1Tantara 21:12 - DIEM PROTESTANTA

¹² telo taona hisian’ny mosary ve; sa telo volana haharesy anao eo anatrehan’ny mpiady aminao sy hahatraran’ny sabatry ny fahavalonao anao; sa telo andro hamelezan’ny TOMPO amin’ny sabatra, dia ny aretina pesta, ka ny anjelin’ny TOMPO no hanao fandringanana eran’ny tanin’i Israely? Koa hevero tsara izay valin-teny hoentiko any amin’Ilay naniraka ahy.

Baiboly Protestanta Malagasy 2011

¹² Mosary telo taona va, sa fandringanana eo alohan’ny fahavalonao telo volana, raha tratry ny sabatry ny fahavalonao ianao, sa ny sabatry NY TOMPO, dia areti-mandringana no hamely ny tany hateloana ka ilay Anjelin’NY TOMPO no handringana manerana ny tanin’ny Israely rehetra? Koa hevero tsara izay valiny hoentiko miverina any amin’izay naniraka ahy.

Dikateny Iombonana Eto Madagasikara

¹² telo taona hisian’ny mosary ve; sa telo volana haharesy anao eo anatrehan’ny mpiady aminao sy hahatraran’ny sabatry ny fahavalonao anao; sa telo andro hamelezan’ny TOMPO amin’ny sabatra, dia ny aretina pesta, ka ny anjelin’ny TOMPO no hanao fandringanana eran’ny tanin’i Israely? Koa hevero tsara izay valin-teny hoentiko any amin’Ilay naniraka ahy.

Baiboly Katolika

¹² Mifidiana ianao: telo taona mosarena, sa telo volana hanosen’ny fahavalonao anao sy hahavoazan’ny sabatry ny fahavalonao anao, sa telo andro hitoeran’ny sabatr’i Iaveh sy ny pesta amin’ny tany, ka hahavita fandringanana eran’ny tanin’i Israely ny Anjelin’i Iaveh? Hevero amin’izao izay valy homeko an’izay naniraka ahy.»

Baiboly Protestanta Malagasy

¹² Mosary telo taona va? Sa fandringanana eo alohan’ny fahavalonao telo volana, raha tratry ny sabatry ny fahavalonao hianao? Sa ny sabatr’i Jehovah, dia areti-mandringana, no hamely ny tany hateloana, ka Ilay Anjelin’i Jehovah handringana eran’ny tanin’ny Isiraely rehetra? Koa hevero tsara izay valiny ho entiko miverina any amin’Izay naniraka ahy.

Malagasy Bible

¹² Mosary telo taona va? Sa fandringanana eo alohan'ny fahavalonao telo volana, raha tratry ny sabatry ny fahavalonao ianao? Sa ny sabatr'i Jehovah, dia areti-mandringana, no hamely ny tany hateloana, ka Ilay Anjelin'i Jehovah handringana eran'ny tanin'ny Isiraely rehetra? Koa hevero tsara izay valiny ho entiko miverina any amin'Izay naniraka ahy.

La Bible en Malgache

¹² Mosary telo taona va, sa fandringanana eo alohan’ny fahavalonao telo volana, raha tratry ny sabatry ny fahavalonao ianao, sa ny sabatry NY TOMPO, dia areti-mandringana no hamely ny tany hateloana ka ilay Anjelin’NY TOMPO* no handringana manerana ny tanin’ny Israely rehetra? Koa hevero tsara izay valiny hoentiko miverina any amin’izay naniraka ahy.

1Tantara 21:12 Rohy Ifampitohizana

2Samoela 21:1

Nisy mosary naharitra telo taona misesy tamin’ny andron’i Davida. Nanontany ny TOMPO momba izany i Davida ka novaliany hoe: –Avy amin’i Saoly sy ny fianakaviany lian-dra izao, satria i Saoly no namono nahafaty ny Gibehônita.

1Mpanjaka 17:1

Ary niteny tamin’i Ahaba mpanjaka i Elià izay Tisbita anisan’ny mponina tao Gilehada hoe: –Velona ny TOMPO Andriamanitr’i Israely izay tompoiko, koa manizingizina aminao aho fa tsy hisy ando na orana hilatsaka eto amin’ireo taona ato ho ato ireo, raha tsy teny avy amiko ihany.

2Mpanjaka 19:35

Ny alin’io ihany dia niainga hankao an-tobin’ny Asirianina ilay anjelin’ny TOMPO ka nisy 185 ny antoko-miaramila naripany; ary raha vao nifoha ny sisa velona tamin’ny maraina, dia nahita fa efa maty avokoa ireo.

2Mpanjaka 8:1

Indray andro dia niteny tamin’ilay vehivavy nanan-janakalahy maty nefa novelominy indray i Elisà, ka nanao hoe: –Mialà eto ianao sy ny fianakavianao ka mifindrà monina any amin’izay azonareo onenana; fa ny TOMPO handefa mosary eto amin’ny tanin’i Israely, ary efa ho tonga izany ka haharitra fito taona.

1Tantara 21:11

Dia nankany amin’i Davida i Gada ka nanao taminy hoe: –Izao no lazain’ny TOMPO: «Mifidiana ianao:

Salamo 91:6

na ny areti-mandringana misoko amin’ny haizina, na ny voina mandripaka amin’ny mitataovovonana.

Eksodosy 12:23

Fa handalo mba hanafay ny Ejiptianina ny TOMPO; koa raha mahita ny ra eo amin’ny tataom-baravarana sy ny tolam-baravarana roa ny TOMPO dia handalo ny varavaranareo fotsiny fa tsy hamela ny areti-mandringana hiditra ao an-tranonareo.

Isaia 66:16

Fa amin’ny alalan’ny afo sy ny sabatra no hitsaran’ny TOMPO ny olombelona rehetra; ka maro no haringan’ny TOMPO,

Jeremia 12:12

Eny amin’ireo havoana ngazana rehetra any an-taniefitra any no mipoitra ireo mpandroba. Hatreo amin’ny sisintany an-kilany ka hatrany amin’ny sisintany an-daniny no andripahan’ilay sabatry ny TOMPO ka tsy misy olona tsitsîny.

Jeremia 42:16

dia any no hahatratra anareo ny ady izay atahoranareo ary any no hanaraka anareo ny mosary izay ahinareo mafy ka hahafaty anareo.

Jeremia 47:6

Hoy ianareo hoe: ‹Indrisy ry sabatry ny TOMPO, tsy mba hiato mihitsy ve ianao? Midira ao anaty tranonao, mialà voly ka mijanòna.›

Fitomaniana 4:9

Aleo lavitra aza matin-tsabatra toy izay matin’ny mosary sy mitofezaky ny harerahana satria tsy misy vokatry ny saha.

Levitikosy 26:10

Ho be ny vokatra miakatra ka haharitra hihinananareo ny vokatra tranainy ary hisy sisa hatao varo-boba fotsiny aza mba hasiana ny vao.

Levitikosy 26:17

Dia hohandriniko ianareo ka ho resy eo anoloan’ny fahavalonareo; ireo mpankahala anareo no hanapaka anareo; ary handositra ianareo, na dia tsy misy mpanenjika aza.

Lioka 4:25

Ary izao koa no ambarako tsotra aminareo: marobe ireo mpitondratena teo amin’i Israely tamin’ny andron’i Elià, raha nihantona telo taona sy tapany ny ranonorana ka nahatonga mosary lehibe manerana ny tany;

Asan’ny Apostoly 12:23

Niaraka tamin’izay dia nisy anjelin’ny Tompo namely an’i Herôda, noho izy nihambo hitovy saranga amin’Andriamanitra; ka dia nohanin-kankana no nahafaty azy.

Deoteronomia 28:15

Raha tsy ekenareo kosa ny TOMPO Andriamanitrareo ka tsy imasoanareo hotanterahina ny didy aman-dalànany rehetra izay ampitaiko aminareo anio, dia ho tonga sy hianjady aminareo ireto ozona rehetra ireto:

Deoteronomia 28:22

Areti-mahasaozanina sy tazo mahamay ary fanaintainana no hamelezan’ny TOMPO anareo; hasiany amin’ny andro mihantona sy vary main’ny rivotra na maty fotsy ianareo; dia hanjohy anareo ireny rehetra ireny ka ho lany ritra ianareo.

Deoteronomia 28:25

Hatolotry ny TOMPO horesen’ny fahavalo ianareo; ka raha lalana iray no handrosoanareo hiady aminy, dia lalana fito kosa no handosiranareo hiala eo anoloany. Ho zava-mahatsiravina ny nihatra taminareo ho an’ny fanjakana rehetra ambonin’ny tany.

Deoteronomia 28:27

Hamelezan’ny TOMPO anareo, tahaka ny hamelezany an’i Ejipta, ny vay isan-karazany sy ny hatina ary ny hazaka tsy andairam-panafody;

Deoteronomia 28:35

Hamelezan’ny TOMPO anareo ny vay ratsy, izay tsy andairam-panafody, dia vay ratsy hahavoa ny lohalikareo sy ny fenareo, ary hanenika ny tenanareo manontolo hatreo an-tampon-doha ka hatrany am-paladia.