Jeremia 36:5 - Baiboly Katolika

⁵ Raha efa izany, nanome didy an’i Baròka i Jeremia, nanao hoe: «Izaho ity, voasakana, ka tsy afa-mankany an-tranon’i Iaveh.

Baiboly Protestanta Malagasy 2011

⁵ Dia nandidy an’i Baroka i Jeremia hoe: Izaho ity voatazona ka tsy afaka mankany amin’ny tranon’NY TOMPO;

DIEM PROTESTANTA

⁵ Avy eo dia nandidy an’i Baròka i Jeremià hoe: «Sakanana tsy hiditra ao an-tranon’ny TOMPO aho, ka tsy afaka mankany ny tenako.

Dikateny Iombonana Eto Madagasikara

⁵ Avy eo dia nandidy an’i Baròka i Jeremià hoe: «Sakanana tsy hiditra ao an-tranon’ny TOMPO aho, ka tsy afaka mankany ny tenako.

Baiboly Protestanta Malagasy

⁵ Ary Jeremia nandidy an’i Baroka hoe: Izaho izao dia voahazona ka tsy afaka mankany an-tranon’i Jehovah;

Malagasy Bible

⁵ Ary Jeremia nandidy an'i Baroka hoe: Izaho izao dia voahazona ka tsy afaka mankany an-tranon'i Jehovah;

La Bible en Malgache

⁵ Dia nandidy an’i Baroka i Jeremia hoe: Izaho ity voatazona ka tsy afaka mankany amin’ny tranon’NY TOMPO;

Jeremia 36:5 Rohy Ifampitohizana

Nehemia 6:10

Ary nankao amin’i Semaiasa zanak’i Dalaiasa, zanak’i Metabeela aho. Nihidy aman-trano izy, ary izao no nolazainy tamiko: «Andeha isika hiara-mankao an-tranon’Andriamanitra eo anatin’ny tempoly, fa tamy hamono anao ny olona; ary amin’ny alina no hahatongavan’ny olona hamono anao.»

Salamo 88:8

Manindry ahy ny hatezeranao, azeranao amiko ny alon-dranonao rehetra. - Selà

Jeremia 20:2

Ary nikapoka an’i Jeremia mpaminany i Fasora, nampamatotra azy amin’ny boloky hazo, tao amin’ny vavahady Avon’i Benjamina izay ao amin’ny tranon’i Iaveh.

Jeremia 32:12

Dia natolotro an’i Baròka, zanak’i Nerià, zanak’i Maasiasa, ny fanekem-pividianana, teo anatrehan’i Hananeela, zana-drahalahin-draiko, sy teo anatrehan’ny vavolombelona nanao sonia ny fanekem-pihavanana sy teo anatrehan’ny Jody rehetra, nipetraka teo an-kianjan’ny fiambenana.

Jeremia 32:2

Tamin’izany, ny tafiky ny mpanjakan’i Babilôna, nanao fahirano an’i Jerosalema; ary i Jeremia mpaminany, nafahy tao amin’ny kianjan’ny fiambenana, tao amin’ny tranon’ny mpanjakan’i Jodà.

Jeremia 33:1

Tonga fanindroany tamin’i Jeremia indray ny tenin’i Iaveh, raha mbola voafahy teo amin’ny kianjan’ny fiambenana izy, nanao hoe:

Jeremia 37:15

Ary nisafoaka tamin’i Jeremia ny lehibe; nikapoka azy izy ireo ary nandatsaka azy an-tranomaizina, tao amin’ny tranon’i Jonatàna mpanoratra, fa nataony tranomaizina izany.

Jeremia 38:28

Dia nipetraka tao an-kianja fiambenana i Jeremia mandra-pahafaka an’i Jerosalema; ka dia tao ihany izy, nony azo Jerosalema.

Jeremia 38:6

Dia noraisin’izy ireo i Jeremia, ka nampidininy tao an-davak’i Melkiasa zanak’andriana, ao an-kianjan’ny fiambenana; mahazaka no nampidinana an’i Jeremia tao an-davaka izay tsy nisy rano, fa fotaka ihany, ka nilentika tanaty fotaka i Jeremia.

Jeremia 40:4

Ary ianao izao, dia indro fa novahako ny fatorana tamin’ny tananao, ka sitrakao moa ny hiaraka amiko ho any Babilôna, dia andeha fa hitandrina anao aho; tsy sitrakao kosa ny hiaraka amiko any Babilôna, dia aoka tsy hoheverina izany. Jereo, eo anoloanao ny tany rehetra, ka mandehana amin’izay heverinao ho tsara sy mety.»

2Korintiana 11:23

mpandraharahan’i Kristy va izy? hiteny toy ny olona very saina aho, eny mihoatra noho izy aho amin’izany, dia amin’ny fisasarana manan-tombo, amin’ny tranomaizina manan-tombo, amin’ny kapoka manan-tombo lavitra, amin’ny fahafatesana matetika.

Efesiana 3:1

Ary noho izany, izaho Paoly mpifatotr’i Kristy Jesoa noho ny aminareo Jentily

Efesiana 6:20

(izay anaovako ny raharahan’ny ambasadaoro eto am-pigadrana), dia hitory azy tsy aman-tahotra araka izay mety hataoko aho.

2Timoty 2:9

izay iaretako fijaliana hatramin’ny fatorana toy ny olon-dratsy aza; ny tenin’Andriamanitra anefa tsy mba voafatotra.

Hebreo 11:36

ny sasany niaritra fanesoana sy kapoka ary gadra mbamin’ny tranomaizina;