Jeremia 7:24 - Baiboly Protestanta Malagasy

²⁴ Kanjo tsy nihaino izy na nanongilana ny sofiny, Fa nandeha tamin’ny fisainany sy ny ditry ny fo ratsiny ihany izy Dia niamboho, fa tsy mba nanatrika.

Baiboly Protestanta Malagasy 2011

²⁴ Kanjo tsy nihaino izy na nanongilana ny sofiny fa nandeha tamin’ny fisainany sy ny ditran’ny fo ratsiny ihany izy dia niamboho, fa tsy mba nanatrika Ahy.

DIEM PROTESTANTA

²⁴ Kanjo tsy nihaino sady tsy niraharaha Ahy izy fa nanaraka ny heviny araka ny ditran’ny fony. Tsy nitodika tamiko izy fa niamboho Ahy.

Dikateny Iombonana Eto Madagasikara

²⁴ Kanjo tsy nihaino sady tsy niraharaha Ahy izy fa nanaraka ny heviny araka ny ditran’ny fony. Tsy nitodika tamiko izy fa niamboho Ahy.

Baiboly Katolika

²⁴ Kanefa izy ireo tsy nihaino na nanongilan-tsofina, fa nandeha araka ny saim-pantany, nanaraka ny hamafin’ny fo ratsiny; nihemotra izy fa tsy nandroso.

Malagasy Bible

²⁴ Kanjo tsy nihaino izy na nanongilana ny sofiny, fa nandeha tamin'ny fisainany sy ny ditry ny fo ratsiny ihany izy dia niamboho, fa tsy mba nanatrika.

La Bible en Malgache

²⁴ Kanjo tsy nihaino izy na nanongilana ny sofiny fa nandeha tamin’ny fisainany sy ny ditran’ny fo ratsiny ihany izy dia niamboho, fa tsy mba nanatrika Ahy.

Jeremia 7:24 Rohy Ifampitohizana

Nehemia 9:29

Ary nananatra azy mafy Hianao hampiverenanao azy ho amin’ny lalànao; kanefa mbola niavonavona ihany izy ka tsy nihaino ny didinao, fa nanota ny fitsipikao (izay mahavelona ny olona mankatò azy) ka nampihemotra ny sorony sy nanamafy ny hatony ary tsy nety nihaino.

Salamo 81:13

Enga anie ka hihaino Ahy ny oloko, Dia handeha amin’ny làlako ny Isiraely;

Jeremia 13:10

Ity firenena ratsy ity, izay tsy mety mihaino ny teniko, Fa mandeha amin’ny ditry ny fony Ka manaraka andriamani-kafa Mba hotompoiny sy hiankohofany, Dia ho tahaka ity fehin-kibo ity, izay tsy azo atao na inona na inona intsony.

Jeremia 13:11

Fa toy ny firaikitry ny fehin-kibo amin’ny valahan’ny olona No nampiraiketako ny taranak’Isiraely sy ny taranak’i Joda rehetra tamiko, hoy Jehovah, Mba ho olona sy anarana Sy fiderana ary voninahitra ho Ahy ireny Kanjo tsy nety nihaino izy.

Jeremia 15:6

Hianao efa nahafoy Ahy sady efa nihemotra, hoy Jehovah, Ka dia ahinjitro kosa ny tànako hamely anao, Ka efa mandringana anao Aho, fa efa sasatra ny mandefitra.

Jeremia 16:12

Ary ny tenanareo koa nanao ratsy mihoatra noho ny razanareo; Fa he! hianareo samy mandeha araka ny ditry ny fo ratsinareo avokoa Ka tsy mihaino Ahy;

Jeremia 17:23

Nefa tsy nihevitra izy, na nanongilana ny sofiny, fa nanamafy ny hatony mba tsy hihaino na hino anatra.

Jeremia 17:9

Ny fo dia mamitaka mihoatra noho ny zavatra rehetra sady manana aretina tsy azo sitranina; Iza moa no mahafantatra ny aminy?

Jeremia 18:10

Nefa raha manao izay ratsy eo imasoko izy ka tsy mihaino ny feoko, Dia hanenenako kosa ny soa izay nolazaiko hanasoavako azy.

Jeremia 18:12

Nefa hoy ireo: Kivy izahay izany! Fa mbola hanaraka ny hevitray ihany izahay; Eny, samy hanao araka ny ditry ny fo ratsinay avy izahay rehetra.

Jeremia 2:27

Dia izay manao amin’ny tapakazo hoe: Raiko hianao, Ary amin’ny vato hoe: Hianao no niteraka ahy; Fa efa niamboho Ahy izy ka tsy nanatrika Ahy; Nefa amin’ny andro fahoriany kosa dia vao hanao hoe izy: Mitsangàna, ka vonjeo izahay.

Jeremia 22:21

Efa niteny taminao Aho, fony hianao mbola nipetraka tsy nanana ahiahy; Nefa hoy hianao: Izaho tsy hihaino. Fanaonao hatry ny fony hianao mbola tanora ny tsy mihaino ny teniko.

Jeremia 23:17

Milaza mandrakariva amin’izay manamavo Ahy izy hoe: Jehovah nanao hoe: Hahita fiadanana hianareo,– Ary amin’izay rehetra mandeha araka ny ditry ny fony hoe: Tsy hisy loza hanjo anareo.

Jeremia 3:13

Kanefa kosa ekeo ny helokao, Fa tamin’i Jehovah Andriamanitrao no niodinanao, Ary nivezivezy nankany amin’ny hafa hianao Teny ambanin’ny hazo maitso rehetra, Fa tsy mba nihaino ny feoko hianareo, hoy Jehovah.

Jeremia 3:17

Amin’izany andro izany no hanononana an’i Jerosalema hoe Seza fiandrianan’i Jehovah; Ary hivory any ny jentilisa rehetra Noho ny anaran’i Jehovah any Jerosalema, Ary izy tsy handeha intsony araka ny ditry ny fo ratsiny.

Jeremia 32:23

Ary tonga teto izy, dia nandova azy, nefa tsy nihaino ny feonao izy sady tsy nandeha araka ny lalànao; ary tsy nanao na inona na inona tamin’izay rehetra nasainao nataony izy, ka dia nataonao mihatra aminy izao loza rehetra izao.

Jeremia 32:33

Fa efa niamboho Ahy izy, fa tsy nanatrika Ahy; ary na dia nampianariko aza izy–eny, nifoha maraina koa Aho ka nampianatra azy,–dia tsy nihaino mba hahazoany anatra izy.

Jeremia 35:15

Nirahiko taminareo koa ny mpaminany mpanompoko rehetra,–eny, nifoha maraina koa Aho ka naniraka azy hanao hoe: Samia miala amin’ny làlanareo ratsy hianareo ankehitriny, ary ataovy tsara ny ataonareo, ary aza manaraka andriamani-kafa hanompo azy, dia honina amin’ny tany izay nomeko anareo sy ny razanareo hianareo nefa tsy nanongilana ny sofinareo na nihaino Ahy hianareo.

Jeremia 6:16

Izao no lazain’i Jehovah: Mijanòna eo an-dàlana hianareo, ka izahao, Ary anontanio izay làlana masaka hatry ny ela. Dia izay làlana mankany amin’ny tsara, Ka iny no izory, Dia hahita fitsaharana ho an’ny fanahinareo hianareo; Nefa hoy izy: Tsy hizotra izahay.

Jeremia 7:26

Nefa tsy nihaino Ahy izy ireo Sady tsy nanongilana ny sofiny, Fa nanamafy ny hatony Ka nanao ratsy mihoatra noho ny razany aza.

Jeremia 8:5

Nahoana ity firenena eto Jerosalema ity no miodina Amin’ny fiodinana tsy mety mitsahatra? Mikikitra mafy amin’ny fitaka izy Ka tsy mety miverina.

Jeremia 9:14

Dia izao no lazain’i Jehovah, Tompon’ny maro, Andriamanitry ny Isiraely: Indro, hofahanako zava-mahafaty ity firenena ity Sy hampisotroiko rano mangidy;

Ezekiela 20:13

Kanjo niodina tamiko tany an-efitra ihany ny taranak’Isiraely, ka tsy nandeha araka ny didiko izy, fa nanamavo ny fitsipiko, izay mahavelona ny olona manaraka izany, ary nandoto dia nandoto ny Sabatako izy, dia hoy Izaho: Haidiko aminy any an-efitra ny fahatezerako hahalany ringana azy.

Ezekiela 20:16

satria efa nanamavo ny fitsipiko izy ary tsy nandeha araka ny didiko, fa nandoto ny Sabatakao; fa ny fony dia nanaraka ny sampiny.

Ezekiela 20:21

Kanjo niodina tamiko koa ny zanany: tsy nandeha araka ny didiko izy, na nitandrina hanaraka ny fitsipiko, izay mahavelona ny olona manaraka izany, fa nandoto ny Sabatako izy; ka dia hoy Izaho: Haidiko aminy ny fahavinirako, ary hotanterahiko aminy any an-efitra ny fahatezerako.

Ezekiela 20:8

Nefa niodina tamiko izy ka tsy nety nihaino Ahy; samy tsy nanary ny fahavetavetan’ny masony na nahafoy ny sampin’i Egypta, ka dia hoy Izaho: Haidiko aminy ny fahavinirako, ary hotanterahiko aminy eo amin’ny tany Egypta ny fahatezerako.

Daniela 9:6

ary tsy nohenoinay ny mpaminany mpanomponao, izay niteny tamin’ny anaranao tamin’ny mpanjakanay sy ny mpanapaka anay sy ny razanay ary ny vahoaka rehetra.

Hosea 10:6

Iny koa ho entina any Asyria Ho fanomezana ho an’i Jareba mpanjaka; Ho afa-baraka Efraima, Eny, hangaihay Isiraely noho ny saina nataony.

Hosea 4:16

Fa ny Isiraely dia maditra toy ny vantotr’ombivavy maditra; Ankehitriny dia handrasan’i Jehovah toy ny zanak’ondry eny amin’ny malalaka izy.

Mika 6:16

Fa fatra-pitandrina ny lalàn’i Omry Sy ny asan’ny taranak’i Ahaba rehetra hianareo Sady manaraka ny fisainany,– Mba hanolorako anao ho figagana, Ary ny mponina any ho zavatra mampisitrisitra, Ka dia hitondra ny latsan’ny oloko hianareo.

Zakaria 7:11

Nefa tsy nety nihaino ireny, fa nampihemotra ny sorony, ary nataony lalodalovana ny sofiny mba tsy handre.

Deoteronomia 29:19

Ary Jehovah dia tsy hety hamela ny helony, fa hanetroka amin’izany lehilahy izany ny fahatezeran’i Jehovah sy ny fahasaro-piarony, ary hitoetra aminy ny fanozonana rehetra izay voasoratra amin’ity boky ity, ka hovonoin’i Jehovah tsy ho eo ambanin’ny lanitra ny anarany.