1Tantara 21:13 - DIEM PROTESTANTA

¹³ Ary hoy i Davida tamin’i Gada: –Sanganehana mafy aho; nefa aleoko ho azon’ny tanan’ny TOMPO toy izay ho azon’ny tanan’olombelona, satria lehibe tokoa ny famindrampon’ny Tompo!

Baiboly Protestanta Malagasy 2011

¹³ Ary hoy i Davida tamin’i Gada: Tery loatra aho! Nefa aleoko ho azon’ny tanan’NY TOMPO, fa lehibe ny famindrampony, toy izay ho azon’izay tanan’olona.

Dikateny Iombonana Eto Madagasikara

¹³ Ary hoy i Davida tamin’i Gada: –Sanganehana mafy aho; nefa aleoko ho azon’ny tanan’ny TOMPO toy izay ho azon’ny tanan’olombelona, satria lehibe tokoa ny famindrampon’ny Tompo!

Baiboly Katolika

¹³ Ary hoy i Davida tamin’i Gada: «Latsaka am-panahiana mafy aho. Indrisy! aoka re ho azon’ny tanan’i Iaveh aho, fa be famindram-po indrindra Izy, fa tsy ho azon’ny tanan’olombelona aho!»

Baiboly Protestanta Malagasy

¹³ Ary hoy Davida tamin’i Gada: Indrisy! poritra loatra aho! nefa aleoko ho azon’ny tànan’i Jehovah,–fa lehibe ny famindrampony–toy izay ho azon’izay tànan’olona.

Malagasy Bible

¹³ Ary hoy Davida tamin'i Gada: Indrisy! poritra loatra aho! nefa aleoko ho azon'ny tànan'i Jehovah, fa lehibe ny famindram-pony toy izay ho azon'izay tànan'olona.

La Bible en Malgache

¹³ Ary hoy i Davida tamin’i Gada: Tery loatra aho! Nefa aleoko ho azon’ny tanan’NY TOMPO, fa lehibe ny famindrampony, toy izay ho azon’izay tanan’olona.

1Tantara 21:13 Rohy Ifampitohizana

2Mpanjaka 6:15

Ny ampitso, raha nifoha maraina ny mpanompon’i Elisà ka nivoaka ny tanàna, dia nahita ireo miaramila mbamin’ny soavaly sy kalesy nanodidina ny tanàna, ary niteny tamin’i Elisà hoe: –Loza ity, tompoko! Ahoana no hataontsika?

2Mpanjaka 7:4

Raha tapa-kevitra hankao an-tanàna isika, dia ho faty satria misy mosary ao; kanefa raha hijanona eto isika, dia ho faty ihany koa! Koa andeha isika hankany amin’ny tobin’ny Sirianina hitolo-batana aminy. Raha avelany ho velona aina isika, dia ho velona; fa raha vonoiny ho faty isika, dia tsy maintsy ho faty!

2Tantara 28:9

Nisy mpaminanin’ny TOMPO tao Samaria, ary Hôbeda no anarany. Niainga hitsena ny miaramila israelita tavaratra izay niditra ny tanàna izy, ka nanao taminy hoe: –Indro fa tezitra mafy tamin’ny Jodeanina tokoa ny TOMPO Andriamanitry ny razanareo, ka nanolotra azy ho eo an-tananareo. Kanefa nisafoaka diso tafahoatra ianareo fony namono nahafaty azy, hany ka nanaka-danitra ny akon’izany.

Estera 4:11

«Ny olona rehetra, hatramin’ny mpanompon’ny amperôra sy sarambabem-bahoaka any amin’ny faritany aza, dia samy mahalala fa na iza na iza mankeo amin’ny amperôra ho eo an-kianja anatin’ny lapa, na lehilahy na vehivavy, nefa tsy nantsoina, dia lalàna tokana manameloka ho faty no mihatra aminy; izay hotondroin’ny amperôra amin’ny tehim-bolamena ihany no ho velona. Izaho kosa efa telopolo andro izay no tsy nantsoina hankao amin’ny mpanjaka.»

Estera 4:16

«Ndeha vorio àry ny Jiosy rehetra eto Sosany; dia manaova fifadian-kanina noho ny amiko ianareo, ka aza mihinana na misotro mandritra ny telo andro sy telo alina. Hifady hanina toy izany koa ny tenako sy ireo mpanompovaviko; avy eo dia hankao amin’ny amperôra aho, na dia tsy ara-dalàna aza izany. Koa raha tsy maintsy ho faty aho, dia ho faty!»

Salamo 103:8

Mpamindrafo sy mpiantra ny TOMPO, tsy mora tezitra ary be fitiavana.

Salamo 106:7

Fony tany Ejipta ny razanay, dia tsy nahatakatra ny asanao mahagaga; tsy nahatsiaro ny halehiben’ny fitiavanao izy, koa teo akaikin’ny Ranomasin’ny Volotara dia nikomy taminao Avo Indrindra.

Salamo 119:156

Lehibe ny indrafonao, TOMPO ô; velomy aho araka ny fitsipikao.

Salamo 130:4

Kanefa ao aminao ny famelana mba hanajan’ny olona Anao.

Salamo 130:7

no aoka hitokian’ny vahoaka Israely ny TOMPO, satria ny fitiavana no ao amin’ny TOMPO ary koa ny fanavotana tsy hita lany!

Salamo 5:7

Haringanao ny mpandainga; ary maharikoriko Anao, TOMPO ô, ny mpamitaka sy mpamono olona.

Salamo 69:13

sy fitafan’ny mpitorovoka eo am-bavahady ary koa fikalon’ny mpidoroka.

Salamo 69:16

aoka aho tsy ho safotry ny riaka na koa ho voatelin’ny hantsana na ho voahidin’ny fasana ao anatiny!

Salamo 86:15

Kanefa Ianao, Tompo ô, dia Andriamanitra mamindrafo sy miantra, mahari-po sady be fitiavana amam-pahamarinana.

Salamo 86:5

Tompo ô, Ianao no tsara fo sady mpamela heloka, be fitia amin’izay rehetra miantso Anao.

Ohabolana 12:10

Ny olo-marina mahalala mitsimbina ny bibiny; fa ny olon-dratsy kosa masiaka hatramin’ny atiny.

Isaia 46:7

Izy ireo ihany no mibata ny andriamaniny sy mitondra azy eny an-tsoroka sady mametraka azy eo amin’ny toerany, dia mijanona eo iny fa tsy mahahetsika. Raha iantsoana vonjy izy, dia tsy mamaly sady tsy mahavonjy amin’ny fahoriana.

Isaia 47:6

Tezitra mafy tamin’ny vahoakako Aho, ka navelako hovetavetaina ilay anjara fananako. Natolotro teo an-tananao izy, kanefa tsy mba namindranao fo fa nampitondrainao zioga mavesatra hatramin’ny be antitra aza.

Isaia 55:7

Aoka ny olon-dratsy handao ny fanaony, ary ny mpanao ratsy hahafoy ny heviny. Aoka hiverina amin’ny TOMPO ireny fa hamindra fo aminy Izy. Aoka hiverina amin’Andriamanitsika ireny fa hihoa-pampana ny famelan-keloka homeny azy.

Isaia 63:15

Mba mitsinjova avy eny an-danitra, Tompo ô; avy eo amin’ny fonenanao masina sy mamirapiratra mba jereo izay manjo anay. Nankaiza izao ny fitiavanao miredareda sy ny fahasahianao hiady ary ny fahaizanao mangoraka? Enga anie ny famindramponao, tsy ho sakantsakananao hihatra aminay!

Isaia 63:7

Hampahatsiaroviko ireo mari-pitiavan’ny TOMPO sy ireo antony tokony hiderantsika AZY, araka izay rehetra nataony tamintsika mbamin’ny soa be nafafiny ho an’ny taranak’Israely. Famindrampo sy fitiavana tsy hita lany no nanaovany an’izany ho azy.

Fitomaniana 3:32

Fa raha mampahory Izy, dia mamindrafo araka ny halehiben’ny fitiavany.

Jona 3:9

Iza no mahalala? Angamba hiova fanapahan-kevitra ihany Andriamanitra ka hiala amin’ny fahatezerany mirehitra mba tsy hahafaty antsika.»

Jona 4:2

Nivavaka tamin’ny TOMPO izy ka nanao hoe: –TOMPO ô, izao indrindra no efa nahîko raha mbola tany amin’ny fireneko aho, ka nahatonga ahy handositra hankany Tarsîsy. Fantatro manko fa Ianao dia Andriamanitra miantra sy mamindrafo, tsy mora tezitra sady be fitiavana ary vonon-kiova fanapahan-kevitra ny amin’ny loza.

Mika 7:18

Tsy misy andriamanitra mitovy aminao, ry TOMPO mpanaisotra ny heloka. sy mpamela ny fahadisoana. Noho ireo sisa velona aminay vahoaka fanananao, dia tsy mitahiry fahatezerana mandrakizay Ianao fa tia maneho fitiavana aminay.

Habakoka 3:2

TOMPO ô, efa reko izay nambaranao ka dia raiki-tahotra aho. TOMPO ô, enga anie ny asanao mba ho velombelona hatrany amin’izao andronay izao; eny, amin’izao andronay izao no ataovy fantatry ny olona izany. Fa na dia tezitra aza Ianao, asehoy anay ihany ny indrafonao.

Jaona 12:27

–Ankehitriny, mangorohoro ny fanahiko, ka inona re no holazaiko? Hoe: Ray ô, vonjeo Aho ho afaka amin’izao ora fijaliana izao? Kanefa ny handalo amin’izao ora fijaliana izao indrindra no nahatongavako.

Filipiana 1:23

Sanganehana eo anelanelan-javatra roa aho: tiako hilaozana ity fiainana ity mba hiarahako amin’i Kristy, satria tsara lavitra izany;

Hebreo 10:31

Zavatra mahatahotra izany ho azon’ny tanan’ilay Andriamanitra velona!