Isaia 3:5 - Baiboly Protestanta Malagasy 2011

⁵ Hifampijaly ny vahoaka, dia izy samy izy sy ny namany avy; ny tanora dia hihetraketraka amin’ny zokiolona, ary ny tsinontsinona amin’ny manankaja.

DIEM PROTESTANTA

⁵ Dia hifanjevo izy samy mpiray firenena; hifampisompatra ny olona ka hifamely, ny tanora hirehareha amin’ny antitra, ary ny olon-tsotra hanohitra ny olo-manan-kaja.

Dikateny Iombonana Eto Madagasikara

⁵ Dia hifanjevo izy samy mpiray firenena; hifampisompatra ny olona ka hifamely, ny tanora hirehareha amin’ny antitra, ary ny olon-tsotra hanohitra ny olo-manan-kaja.

Baiboly Katolika

⁵ Ka hiantoraka hifamely ny lehilahy amin’ny lehilahy ary ny olona samy amin’ny mifanakaiky aminy; hiantoraka hifamely izy ireo, ny tovolahy amin’ny anti-panahy; ary ny olom-poana amin’ny olo-manan-daza indrindra.

Baiboly Protestanta Malagasy

⁵ Ary hifanipaka izy samy iray firenena, Dia samy ny namany avy sy ny akaiky azy avy; Ny tovolahy hirehareha amin’ny anti-panahy, Ary ny tsy manan-daza amin’ny manan-daza.

Malagasy Bible

⁵ Ary hifanipaka izy samy iray firenena, Dia samy ny namany avy sy ny akaiky azy avy; Ny tovolahy hirehareha amin'ny anti-panahy, Ary ny tsy manan-daza amin'ny manan-daza.

La Bible en Malgache

⁵ Hifampijaly ny vahoaka, dia izy samy izy sy ny namany avy; ny tanora dia hihetraketraka amin’ny zokiolona, ary ny tsinontsinona amin’ny manankaja.

Isaia 3:5 Rohy Ifampitohizana

2Mpanjaka 2:23

Ary niakatra avy tao i Elisa ka nankany Betela; nony niakatra teny an-dalana izy dia indreo, nisy ankizilahy avy tao an-tanàna nanakora azy hoe: Miakara, ry ilay sola! Miakara, ry ilay sola!

Isaia 1:4

Indrisy! Firenena mpanota, olona mavesa-keloka, taranaka mpanao ratsy, zanaka mpanao meloka! Nahafoy NY TOMPO izy, nanamavo ny Iray Masin’ny Israely, efa nikomy izy.

Isaia 11:13

Hitsahatra ny fialonan’i Efraima ary hofongorana ny mpandrafy an’i Joda; tsy hialona an’i Joda intsony i Efraima ary tsy handrafy an’i Efraima intsony i Joda.

Isaia 19:2

Hampirisihiko hiady izy samy Ejiptiana: Samy hiady amin’ny rahalahiny sy amin’ny namany avy izy; ny tanàna dia hiady amin’ny tanàna ary ny fanjakana dia hiady amin’ny fanjakana.

Isaia 9:18

Noho ny fahatezeran’Andriamanitra, Tompon’izao rehetra izao, dia kilan’ny afo ny tany, ary tahaka ny kitay atohoka amin’ny afo ny olona. Tsy misy olona miantra ny rahalahiny.

Jeremia 22:17

Nefa tsy misy alehan’ny masonao sy ny eritreritrao afa-tsy ny filan-karena ihany sy ny fandatsahana ny ran’ny tsy manan-tsiny ary ny fampahoriana sy ny fanaovana an-keriny.

Ezekiela 22:12

Ao aminao no misy mandray kolikoly handatsa-dra. Maka zana-bola sy tombony ianao sady manao an-keriny mandroba ny an’ny namanao ka manadino Ahy, hoy NY TOMPO Andriamanitra.

Levitikosy 19:32

Mitsangàna ianao raha eo anatrehan’ny fotsy volo; manajà ny zokiolona. Matahora an’Andriamanitrao: Izaho no TOMPO.

Amosa 4:1

Mihainoa izao teny izao, ianareo ombivavin’i Basana, izay eny amin’ny tendrombohitr’i Samaria, dia ianareo izay mampahory ny mahantra sy manorotoro ny sahirana ary miteny amin’ny vadinareo hoe: Mitondrà hosotrointsika!

Mika 3:11

Mitsara hahazoany kolikoly ny mpifehiny, mampianatra hahazoany karama ny mpisorony ary manao fanandroana hahazoany vola ny mpaminany; nefa NY TOMPO mbola iankinany ihany ka hoy izy ireo hoe: Tsy ato amintsika va NY TOMPO? Tsy hisy loza hanjo antsika.

Mika 7:2

Lany tsy misy amin’ny tany intsony ny tsara fanahy; eny, tsy misy marina ao amin’ny olombelona; samy manao vela-pandrika mba handatsa-dra avokoa izy rehetra ary mihaza ny rahalahiny amin’ny harato.

Zakaria 11:6

Fa tsy hiantra ny mponina amin’ny tany intsony Aho, hoy NY TOMPO. Fa indro, Izaho hanolotra ny olona samy ho eo an-tanan’ny namany avy ary samy ho eo an-tanan’ny mpanjakany avy; hanapotika ny tany ireo, nefa tsy mba hanafaka azy amin’ny tanany Aho.

Malakia 3:5

Ary hanatona anareo ho fitsarana Aho ka ho vavolombelona hanameloka haingana ny mpitana ody, ny mpijangajanga, ny mpanao fianianana mandainga ary ny mpampahory ny mpikarama mbamin’ny mpitondratena sy ny kamboty, izay mampahory ny vahiny fa tsy matahotra Ahy, hoy Andriamanitra, Tompon’izao rehetra izao.

Matio 26:67

Dia nandrora ny tavany sy nanisy totohondry Azy izy ireo, ary ny sasany dia namely tehamaina

Marka 14:65

Ary nanomboka nandrora Azy ny sasany dia nanarona ny tavany sady namely tehamaina Azy ka niteny hoe: Maminania! Ary namely Azy tamin’ny tehamaina koa ireo mpiandry raharaha.

Lioka 22:64

Rehefa notampenan’izy ireo ny masony dia nanontaniany hoe: Maminania; iza moa no nikapoka Anao?

Jakoba 2:6

Kanefa ianareo dia nanala baraka ny mahantra! Moa tsy ny mpanankarena va no mampahory anareo? Ary tsy izy ireny va no mitarika anareo ho eo amin’ny fitsarana?

Jakoba 5:4

Indro, mitaraina ny karamany izay hazoninareo ny mpiasa nijinja ny taninareo; ny tolokon’ny mpijinja dia tonga any am-poto-tsofin’Andriamanitra, Tompon’izao rehetra izao.