Genesisy 41:41 - Baiboly Katolika

⁴¹ Ary hoy i Faraôna tamin’i Josefa: «Indro atsangako hanapaka ny tany Ejipta rehetra ianao.»

Baiboly Protestanta Malagasy 2011

⁴¹ Hoy koa i Farao tamin’i Josefa: Indro, manendry anao hanapaka amin’ny tany Ejipta rehetra aho.

DIEM PROTESTANTA

⁴¹ Jereo fa efa nomeko anao ny fahefana amin’i Ejipta manontolo.

Dikateny Iombonana Eto Madagasikara

⁴¹ Jereo fa efa nomeko anao ny fahefana amin’i Ejipta manontolo.

Baiboly Protestanta Malagasy

⁴¹ Ary hoy indray Farao tamin’i Josefa: Indro, efa nanendry anao hanapaka ny tany Egypta rehetra aho.

Malagasy Bible

⁴¹ Ary hoy indray Farao tamin'i Josefa: Indro, efa nanendry anao hanapaka ny tany Egypta rehetra aho.

La Bible en Malgache

⁴¹ Hoy koa i Farao tamin’i Josefa: Indro, manendry anao hanapaka amin’ny tany Ejipta rehetra aho.

Genesisy 41:41 Rohy Ifampitohizana

Genesisy 39:22

Natolotry ny mpitandrina ny tranomaizina ho andraikitr’i Josefa ny olona rehetra tao an-tranomaizina; ary nataony tonian’izay rehetra natao tao izy.

Genesisy 39:5

Raha vantany vao notendreny ho filohan’ny tranony amam-pananany rehetra izy, dia notahin’i Iaveh ny tranon’ity Ejiptianina noho ny amin’i Josefa, ary tonga tamin’ny fananany rehetra, na an-tsaha na an-tanàna, ny fitahian’i Iaveh.

Genesisy 41:44

Ary hoy i Faraôna tamin’i Josefa: «Izaho no Faraôna, ary raha tsy teninao, tsy hisy hanainga ny tanany na ny tongony eto amin’ny tany Ejipta rehetra.»

Genesisy 42:6

I Josefa no mpanapaka ny tany ary izy no nivaro-bary tamin’ny tompon-tany rehetra. Nony tonga ny rahalahin’i Josefa dia niankohoka tamin’ny teo anatrehany.

Genesisy 45:8

Koa amin’izany, tsy ianareo no nampandeha ahy ho aty, fa Andriamanitra. Izy no nanangana ahy ho rain’i Faraôna sy ho tompon’ny tranony rehetra ary ho mpanapaka ny tany Ejipta manontolo.

Salamo 105:21

Dia natsangany ho tompon’ny tranony, sy ho mpanapaka ny taniny rehetra,

Ohabolana 17:2

Mihoatra noho ny zanaka mahamenatra ny mpanompo malina; ka hizara lova amin’izy mirahalahy izy.

Ohabolana 22:29

Mahita olona mailaka amin’ny raharahany va ianao? Ho eo anilan’ny mpanjaka no honenany, fa tsy mba hifanila fonenana amin’ny olona ambany izy.

Mpitoriteny 4:14

fa nivoa-kanjaka, avy ao an-tranomaizina izy, na dia teraka mahantra teo amin’ny fanjakany aza.

Matio 28:18

Ary i Jesoa nanatona azy ireo ka nilaza taminy hoe: «Efa nomena Ahy ny fahefana rehetra any an-danitra sy etỳ an-tany;

Asan’ny Apostoly 7:10

Fa noesoriny tamin’ny fahoriany rehetra izy, sady nomeny fahendrena, ka nankasitrahin’i Faraôna mpanjakan’i Ejipta, mbamin’izay rehetra tao an-dapany.