Isaia 3:5 - Baiboly Protestanta Malagasy

⁵ Ary hifanipaka izy samy iray firenena, Dia samy ny namany avy sy ny akaiky azy avy; Ny tovolahy hirehareha amin’ny anti-panahy, Ary ny tsy manan-daza amin’ny manan-daza.

Baiboly Protestanta Malagasy 2011

⁵ Hifampijaly ny vahoaka, dia izy samy izy sy ny namany avy; ny tanora dia hihetraketraka amin’ny zokiolona, ary ny tsinontsinona amin’ny manankaja.

DIEM PROTESTANTA

⁵ Dia hifanjevo izy samy mpiray firenena; hifampisompatra ny olona ka hifamely, ny tanora hirehareha amin’ny antitra, ary ny olon-tsotra hanohitra ny olo-manan-kaja.

Dikateny Iombonana Eto Madagasikara

⁵ Dia hifanjevo izy samy mpiray firenena; hifampisompatra ny olona ka hifamely, ny tanora hirehareha amin’ny antitra, ary ny olon-tsotra hanohitra ny olo-manan-kaja.

Baiboly Katolika

⁵ Ka hiantoraka hifamely ny lehilahy amin’ny lehilahy ary ny olona samy amin’ny mifanakaiky aminy; hiantoraka hifamely izy ireo, ny tovolahy amin’ny anti-panahy; ary ny olom-poana amin’ny olo-manan-daza indrindra.

Malagasy Bible

⁵ Ary hifanipaka izy samy iray firenena, Dia samy ny namany avy sy ny akaiky azy avy; Ny tovolahy hirehareha amin'ny anti-panahy, Ary ny tsy manan-daza amin'ny manan-daza.

La Bible en Malgache

⁵ Hifampijaly ny vahoaka, dia izy samy izy sy ny namany avy; ny tanora dia hihetraketraka amin’ny zokiolona, ary ny tsinontsinona amin’ny manankaja.

Isaia 3:5 Rohy Ifampitohizana

2Mpanjaka 2:23

Ary dia niakatra avy tao izy ka nankany Betela; ary nony niakatra teny an-dàlana izy, dia, indreo, nisy ankizilahy madinika nivoaka avy tao an-tanàna ka nanakora azy hoe: Miakara, ry ilay sola; miakara, ry ilay sola!

Isaia 1:4

Indrisy! firenena mpanota, olona mavesa-keloka, Taranaka mpanao ratsy, zanaka mpanao meloka! Efa nahafoy an’i Jehovah izy, Efa nanamavo ny Iray Masin’ny Isiraely, Efa nihodina izy.

Isaia 11:13

Ary hitsahatra ny fialonan’i Efraima, Ary hofongorana ny fandrafiana an’ i Joda: Efraima tsy hialona an’i Joda, Ary Joda tsy handrafy an’i Efraima.

Isaia 19:2

Ary hamporisihiko hiady izy samy Egyptiana, Ka samy hiady amin’ny rahalahiny avy sy amin’ny namany avy izy; Ny tanàna hiady amin’ny tanàna, ary ny fanjakana amin’ny fanjakana.

Isaia 9:18

Noho ny fahatezeran’i Jehovah, Tompon’ny maro, dia efa maintin’ny afo ny tany, Ary ny olona dia tahaka ny kitay atohoka amin’ny afo; Tsy misy olona miantra ny rahalahiny

Jeremia 22:17

Nefa tsy misy alehan’ny masonao sy ny eritreritrao afa-tsy ny filan-karena ihany Sy ny fandatsahana ra marina Ary ny fampahoriana sy ny fanaovana an-keriny.

Ezekiela 22:12

Ao aminao misy mandray kolikoly handatsa-dra; maka zana-bola sy tombony hianao sady manao an-keriny mandroba ny an’ny namanao ka manadino Ahy, hoy Jehovah Tompo.

Levitikosy 19:32

Mitsangàna raha eo anatrehan’ny fotsy volo hianao, ka manajà ny tavan’ny anti-panahy, ary matahora an’Andriamanitrao: Izaho no Jehovah.

Amosa 4:1

MIHAINOA izao teny izao, hianareo vantotr’ombivavin’i Basana, Izay eny an-tendrombohitr’i Samaria, Dia hianareo izay mampahory ny mahantra Sy manorotoro ny malahelo Ary manao amin’ny vadinareo hoe: Mitondrà hosotrointsika.

Mika 3:11

Ny mpifehiny mitsara hahazoany kolikoly, Ary ny mpisorony mampianatra hahazoany karama, Ary ny mpaminany manao fankatovana hahazoany vola; Nefa Jehovah mbola iankinany ihany hoe: Tsy ato amintsika va Jehovah? Tsy hisy loza hanjo antsika.

Mika 7:2

Lany tsy misy amin’ny tany intsony ny tsara fanahy; Eny, tsy misy olo-marina ao amin’ny olombelona; Samy manotrika handatsa-dra avokoa izy, Eny, mihaza ny rahalahiny amin’ny harato izy rehetra.

Zakaria 11:6

Fa tsy hiantra ny mponina amin’ny tany intsony Aho, hoy Jehovah; fa, indro, Izaho dia hanolotra ny olona samy ho eo an-tànan’ny namany sy samy ho eo an-tànan’ny mpanjakany avy; ary hamely ny tany ireo, nefa tsy mba hanafaka amin’ny tànany Aho.

Malakia 3:5

Ary hanatona anareo ho fitsarana Aho ka ho vavolombelona faingana hanameloka ny mpanana ody sy ny mpijangajanga sy ny mpianian-tsy to sy ny mpampahory ny mpikarama amin’ny karamany mbamin’ny mpitondratena sy ny kamboty ary izay mampahory ny vahiny; fa tsy matahotra Ahy izy, hoy Jehovah, Tompon’ny maro.

Matio 26:67

Dia nororany ny tavany, ka nasiany totohondry Izy; ary ny sasany namely tahamaina Azy

Marka 14:65

Ary ny sasany nandrora Azy, dia nanarona ny tavany sady namely tahamaina Azy ka nanao hoe: Maminania; ary ny mpiandry raharaha namely tahamaina Azy koa.

Lioka 22:64

Ary rehefa nanampi-maso Azy izy, dia nanontany Azy hoe: Maminania; iza moa no namely Anao?

Jakoba 2:6

Fa hianareo efa nanala-baraka ny malahelo. Moa tsy ny mpanan-karena va no mampahory anareo? Ary tsy izy va no mitarika anareo ho eo amin’ny fitsarana?

Jakoba 5:4

Indro, ny karaman’ny mpiasa nijinja ny taninareo, izay hazoninareo, dia mitaraina; ary ny fitarainan’ny mpijinja dia efa tafiditra amin’ny sofin’ny Tompon’ny maro.