Jeremia 36:14 - Baiboly Katolika

¹⁴ Tamin’izay ireo lehibe rehetra, naniraka an’i Jodì zanak’i Nataniasa zanak’i Selemiasa zanak’i Kosi, ho any amin’i Baròka, hilaza aminy hoe: «Raiso ny horonan-taratasy izay namakianao teny teo an-tsofin’ny vahoaka, ary mankanesa atỳ ianao.» Dia noraisin’i Baròka zanak’i Nerià ilay horonan-taratasy ka nankany amin’izy ireo izy.

Baiboly Protestanta Malagasy 2011

¹⁴ Dia nirahin’ny mpanapaka rehetra i Jehody, zanak’i Netania, zanak’i Selemia, zanak’i Kosy, ho any amin’i Baroka mba hiteny hoe: Ento eny an-tananao ny horonan-taratasy, ilay novakinao teo anatrehan’ny vahoaka, ka mankanesa atỳ. Dia noentin’i Baroka, zanak’i Neria, teny an-tanany ny horonan-taratasy, dia nankany aminy izy.

DIEM PROTESTANTA

¹⁴ Koa naniraka an’i Jehodỳ, zanakalahin’i Netanià sy zafikelin’i Selemià sady zafiafin’i Kosy ireo mpitondra fanjakana ireo mba hiantso an’i Baròka ho tonga ao aminy miaraka amin’ny horonan-taratasy eny am-pelatanany. Dia nentin’i Baròka ny horonan-taratasy ary nankany aminy izy.

Dikateny Iombonana Eto Madagasikara

¹⁴ Koa naniraka an’i Jehodỳ, zanakalahin’i Netanià sy zafikelin’i Selemià sady zafiafin’i Kosy ireo mpitondra fanjakana ireo mba hiantso an’i Baròka ho tonga ao aminy miaraka amin’ny horonan-taratasy eny am-pelatanany. Dia nentin’i Baròka ny horonan-taratasy ary nankany aminy izy.

Baiboly Protestanta Malagasy

¹⁴ Dia nirahin’ny mpanapaka rehetra Jehody, zanak’i Netania, zanak’i Selemia, zanak’i Kosy, ho any amin’i Baroka hanao hoe: Ento eny an-tànanao ny horonan-taratasy, ilay novakinao teo anatrehan’ny vahoaka, ka mankanesa atỳ. Dia nentin’i Baroka, zanak’i Neria, teny an-tànany ny horonan-taratasy, ka dia nankany aminy izy.

Malagasy Bible

¹⁴ Dia nirahin'ny mpanapaka rehetra Jehody, zanak'i Netania, zanak'i Selemia, zanak'i Kosy, ho any amin'i Baroka hanao hoe: Ento eny an-tananao ny horonan-taratasy, ilay novakinao teo anatrehan'ny vahoaka, ka mankanesa atỳ. Dia nentin'i Baroka, zanak'i Neria, teny an-tànany ny horonan-taratasy, ka dia nankany aminy izy.

La Bible en Malgache

¹⁴ Dia nirahin’ny mpanapaka rehetra i Jehody, zanak’i Netania, zanak’i Selemia, zanak’i Kosy, ho any amin’i Baroka mba hiteny hoe: Ento eny an-tananao ny horonan-taratasy, ilay novakinao teo anatrehan’ny vahoaka, ka mankanesa atỳ. Dia noentin’i Baroka, zanak’i Neria, teny an-tanany ny horonan-taratasy, dia nankany aminy izy.

Jeremia 36:14 Rohy Ifampitohizana

2Mpanjaka 25:23

Ren’ny lehiben’ny isan-toko-miaramila, dia izy sy ny olom-peheziny avy, fa hoe i Godoliasa no voatendrin’ny mpanjakan’i Babilôna ho mpanjaka, dia tonga nanatona an’i Godoliasa tany Masfà izy ireo: i Ismaela zanak’i Nataniasa; i Johanàna, zanak’i Karea; i Saraiasa zanak’i Tanehometa avy ao Netôfa, ary i Jezoniasa zanak’ilay Maakatianina, dia ireo sy ny olom-peheziny avy.

Jeremia 36:2

Mangalà horonan-taratasy ianao, ka soraty ao avokoa ny teny nolazaiko taminao, mamely an’i Israely sy i Jodà ary ny firenena rehetra, hatramin’ny andro nitenenako taminao, hatramin’ny andron’i Josiasa ka mandraka androany.

Jeremia 36:21

Nirahin’ny mpanjaka i Jodì haka ilay horonan-taratasy, dia noraisiny tao amin’ny efitranon’i Elisama, mpanoratra, dia novakiny teo an-tsofin’ny mpanjaka sy teo an-tsofin’ny lehibe rehetra nitsangana teo anatrehan’ny mpanjaka.

Jeremia 36:4

Dia niantso an’i Baròka zanak’i Nerià, i Jeremia, ka ny teny rehetra nolazain’i Iaveh tamin’i Jeremia, dia nosoratan’i Baròka tamin’ny horonan-taratasy araka ny nanononany azy.

Jeremia 40:8

dia nanatona an’i Godoliasa, tany Masfà izy ireo, izany hoe i Ismaely zanak’i Nataniasa, i Johanàna sy i Jonatàna zanak’i Karea, i Seraiasa zanak’i Tanehometa, ireo zanak’i Efoì, sy i Netofà, ary i Jezoniasa zanak’ilay Môahatianina, dia ireo mbamin’ny olom-peheziny avy.

Jeremia 41:16

Noraisin’i Johanàna zanak’i Karea mbamin’ny mpifehy miaramila rehetra nomba azy, ny vahoaka sisa rehetra izay efa nentin’i Ismaely zanak’i Nataniasa, avy any Masfà, nony avy namono an’i Godoliasa, zanak’i Ahikama izy, dia ny olona mpiady, ny zaza amam-behivavy, ary ny eonòka, ka nentiny niverina avy any Gabaôna izy ireo.

Jeremia 41:18

nanalavitra ny Kaldeanina izay natahorany, noho ny namonoan’i Ismaely zanak’i Nataniasa an’i Godoliasa zanak’i Ahikama, izay napetraky ny mpanjakan’i Babilôna, ho governoran’ny tany.

Zefania 1:1

Ny tenin’i Iaveh izay natao tamin’i Sôfônia, zanak’i Kozì, zanak’i Godoliasa, zanak’i Amariaza, zanak’i Ezekiasa, tamin’ny andron’i Josiasa, zanak’i Amôna, mpanjakan’i Jodà.

Matio 10:16

Indro Izaho maniraka anareo tahaka ny ondry eo afovoan’ny amboadia, ka mbà malina tahaka ny bibilava ianareo, ary mbà tsotra toy ny voromahailala.

Matio 10:28

ary aza matahotra izay mamono ny vatana fa tsy mahay mamono ny fanahy, fa aleo matahotra izay mahay mamarina ny vatana sy ny fanahy any amin’ny afobe.