko rehetra ary ny nanaovako izay tsara eo imasonao. Dia nitomany mafy dia mafy izy.

1Tantara 21:8

Ary hoy Davida tamin’Andriamanitra; Efa nanota indrindra aho tamin’izao nataoko izao; koa ankehitriny, mifona aminao aho, esory ny heloky ny mpanomponao, fa efa nanao fahadalana lehibe tokoa aho.

2Tantara 15:17

Fa ny fitoerana avo tsy mba noravana tamin’ny Isiraely; nefa nahitsy ny fon’i Asa tamin’ny androny rehetra.

2Tantara 15:19

Ary tsy nisy ady intsony hatramin’ny taona fahadimy amby telo-polo nanjakan’i Asa.

2Tantara 16:10

Dia tezitra tamin’ilay mpahita Asa ka nanao azy tao an-trano-maizina; fa nisafoaka taminy indrindra izy noho izany. Ary ny olona sasany koa dia nampahorin’i Asa tamin’izay.

2Tantara 19:9

ka dia nandidy azy hoe: Izao no hataonareo amin’ny fahatahorana an’i Jehovah sy amin’ny fahamarinana ary amin’ny fo mahitsy:

2Tantara 6:20

mba hihiratan’ny masonao andro aman-alina amin’ity trano ity, dia amin’ny fitoerana nolazainao hoe: Ao no hasiako ny anarako,–hihainoanao ny vavaka izay ataon’ny mpanomponao manatrika ity fitoerana ity.

Ezra 5:5

Nefa ny mason’Andriamaniny nitsinjo ny loholon’ny Joda, ka tsy nahasakana azy ireo, mandra-pahatongan’ny teny ho any amin’i Dariosy sy ny nahazoany ny valiny ny amin’izany raharaha izany.

Joba 28:24

Fa Izy no mitsinjo hatramin’ny faran’ny tany, Ary mahatazana manerana izao ambanin’ny lanitra rehetra izao,

Joba 31:4

Moa tsy Andriamanitra va no mijery ny làlako Ka manisa ny diako rehetra?

Joba 34:21

Fa ny mason’Andriamanitra dia mijery ny alehan’ny olona, Ary mahita ny diany rehetra Izy.

Salamo 113:6

Nefa miondrika mijery Ny any an-danitra sy ny etỳ an-tany?

Salamo 33:14

Eo amin’ny fonenany no ijereny Ny mponina rehetra ambonin’ny tany,–

Salamo 33:15

Dia Izy Mpamorona ny fon’izy rehetra Sy Mpamantatra ny asany rehetra.

Salamo 33:18

Indro, ny mason’i Jehovah mitsinjo izay matahotra Azy, Dia izay manantena ny famindrampony,

Salamo 34:15

Ny mason’i Jehovah dia mitsinjo ny marina, Ary ny sofiny mihaino ny fitarainany.

Salamo 37:37

Diniho ny mahitsy, ka jereo ny marina; Fa misy farany ho an’ny olona tia fihavanana.

Ohabolana 15:3

Ny mason’i Jehovah amin’izao rehetra izao, Mijery ny ratsy fanahy sy ny tsara fanahy.

Ohabolana 5:21

Fa eo imason’i Jehovah ny alehan’ny olona, Ary ny diany rehetra dia dinihiny avokoa.

Isaia 31:1

LOZAN’izay midina any Egypta hitady famonjena Sy miantehitra amin’ny soavaly Ary matoky ny kalesy, satria maro ireny, Sy ny mpitaingin-tsoavaly, satria mahery dia mahery ireny, Fa tsy manandrandra ny Iray Masin’ny Isiraely, Na mitady an’i Jehovah.

Jeremia 16:17

Fa ny masoko dia mijery ny alehany rehetra, Ka tsy miafina amin’ny tavako izany, Ary tsy takona amin’ny masoko ny helony.

Jeremia 32:19

lehibe amin’ny fisainana sy mahery amin’ny atao; fa ny masonao mibanjina ny alehan’ny zanak’olombelona rehetra mba hanome azy rehetra araka ny làlany avy sy araka ny vokatry ny asany,

Jeremia 5:1

MIVEZIVEZE eny an-dàlamben’i Jerosalema hianareo, Ka izahao sy fantaro ary tadiavo ao an-kalalahana, Fa raha mba misy olona hitanareo, Izay manao ny marina sy mitady ny hitsiny, Dia havelako ny helok’i Jerosalema.

Jeremia 5:21

Henoy izao, ry firenena adala sady tsy manan-tsaina, Izay mana-maso, fa tsy mahita, Ary manan-tsofina, fa tsy mandre:

Jeremia 5:3

Jehovah ô, tsy mijery ny toe-panahy mahatoky va ny masonao? Namely azy Hianao, nefa tsy nahatsiaro naharary izy; Nandany azy Hianao, nefa tsy nety nino anatra izy; Nohamafisiny mihoatra noho ny harambato ny tarehiny, Tsy nety niverina izy.

Zakaria 4:10

Fa iza no nanamavo ny andron’ny zava-madinika? Ho faly mahita ny pilao eny an-tànan’i Zerobabela ireo fito ireo, dia ny mason’i Jehovah, izay mijery eny tontolo eny eran’ny tany rehetra.

Matio 5:22

Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hanao amin’ny rahalahiny hoe: Olom-poana hianao, dia mendrika hohelohina amin’ny Synedriona; ary na zovy na zovy no hanao hoe: Foka ialahy, dia mendrika ho ao amin’ny helo mirehitra afo.

Lioka 12:20

Fa Andriamanitra kosa nanao taminy hoe: Ry adala, anio alina no halaina aminao ny fanahinao, ka ho an’iza izay zavatra noharìnao?

1Korintiana 15:36

Ry adala, izay afafinao tsy hovelomina, raha tsy maty aloha;

Galatiana 3:1

RY Galatiana adala, iza no nanimba anareo; kanefa teo imasonareo indrindra no nanehoana marimarina an’i Jesosy Kristy voahombo tamin’ny hazofijaliana?

Hebreo 4:13

Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason’Izay iafaran’ny ataontsika.

1Petera 3:12

Fa ny mason’ny Tompo dia mitsinjo ny marina, Ary ny sofiny mihaino ny fitarainany, Fa ny tavan’ny Tompo dia tezitra amin’ny mpanao ratsy’’ (Sal. 34.12–16).

1Samoela 13:13

Ary hoy Samoela tamin’i Saoly: Nanao adala hianao; tsy nitandrina ny didin’i Jehovah Andriamanitrao izay nandidiany anao hianao; fa raha tsy izany, ankehitriny Jehovah dia ho nampitoetra ny fanjakanao amin’ny Isiraely ho mandrakizay.