Hosea 13:7 - Baiboly Katolika

⁷ Izaho kosa amin’izy ireo, dia ho toy ny liona, ho tahaka ny pantera, hamitsahako eny amoron-dalana izy.

Baiboly Protestanta Malagasy 2011

⁷ Ho tonga toy ny liona aminy Aho; eny, toy ny leoparda amoron-dalana no hijokoako azy;

DIEM PROTESTANTA

⁷ Koa tonga toy ny liona Aho aminareo Israelita, ary koa tahaka ny pantèra mamitsaka amoron-dalana.

Dikateny Iombonana Eto Madagasikara

⁷ Koa tonga toy ny liona Aho aminareo Israelita, ary koa tahaka ny pantèra mamitsaka amoron-dalana.

Baiboly Protestanta Malagasy

⁷ Ka dia tonga toy ny liona aminy Aho, Toy ny leoparda amoron-dàlana no famitsako.

Malagasy Bible

⁷ Ka dia tonga toy ny liona aminy Aho, toy ny leoparda amoron-dalana no famitsako.

La Bible en Malgache

⁷ Ho tonga toy ny liona aminy Aho; eny, toy ny leoparda amoron-dalana no hijokoako azy;

Hosea 13:7 Rohy Ifampitohizana

Joba 10:16

Raha mba mitraka aho, enjehinao toy ny fanaon’ny liona, dia foteranao ampijaliana lozan-tany indray.

Isaia 42:13

Fa mivoaka i Iaveh toy ny lehilahy mahery; mamoha ny firehetam-pony, toy ny mpiady, mandefa akoran’ady, akora mikotrokotroka; manampatra ny heriny, handresy ny fahavalony.

Jeremia 25:38

Mandao ny fiereny toy ny liona mandao ny lobolobony izy; ny tanin’izy ireo efa hovana ho efitra, eo anoloan’ny hatezeran’ny mpandrava, eo anoloan’ny firehetan’ny hatezeran’i Iaveh.»

Jeremia 5:6

Noho izany ny liona avy any an’ala mamely azy; ny amboadia avy any an’efitra mandringana azy; ny pantera mamitsaka eo anoloan’ny tanànany, ka izay mivoaka avy ao voaviravira avokoa; satria efa maro ny hadisoany, ary efa betsaka ny fiodinany.

Fitomaniana 3:10

Mova izy amiko tsy ny orsa manotrika sy ny liona manotrika iny.

Hosea 5:14

Fa ho tahaka ny liona Aho, amin’i Efraima, ary ho tahaka ny liona tanora amin’ny taranak’i Jodà. Izaho dia Izaho no hamiravira, dia lasa mandeha; hitondra ny rembiko, ka tsy hisy haharombaka izany amiko.

Amosa 1:2

Hierona avy ao Siôna i Iaveh; ary hampandre ny feony avy ao Jerosalema Izy; ny tany fiandrasan’ny mpiandry ondry, hisaona; ary ny tampon’i Karmela, ho maina.

Amosa 3:4

Mierona any an’ala va ny liona, raha tsy efa nahazo remby? Maneno any an-davany va ny feon’ny liona tanora, raha mbola tsy nahazo na inona na inona akory?

Amosa 3:8

Efa nierona ny liona, ka zòvy no tsy hatahotra? Efa niteny ny Tompo Iaveh, ka iza no tsy haminany?

Apokalipsy 13:2

Sahala amin’ny leoparda ilay Biby hitako; toy ny tongotr’orsa ny tongony, tahaka ny vavan-diona ny vavany. Nomen’ilay Dragona azy ny heriny sy ny seza fiandrianany ary fahefana lehibe.