Jeremia 22:15 - Baiboly Katolika

¹⁵ Noho ianao adalan-tsedera va no maha-mpanjaka anao? Moa tsy nisotro sy nihinana va ny rainao? Nanao ny hitsiny sy ny rariny izy, ary tamin’izany dia tsara ny zavatra rehetra taminy;

Baiboly Protestanta Malagasy 2011

¹⁵ Mpanjaka va ianao ka ataonao be sedera noho ny an’ny sasany ny tranonao? Tsy nihinana sy nisotro va ny rainao? Nefa nanao fitsarana marina izy! Nambinina izy tamin’izany.

DIEM PROTESTANTA

¹⁵ Te haneho ny maha mpanjaka ve ianao ka nifidy ny hazo sedera mba hampaningana anao? Moa tsy nihinana sy nisotro tahaka ny besinimaro ve ny rainao sady nampihatra ny rariny sy ny hitsiny? Ary nahitany hasambarana izany.

Dikateny Iombonana Eto Madagasikara

¹⁵ Te haneho ny maha mpanjaka ve ianao ka nifidy ny hazo sedera mba hampaningana anao? Moa tsy nihinana sy nisotro tahaka ny besinimaro ve ny rainao sady nampihatra ny rariny sy ny hitsiny? Ary nahitany hasambarana izany.

Baiboly Protestanta Malagasy

¹⁵ Moa dia ho mpanjaka hianao, saingy ataonao be sedera noho ny an’ny sasany ny tranonao? Tsy efa nihinana sy nisotro va rainao Sady nanao fitsarana sy fahamarinana? Tamin’izany dia nambinina izy.

Malagasy Bible

¹⁵ Moa dia ho mpanjaka ianao, saingy ataonao be sedera noho ny an'ny sasany ny tranonao? Tsy efa nihinana sy nisotro va rainao sady nanao fitsarana sy fahamarinana? Tamin'izany dia nambinina izy.

La Bible en Malgache

¹⁵ Mpanjaka va ianao ka ataonao be sedera noho ny an’ny sasany ny tranonao? Tsy nihinana sy nisotro va ny rainao? Nefa nanao fitsarana marina izy! Nambinina izy tamin’izany.

Jeremia 22:15 Rohy Ifampitohizana

2Samoela 8:15

Nanjaka tamin’i Israely rehetra i Davida, ary nitondra ny vahoakany rehetra araka ny rariny sy ny fahamarinana.

1Mpanjaka 10:9

Hankalazaina anie i Iaveh Andriamanitrao, izay mankasitraka anao, ka nametraka anao eo amin’ny seza fiandrianan’i Israely. Fa fitiavany mandrakizay an’i Israely no nametrahan’i Iaveh anao ho mpanjaka, mba hanome rariny ny olona sy hitsara azy marina.»

2Mpanjaka 22:2

Nanao izay mahitsy teo imason’i Iaveh izy, ary nandeha tamin’izay rehetra nalehan’i Davida rainy, sady tsy nivily na ho amin’ny ankavanana na ho amin’ny ankavia.

2Mpanjaka 23:25

Tsy nisy mpanjaka talohany nitodika tahaka azy amin’i Iaveh amin’ny fony rehetra sy ny fanahiny rehetra ary ny heriny rehetra, araka ny lalàn’i Môizy rehetra, ary tatỳ aoriana tsy nisy nitovy taminy.

1Tantara 3:15

Zanaka lahin’i Josiasa: i Johanàna no lahy matoa, i Jôakima no lahy aivo, i Sedesiasa no fahatelo, i Seloma no fahefatra.

2Tantara 34:2

Nanao izay mahitsy eo imason’i Iaveh izy, ka nandeha tamin’ny lalan’i Davida rainy, fa tsy mba nivily ho amin’ny ankavanana na ho amin’ny ankavia.

2Tantara 35:22

Tsy nety niodina niala taminy anefa i Josiasa, fa nanao fitafiana hafa izy hamely azy: tsy nohenoiny akory ny tenin’i Nekô, avy amin’ny vavan’Andriamanitra, fa nandroso izy hiady eo amin’ny lemak’i Magedao.

2Tantara 35:26

Ny asan’i Josiasa sisa, ny asa fitiavam-bavaka mifanaraka amin’ny voasoratra ao amin’ny lalàn’i Iaveh, ny asany voalohany sy farany, dia efa voasoratra ao amin’ny bokin’ny mpanjakan’i Israely sy i Jodà.

Ohabolana 20:28

Ny fahatsaram-po amam-pahamarinana no miaro ny mpanjaka; ary ny hatsaram-po no anamafisany ny seza fiandrianany.

Ohabolana 21:3

Ny manaraka ny rariny sy ny hitsiny, no tsara eo imason’i Iaveh mihoatra noho ny sorona.

Ohabolana 25:5

Esory ny ratsy fanahy eo anoloan’ny mpanjaka. dia hiorina mafy ny seza fiandrianany amin’ny fahamarinana.

Ohabolana 29:4

Ny mpanjaka mampiorina mafy ny taniny amin’ny fahamarinana, fa izay tia kolikoly kosa, mandrava azy.

Ohabolana 31:9

Sokafy ny vavanao, mamoaha fitsarana marina, ary omeo rariny ny ory sy ny mahantra.

Mpitoriteny 10:17

Sambatra ianao, ry tany, izay manana zanak’andriana ho mpanjaka, ary ny mpifehy homana amin’ny fotoanany mety, mba hanohana ny ainy fa tsy hiarana amin’ny fisotro.

Mpitoriteny 2:24

Tsy misy soa ho an’ny olombelona, mihoatra noho ny mihinana sy misotro, ary ny mampanarana ny fanahiny amin’ny fiadanana, eo amin’ny fanaovana ny asany. Izany indray koa efa hitako fa avy amin’ny tanan’Andriamanitra.

Isaia 3:10

Lazao amin’ny marina fa sambatra izy, satria hihinana ny vokatry ny asany.

Isaia 33:16

izany no honina any amin’ny fitoerana avo; ny trano mimanda miorina amin’ny vatolampy no fialofany, ny haniny dia homena azy; ary ny ranony tsy hanam-paharitana.

Isaia 9:7

Nandefa teny ho an’i Jakôba, ny Tompo, ary mihatra amin’i Israely izany;

Jeremia 21:12

ry taranak’i Davida: Izao no lazain’i Iaveh: Manaova fitsarana marina, hatramin’ny maraina; afaho amin’ny tanan’ny mpampahory ny ampahorîna, fandrao mipoaka hoatra ny afo ny fahatezerako, ka hirehitra tsy ho azon’olona vonoina, noho ny haratsian’ny ataonareo.

Jeremia 22:18

Noho izany, izao no lazain’i Iaveh, ny amin’i Jôakima, zanak’i Josiasa, mpanjakan’i Jodà Tsy hitomaniana izy hatao hoe Indrisy, ry rahalahy, indrisy, ry anabavy. Tsy hitomaniana izy hatao hoe Indrisy, tompoko! Indrisy, ry mpanjaka!

Jeremia 22:3

Izao no lazain’i Iaveh: «Manaova fitsarana sy fahamarinana ianareo; afaho amin’ny tanan’ny mpampahory ny ampahorîna: ny vahiny, ny kamboty, ama-mpitondratena; dia aza ratsy fitondra azy na manao an-keriny aminy, na mandatsa-dra tsy manan-tsiny amin’ity tany ity ianareo.

Jeremia 23:5

Indro avy ny andro, - teny marin’i Iaveh, - hananganako ho an’i Davida solofo marina; hitondra ny hitsiny sy ny rariny amin’ny tany.

Jeremia 42:6

na ho soa na ho ratsy, mba hiavian’ny soa aminay amin’ny fanekenay ny feon’i Iaveh Andriamanitray.»

Jeremia 7:5

Fa raha ahitsinareo ny lalanareo aman’asanareo; raha tsarainareo marina ny adin’ny olona amin’ny namany,

Lioka 11:41

Izao ihany e: manaova fiantrana araka izay anananareo, dia hadio ho anareo ny zavatra rehetra.

Asan’ny Apostoly 2:46

Nazoto niara-nankao amin’ny Tempoly isan’andro izy rehetra, sy namaky mofo tany an-tranony ary nihinan-kanina tamin-kafaliana sy fahatsoram-po,

1Korintiana 10:31

Koa na mihinana na misotro ianareo, na inona na inona ataonareo, dia ataovy ho voninahitr’Andriamanitra izany rehetra izany.

Deoteronomia 4:40

Tandremo ny lalàny sy ny didiny, izay andidiako anao anio, mba ho sambatra ianao, dia ianao sy ny zanakao manaraka anao, ary mba ho lava ny andronao, amin’ny taona mifandimby rehetra any amin’ny tany homen’i Iaveh Andriamanitrao anao.