1Tantara 4:10 - DIEM PROTESTANTA

¹⁰ Ary niantso an’ilay Andriamanitr’i Israely i Jahebetsy ka nanao hoe: «Enga anie hotahînao tokoa aho, ka hohalalahinao ny taniko; ary aoka ny tananao homba ahy, ka hataonao lavitra ahy ny loza mba tsy ho zoim-pahoriana aho!» Dia nohenoin’Andriamanitra izay nangatahiny.

Baiboly Protestanta Malagasy 2011

¹⁰ Ary niantso an’Andriamanitry ny Israely i Jabeza ka hoy izy: Enga anie ka hotahinao tokoa aho ka hohalalahinao ny faritaniko, ary ho amiko ny tananao ka harovanao amin’ny ratsy aho, mba tsy hampahory ahy izany. Dia nomen’Andriamanitra azy izay nangatahiny.

Dikateny Iombonana Eto Madagasikara

¹⁰ Ary niantso an’ilay Andriamanitr’i Israely i Jahebetsy ka nanao hoe: «Enga anie hotahînao tokoa aho, ka hohalalahinao ny taniko; ary aoka ny tananao homba ahy, ka hataonao lavitra ahy ny loza mba tsy ho zoim-pahoriana aho!» Dia nohenoin’Andriamanitra izay nangatahiny.

Baiboly Katolika

¹⁰ Niantso ny Andriamanitr’i Israely i Jabesa nanao hoe: «Raha mitahy ahy Ianao, ka halalahinao ny faritaniko, ary momba ahy ny tananao, sy arovanao amin’ny loza aho mba tsy ho zoim-pahoriana...» Ary nomen’Andriamanitra azy izay nangatahiny.

Baiboly Protestanta Malagasy

¹⁰ Ary Jabeza niantso an’Andriamanitry ny Isiraely hoe: Enga anie ka hotahinao tokoa aho, ka hohalalahinao ny fari-taniko, ary ho amiko ny tànanao, ka harovanao amin’ny ratsy aho, mba tsy hampahory ahy izany. Ary dia nomen’Andriamanitra azy ny nangatahiny.

Malagasy Bible

¹⁰ Ary Jabeza niantso an'Andriamanitry ny Isiraely hoe: Enga anie ka hotahinao tokoa aho, ka hohalalahinao ny fari-taniko, ary ho amiko ny tananao, ka harovanao amin'ny ratsy aho, mba tsy hampahory ahy izany. Ary dia nomen'Andriamanitra azy ny nangatahiny.

La Bible en Malgache

¹⁰ Ary niantso an’Andriamanitry ny Israely i Jabeza ka hoy izy: Enga anie ka hotahinao tokoa aho ka hohalalahinao ny faritaniko, ary ho amiko ny tananao ka harovanao amin’ny ratsy aho, mba tsy hampahory ahy izany. Dia nomen’Andriamanitra azy izay nangatahiny.

1Tantara 4:10 Rohy Ifampitohizana

Genesisy 12:2

Hataoko firenena lehibe ianao; hitahy anao Aho ka hampahalaza ny anaranao. Hanjary fitahiana ho an’ny hafa ianao.

Genesisy 12:8

Avy eo izy dia niainga ho any amin’ny faritra be havoana any atsinanan’i Betela, ary nanorina ny lainy teo anelanelan’i Betela tao andrefana sy i Hay tao atsinanana. Nanorina alitara iray ho an’ny TOMPO teo koa izy ka nivavaka sady niantso an’Andriamanitra hoe TOMPO.

Genesisy 28:20

Nanao voady teo i Jakôba ka niteny hoe: –Raha miaraka amiko ny Tompo ka miaro ahy amin’izao lalana alehako izao, ary manome ahy izay hohaniko sy hotafîko,

Genesisy 28:21

ka mahatafaverina ahy soa aman-tsara any an-tranon-draiko, dia ny TOMPO no ho Andriamanitro.

Genesisy 32:26

Ary rehefa hitany fa tsy naharesy an’i Jakôba izy, dia nodoniny ny foto-pen’i Jakôba ka nipitsoka, raha izy mbola nifampitolona iny.

Genesisy 32:27

Dia hoy izy hoe: –Avelao aho handeha fa efa mazava ratsy ny andro. Hoy kosa i Jakôba taminy: –Tsy havelako ianao, raha tsy tsofinao rano aho.

Genesisy 32:28

Dia nanontany izy hoe: –Iza moa no anaranao? Ka hoy ny navaliny azy: –Jakôba.

Genesisy 33:20

Dia nanorina alitara teo izy, ka nataony hoe Ela-Elôhe-Israely ny anaran’ilay alitara.

Genesisy 48:16

antsoiko ilay Anjely Izay nanavotra ahy tamin’ny loza rehetra; dia hotahîny anie ireto zazalahy ireto! Ka amin’ny alalan’izy roa lahy no hahatsiarovana ny anarako mbamin’ny anaran’i Abrahama raibeko sy i Itsehàka raiko! Hitombo maro dia maro eo anivon’ilay tany anie izy!

1Tantara 16:8

Miderà ny TOMPO ianareo: ataovy antso avo ny lazany, ampahafantaro ny firenen-kafa ny asany lehibe!

1Tantara 4:11

I Keloba, rahalahin’i Sihà, no ray niteraka an’i Mehira izay rain’i Estôna.

1Tantara 4:9

Nisy atao hoe Jahebetsy, izay nalaza kokoa noho ireo rahalahiny. Ny reniny no nanome ny anarany hoe Jahebetsy satria hoy izy: «Zoim-pahoriana aho, raha niteraka azy».

Joba 12:4

Tonga fihomehezan’ny sakaizako aho raha mba miantso an’Andriamanitra hamaly ahy; eny, ihomehezana ny marina tsy manan-tsiny.

Salamo 119:173

Ny fiarovanao anie hanampy ahy, satria ny fepetranao no nofidiko!

Salamo 121:7

Ny TOMPO hiambina anao amin’ny ratsy rehetra; eny, hiambina ny ainao Izy,

Salamo 145:19

Manao izay irîn’ny manaja Azy ny Tompo, ary mihaino ny tarainany ka mamonjy azy.

Salamo 21:4

Eny, notsenainao fitahian-tsoa izy ka fehiloha volamena no nasatrokao ny lohany;

Salamo 51:12

Amorony fo madio aho, Andriamanitra ô, fanahy mahatoky no aoreno ato anatiko.

Salamo 51:8

nefa ny hahitsy ao anaty no sitrakao, koa ny fahendrena am-po no atoroy ahy.

Salamo 55:16

Aoka ireo mpanohitra ahy ho faty tampoka; aoka hidina velona any an-toeran’ny maty izy, fa toe-dratsy no ao amin’ny fonenany, hevi-dratsy no ao anatin’ny fony!

Salamo 65:2

Ry Andriamanitra monina ao Tsiôna ô, mendrika hoderaina Ianao sy hanefana ny voady natao.

Salamo 72:17

Ny lazan’ny mpanjaka anie ho mandrakizay ka hitatra hatrany eto ambany masoandro! Izy anie ho fitahiana ireo fokon’ny tany tontolo ka hataon’ny firenena rehetra hoe: «Sambatra!»

Salamo 99:6

I Mosesy sy i Aharôna tamin’ireo mpisorony ary i Samoela tamin’ireo mpivavaka aminy dia samy niantso vonjy taminy ka novaliany.

Ohabolana 10:22

Ny fitahian’ny TOMPO no mampanankarena; ary tsy manampy inona amin’izany ny ezaky ny olona.

Ohabolana 30:8

Alao amiko ny fitaka sy ny lainga ary aza omena fahantrana aho na koa harena, fa izay hanina sahaza ahy ihany omena ahy.

Isaia 41:10

Aza matahotra ianao fa miaraka aminao Aho, aza miherikerika foana fa Izaho no Andriamanitrao. Mampahery anao Aho ary mamonjy anao tokoa; ny tanan-kavanako manafaka no anohanako anao.

Isaia 41:17

Mitady rano ny mahantra sy ny malahelo nefa tsy mahita mihitsy, ka mainan’ny hetaheta ny lelany. Izaho TOMPO kosa hihaino azy; Izaho Andriamanitr’i Israely tsy mba handao azy.

Jeremia 33:3

Antsoy Aho, dia hamaly anao sady hampianatra anao zava-dehibe izay tsy takatry ny saina sady tsy mbola fantatrao.

Matio 26:75

ary tsaroan’i Petera ny teny voalazan’i Jesoa hoe: «Alohan’ny maneno akoho, dia handà Ahy intelo ianao.» Dia lasa nankany ivelany i Petera ka nitomany fatratra.

Matio 6:13

aza avela ho azon’ny fakampanahy izahay, fa manafaha anay amin’ilay Ratsy! [Anao ny fanjakana sy ny hery, Anao ny voninahitra mandrakizay! *Amen.]

Lioka 19:42

sady nanao hoe: –Raha mba fantatrao amin’ity andro ity manko izay hanananao fiadanana! Nefa indrisy, takona ny masonao izany!

Jaona 10:28

Izaho no manome azy ny aina maharitra mandrakizay ka tsy ho very izy na oviana na oviana, ary tsy hisy haharombaka azy eo an-tanako.

Jaona 21:17

Ary hoy indray i Jesoa tamin’i Petera fanintelony: –Ry Simôna zanakalahin’i Jôhany, moa tia Ahy ve ianao? Dia nalahelo i Petera fa nataon’i Jesoa fanintelony hoe: «Moa tia Ahy ve ianao?», ka hoy ny navaliny Azy: –Ianao, ry Tompo, no mahalala ny zavatra rehetra, ka fantatrao fa tiako Ianao. Dia hoy Izy taminy: –Fahano ireo ondriko.

Asan’ny Apostoly 3:26

Ho anareo aloha no nampijoroan’Andriamanitra ny Mpanompony sady nanirahany Azy mba hitahy anareo, dia ny hampiala anareo tsirairay avy amin’ny asa ratsinareo.

Romana 12:9

Aoka ny fitiavana tsy hisy fihatsarambelatsihy. Mankahalà ny ratsy; mifikira amin’ny tsara.

Romana 16:19

Efa malaza amin’ny olona rehetra manko fa manaiky an’i Kristy ianareo; ary faly aminareo aho, ka ny irîko ho toetranareo dia izao: ho kinga raha ny amin’ny tsara ary tsy hiray petsapetsa amin’ny ratsy.

Efesiana 1:3

Hankalazaina anie ilay Andriamanitra sady Rain’i Jesoa Kristy Tompontsika! Fa nitahy antsika Andriamanitra tamin’ny fitahiana rehetra araka ny Fanahy Masina ka nataony miray amin’i Kristy isika sady tonga mponina any an-danitra.

Efesiana 3:20

Ary ho an’Andriamanitra Izay mahay manao mihoatra noho ny zavatra rehetra, eny, mihoatra lavitra noho izay angatahintsika na heverintsika aza, araka ny heriny miasa ato amintsika,

Efesiana 4:30

Aza mampalahelo ny Fanahy Masin’Andriamanitra ianareo fa ny Fanahy Masina no tombokase nahatonga anareo ho fananan’Andriamanitra, mba ho tody amin’ny andro hanavotana tanteraka anareo.

2Timoty 4:18

Hanafaka ahy amin’ny asa ratsy rehetra afitsoka ahy ny Tompo ka hampandroso ahy soa aman-tsara ao amin’ny Fanjakàny any an-danitra. Ho Azy anie ny voninahitra mandrakizay mandrakizay! Amen.

Apokalipsy 3:19

Izay rehetra tiako no anariko sy faiziko; mazotoa àry, ka ialao ny toe-dratsinao.

1Samoela 1:17

Dia hoy i Helỳ hoe: –Mandehana amim-piadanana, ary homen’ilay Andriamanitr’i Israely anao anie izay nangatahinao taminy!

1Samoela 1:20

Dia bevohòka i Hanà, ka tera-dahy, sady loa-bava hoe: –Ny anarany dia hataoko hoe Samoela, satria nangatahiko tamin’ny TOMPO izy.

1Samoela 1:26

Dia hoy i Hanà tamin’i Helỳ: –Azafady tompoko, tsaroanao ve ilay vehivavy nitsangana teto indray andro tsy lavitra anao akory, ary nivavaka tamin’ny TOMPO? Raha marina fa velona koa ny ainao, dia izaho izy.

1Samoela 1:27

Ny hananako ity zaza ity no nivavahako; ary dia nomen’ny TOMPO ahy izay nangatahiko taminy.