Jeremia 7:23 - Baiboly Protestanta Malagasy

²³ Fa izao kosa no nandidiako azy: Henoy ny feoko, Dia ho Andriamanitrareo Aho, Ary hianareo ho oloko Ka handeha amin’ny làlana rehetra nandidiako anareo, Mba hahitanareo soa.

Baiboly Protestanta Malagasy 2011

²³ Fa izao kosa no nandidiako azy: Henoy ny feoko, dia ho Andriamanitrareo Aho, ary ho oloko ianareo ka handeha amin’ny lalana rehetra nandidiako anareo, mba hahitanareo soa.

DIEM PROTESTANTA

²³ Fa izao kosa no nandidiako azy: Henoy izay lazaiko, dia ho Andriamanitrareo Aho ary ianareo ho vahoakako. Araho ny lalàna izay nandidiako anareo, dia hahita soa ianareo.

Dikateny Iombonana Eto Madagasikara

²³ Fa izao kosa no nandidiako azy: Henoy izay lazaiko, dia ho Andriamanitrareo Aho ary ianareo ho vahoakako. Araho ny lalàna izay nandidiako anareo, dia hahita soa ianareo.

Baiboly Katolika

²³ Fa ny amin’ny didy nomeko azy ireo, dia izao no nolazaiko taminy: Mihainoa ny feoko; ary Izaho no Andriamanitrareo, ary ianareo no vahoakako; mizora amin’ny lalana rehetra handidiako anareo, mba ho sambatra ianareo.»

Malagasy Bible

²³ Fa izao kosa no nandidiako azy: Henoy ny feoko. Dia ho Andriamanitrareo Aho, ary ianareo ho oloko ka handeha amin'ny lalana rehetra nandidiako anareo, mba hahitanareo soa.

La Bible en Malgache

²³ Fa izao kosa no nandidiako azy: Henoy ny feoko, dia ho Andriamanitrareo Aho, ary ho oloko ianareo ka handeha amin’ny lalana rehetra nandidiako anareo, mba hahitanareo soa.

Jeremia 7:23 Rohy Ifampitohizana

Joba 36:11

Raha mihaino ka manaiky Azy izy, Dia lany amin’ny fiadanana ny androny, Ary ny taonany amin’ny fahafinaretana.

Salamo 119:3

Eny, izay tsy manao ratsy, Fa mandeha araka ny làlany.

Salamo 40:6

Ny fanatitra alatsa-dra sy ny fanatitra hohanina tsy mba sitrakao– Ny sofiko nataonao malady– Ny fanatitra dorana sy ny fanatitra noho ny ota tsy mba nilainao;

Salamo 81:13

Enga anie ka hihaino Ahy ny oloko, Dia handeha amin’ny làlako ny Isiraely;

Eksodosy 15:26

ka hoy Izy: Raha hazoto hihaino ny feon’i Jehovah Andriamanitrao hianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin’ny Egyptiana; fa Izaho no Jehovah Izay mahasitrana anao.

Eksodosy 16:32

Ary hoy Mosesy: Izao no teny izay nandidian’i Jehovah: Analao eran’ny vata omera izy hotehirizina hatramin’ny taranakareo fara mandimby mba ho hitany ny mofo izay nampihinaniko anareo tany an-efitra, raha nitondra anareo nivoaka avy tany amin’ny tany Egypta Aho.

Isaia 3:10

Lazaonareo ny amin’ny marina fa hahita soa izy, Fa ny vokatry ny asany no hohaniny.

Jeremia 11:4

Izay nandidiako ny razanareo Tamin’ny andro nitondrako azy nivoaka avy tany amin’ny tany Egypta, Dia avy tao amin’ny memy fandrendreham-by, Ka nanaovako hoe: Mihainoa ny feoko, Ary mankatoava ireny araka izay rehetra andidiako anareo, Dia ho oloko hianareo, Ary Izaho kosa ho Andriamanitrareo,

Jeremia 11:7

Fa nananatra mafy ny razanareo Aho Tamin’ny andro nitondrako azy nivoaka avy tany amin’ny tany Egypta Ka ambaraka andro-any; Eny, nifoha maraina koa Aho ka nananatra hoe: Mihainoa ny feoko.

Jeremia 13:11

Fa toy ny firaikitry ny fehin-kibo amin’ny valahan’ny olona No nampiraiketako ny taranak’Isiraely sy ny taranak’i Joda rehetra tamiko, hoy Jehovah, Mba ho olona sy anarana Sy fiderana ary voninahitra ho Ahy ireny Kanjo tsy nety nihaino izy.

Jeremia 22:21

Efa niteny taminao Aho, fony hianao mbola nipetraka tsy nanana ahiahy; Nefa hoy hianao: Izaho tsy hihaino. Fanaonao hatry ny fony hianao mbola tanora ny tsy mihaino ny teniko.

Jeremia 22:3

Izao no lazain’i Jehovah: Manaova fitsarana sy fahamarinana hianareo, ka afaho amin’ny tànan’ny mpampahory ny olona voaroba; ary aza mampahory na mampidi-doza amin’ny vahiny sy ny kamboty ary ny mpitondratena, ary aza mandatsaka ra marina amin’ity fitoerana ity.

Jeremia 24:7

Ary homeko fo hahalalany Ahy ho Jehovah izy; dia ho oloko izy, ary Izaho kosa ho Andriamaniny; fa hiverina amiko amin’ny fony rehetra izy.

Jeremia 31:33

Fa izao no fanekena hataoko amin’ny taranak’Isiraely. Rehefa afaka izany andro izany, hoy Jehovah: Dia hataoko ao an-tsainy ny lalàko Sady hosoratako ao am-pony; Ary Izaho ho Andriamaniny, ary izy ho oloko.

Jeremia 32:23

Ary tonga teto izy, dia nandova azy, nefa tsy nihaino ny feonao izy sady tsy nandeha araka ny lalànao; ary tsy nanao na inona na inona tamin’izay rehetra nasainao nataony izy, ka dia nataonao mihatra aminy izao loza rehetra izao.

Jeremia 38:20

Fa hoy Jeremia: Tsy hanolotra anao izy tsy akory. Trarantitra hianao, ankatoavy ny tenin’i Jehovah, izay lazaiko aminao, mba hahita soa hianao, ka ho velona ny ainao.

Jeremia 42:6

Na ho soa, na ho ratsy, dia hohenoinay ny feon’i Jehovah Andriamanitray, izay nanirahanay anao, mba hahasoa anay, raha mihaino ny feon’i Jehovah Andriamanitray izahay.

Zefania 3:2

Tsy nihaino ny feo izy, Na nino anatra; Jehovah tsy nitokiany, Andriamaniny tsy nohatoniny.

Zakaria 6:15

Ary izay lavitra dia ho avy ka hanao ao amin’ny tempolin’i Jehovah, ka dia ho fantatrareo fa Jehovah, Tompon’ny maro, no naniraka ahy ho aminareo. Dia ho tonga izany, raha hazoto hihaino ny feon’i Jehovah Andriamanitrareo hianareo.

Zakaria 7:7

Moa tsy tokony ho nihaino ny teny izay nasain’i Jehovah nantsoin’ny mpaminany fahiny va hianareo, fony mbola nonenana sy nandry fahizay Jerosalema sy ny zana-bohiny manodidina azy, sady nonenana koa ny tany atsimo sy ny tany lemaka amoron-tsiraka?

Romana 16:26

fa efa naseho ankehitriny tamin’izay soratry ny mpaminany, araka ny didin’Andriamanitra mandrakizay, ka nampahafantarina any amin’ny firenena rehetra hahatonga fanekena ny finoana,–

2Korintiana 10:5

fa mandrava ny fisainana sy ny zavatra avo rehetra izay atsangana hanohitra ny fahalalana an’Andriamanitra izahay ka mamabo ny hevitra rehetra hanaiky an’i Kristy,

Deoteronomia 11:27

fitahiana, raha hohenoinareo ny didin’i Jehovah Andriamanitrareo, izay andidiako anareo anio;

Deoteronomia 13:4

dia aza mihaino ny tenin’izany mpaminany na mpanonofy izany; fa mizaha toetra anareo Jehovah Andriamanitrareo, hahalalany na miorina amin’ny fitiavana an’i Jehovah Andriamanitrareo amin’ny fonareo rehetra sy ny fanahinareo rehetra hianareo.

Deoteronomia 13:5

Manaraha an’i Jehovah Andriamanitrareo, ka aoka Izy no hatahoranareo, ary ny didiny no hotandremanareo, ary ny feony no hohenoinareo, ary aoka Izy no hotompoinareo sy hifikiranareo.

Deoteronomia 30:2

ka miverina amin’i Jehovah Andriamanitrao sy mihaino ny feony amin’ny fonao rehetra sy ny fanahinao rehetra, araka izay rehetra andidiako anao sy ny zanakao anio,

Deoteronomia 30:20

dia ny ho tia an’i Jehovah Andriamanitrao hianao ka hihaino ny feony sy hifikitra aminy; fa izany no fiainanao sy fahamaroan’ny andronao, mba honenanao eo amin’ny tany izay nianianan’i Jehovah tamin’i Abrahama sy Isaka ary Jakoba razanao, homena azy.

Deoteronomia 30:8

Dia hihaino ny feon’i Jehovah indray hianao ka hanaraka ny didiny rehetra, izay andidiako anao anio.

Deoteronomia 4:10

dia izay hitanao tamin’ny andro izay nitsangananao teo anatrehan’i Jehovah Andriamanitrao tany Horeba, fony Jehovah nilaza tamiko hoe: Angony etỳ amiko ny olona, dia hampandrenesiko azy ny teniko, izay hianarany mba hatahotra Ahy amin’ny andro rehetra hiainany ambonin’ny tany sady hampianariny ny zanany koa.

Deoteronomia 4:40

Dia tandremo ny lalàny sy ny didiny izay andidiako anao anio, mba hahita soa hianao sy ny taranakao mandimby anao, ary mba ho maro andro hianao any amin’ny tany, izay omen’i Jehovah Andriamanitrao ho anao mandrakizay.

Deoteronomia 5:16

Manajà ny rainao sy ny reninao, araka izay nandidian’i Jehovah Andriamanitrao anao, mba ho maro andro hianao, ary mba hahita soa any amin’ny tany izay omen’i Jehovah Andriamanitrao ho anao.

Deoteronomia 5:29

Koa tandremo mba hanao araka izay efa nandidian’i Jehovah Andriamanitrareo anareo; aza mivily, na ho amin’ny ankavanana, na ho amin’ny ankavia;

Deoteronomia 6:3

Koa mihainoa, ry Isiraely, ka mitandrema hanaraka izany, mba hahita soa hianao, ary mba hitomboanareo indrindra, araka izay nolazain’i Jehovah, Andriamanitry ny razanao, taminao – dia any amin’ny tany tondra-dronono sy tantely.

Hebreo 5:9

ary rehefa natao tanteraka Izy, dia tonga loharanon’ny famonjena mandrakizay ho an’izay rehetra manaraka Azy,

1Samoela 15:22

Fa hoy Samoela: Sitrak’i Jehovah moa ny fanatitra dorana sy ny fanatitra hafa alatsa-dra mihoatra noho ny mihaino ny feon’i Jehovah? He! ny manaraka no tsara noho ny fanatitra, ary ny mihaino no tsara noho ny saboran’ondrilahy.