1Tantara 9:19 - DIEM PROTESTANTA

¹⁹ I Saloma, zanakalahin’i Kôrà sy zafin’i Abiasafa ary zafiafin’i Kôra, mbamin’ny Kôrahita havany satria fianakaviana iray razana aminy, ireo no mpanao fanompoana amin’ny fiandrasana ilay varavaran’ny Tranolay fihaonana; ary ny razany koa dia mpiandry an’ilay varavaran’ny tobin’ny TOMPO.

Baiboly Protestanta Malagasy 2011

¹⁹ I Saloma, zanak’i Kore, zanak’i Abiasafa, zanak’i Kora, sy ny Koraìta rahalahiny araka ny fianakaviany avy no mpanao ny fanompoana amin’ny fiandrasana ny varavaran’ny tranolay; ny razany koa dia mpiambina ny vavahady tao amin’ny tobin’NY TOMPO.

Dikateny Iombonana Eto Madagasikara

¹⁹ I Saloma, zanakalahin’i Kôrà sy zafin’i Abiasafa ary zafiafin’i Kôra, mbamin’ny Kôrahita havany satria fianakaviana iray razana aminy, ireo no mpanao fanompoana amin’ny fiandrasana ilay varavaran’ny Tranolay fihaonana; ary ny razany koa dia mpiandry an’ilay varavaran’ny tobin’ny TOMPO.

Baiboly Katolika

¹⁹ I Seloma zanak’i Kôre zanak’i Abiasafa zanak’i Kôre, mbamin’ny Kôreita rahalahiny amin’ny fianakavian-drainy, no nanao ny raharahan’ny mpiandry ny varavaran’ny tabernakla; ny razan’izy ireo no efa niandry ny vavahadin’ny tobin’i Iaveh.

Baiboly Protestanta Malagasy

¹⁹ Ary Saloma, zanak’i Kore, zanak’i Abiasafa, zanak’i Kora, sy ny Koraïta rahalahiny araka ny fianakaviany avy no mpanao ny fanompoana amin’ny fiandrasana ny varavaran’ny lay; ary ny razany koa dia mpiambina ny vavahady tao amin’ny tobin’i Jehovah.

Malagasy Bible

¹⁹ Ary Saloma, zanak'i Kore, zanak'i Abiasafa, zanak'i Kora, sy ny Koraita rahalahiny araka ny fianakaviany avy no mpanao ny fanompoana amin'ny fiandrasana ny varavaran'ny lay; ary ny razany koa dia mpiambina ny vavahady tao amin'ny tobin'i Jehovah.

La Bible en Malgache

¹⁹ I Saloma, zanak’i Kore, zanak’i Abiasafa, zanak’i Kora, sy ny Koraìta rahalahiny araka ny fianakaviany avy no mpanao ny fanompoana amin’ny fiandrasana ny varavaran’ny tranolay; ny razany koa dia mpiambina ny vavahady tao amin’ny tobin’NY TOMPO.

1Tantara 9:19 Rohy Ifampitohizana

2Mpanjaka 11:15

I Jôiadà mpisorona moa efa nandrara ny hamonoana ho faty an’i Hatalià ao an-tranon’ny TOMPO, ka dia nomeny baiko ny kapiteny mpifehy miaramila ary nilazany hoe: –Avoahy any ivelany any i Hatalià ka ampandalovy eny anelanelan’ny laharanareo; ary izay manaraka azy dia vonoy ho faty amin’ny sabatra.

2Mpanjaka 11:9

Araka izay baiko rehetra nomen’i Jôiadà mpisorona no nataon’ireo kapiteny; ka ny tompon’andraikitra tsirairay dia samy namory ny miaramilany avy, na izay niala tamin’ny andro sabata, ary dia nankany amin’i Jôiadà mpisorona izy rehetra.

2Mpanjaka 12:10

Fa naka vata iray i Jôiadà mpisorona, dia noloahiny ny sarony ka napetrany teo akaikin’ny alitara teo ankavanan’ny fidirana amin’ny tranon’ny TOMPO; dia nalatsaky ny mpisorona mpiandry varavarana tao ny vola rehetra nentina tao an-tranon’ny TOMPO.

1Tantara 9:18

Ireo no mpiandry vavahady tamin’ny tobin’ny levîta; ary ny taranany, mandraka izao, no eo amin’ny vavahadin’ny mpanjaka, dia ny vavahady atsinanana.

1Tantara 9:20

Taloha i Pinehasa, zanakalahin’i Elehazara, no mpanapaka ireo; ary nomba an’i Pinehasa ny TOMPO.

Salamo 42:1

Tao amin’ny tahirin-kiran’ny filohan’antoko-mpihira. Tononkalo fananarana nataon’ny terak’i Kôra.

Salamo 44:1

Tao amin’ny tahirin-kiran’ny filohan’antoko-mpihira; tononkalo fananarana nataon’ireo terak’i Kôra.

Salamo 49:1

Tao amin’ny tahirin-kiran’ny filohan’antoko-mpihira. Salamo nataon’ireo terak’i Kôra.

Salamo 84:10

Andriamanitra ô, mba jereo ny mpanjaka izay toy ny ampinga miaro anay; tsinjovy ilay olona voahosotrao.

Jeremia 35:4

Nampidiriko tao amin’ny efitra iray tao an-tranon’ny TOMPO izy, dia tao amin’ny efitra voatokana ho an’ny mpianatr’i Hanàna, izay lehilahy masina sady zanakalahin’i Jigdalià. Io efitra io dia teo akaikin’ilay efitranon’ireo lehibe ary teo ambonin’ny an’i Mahaseià, zanakalahin’i Salòma izay mpisorona miambina ny varavarana fidirana amin’ny tempoly.

Jeremia 52:24

Nosamborin’ny filohan’ny mpiambina i Seraià mpisorombe sy i Tsefanià lefiny ary ireo mpisorona telo lahy mpiandry varavarana.