Isaia 38:7 - Baiboly Katolika

⁷ Ary izao no famantarana omen’i Iaveh ho anao, hahafantaranao fa hotanterahin’i Iaveh izany teny nolazainy izany:

Baiboly Protestanta Malagasy 2011

⁷ Ary izao no ho famantarana ho anao avy amin’NY TOMPO, hahalalanao fa NY TOMPO hanatanteraka izay zavatra nolazainy:

DIEM PROTESTANTA

⁷ Dia novaliany hoe: «Izao no famantarana omen’ny TOMPO anao mba hahalalanao fa hotanterahiny tokoa izay nolazainy.

Dikateny Iombonana Eto Madagasikara

⁷ Dia novaliany hoe: «Izao no famantarana omen’ny TOMPO anao mba hahalalanao fa hotanterahiny tokoa izay nolazainy.

Baiboly Protestanta Malagasy

⁷ Ary izao no ho famantarana ho anao avy amin’i Jehovah, hahalalanao fa Jehovah hanao izay zavatra nolazainy:

Malagasy Bible

⁷ Ary izao no ho famantarana ho anao avy amin'i Jehovah, hahalalanao fa Jehovah hanao izay zavatra nolazainy:

La Bible en Malgache

⁷ Ary izao no ho famantarana ho anao avy amin’NY TOMPO, hahalalanao fa NY TOMPO hanatanteraka izay zavatra nolazainy:

Isaia 38:7 Rohy Ifampitohizana

Genesisy 9:13

Nataoko eo amin’ny rahona ny avako, ka ho tonga famantarana ny fanekena amiko sy amin’ny tany.

1Mpanjaka 13:3

Androtr’izay ihany, dia nanome famantarana izy nanao hoe: «Izao no famantarana fa i Iaveh no niteny: Indro fa hitresaka ny ôtely ary hiely ny lavenony eo amboniny.»

2Tantara 32:31

Tamin’ireo iraka nirahin’ny lehiben’i Babilôna, hanontany azy ny amin’ny zava-mahagaga natao teo amin’ny tany, ny hany nandaozan’Andriamanitra azy, dia ny hizahany toetra azy, mba hahalalany ny ao am-pony rehetra.

Isaia 37:30

Ary izao no ho famantarana ho anao: Amin’ity taona ity, ny vokatra avy amin’ny vary raraka an-tany no hohanina; amin’ny taona faharoa ny maniry ho azy no hohanina; fa amin’ny taona fahatelo kosa hamafy sy hijinja ianareo; hamboly tanimboaloboka sy hihinana ny vokany ianareo.