Nanontany ny TOMPO i Davida nanao hoe: –Hiakatra hanafika ny Filistinina ve aho? Hatolotrao eo an-tanako ve izy ireo? Dia hoy ny TOMPO namaly an’i Davida: –Eny, miakara fa hatolotro eo an-tananao tokoa ny Filistinina.
Josoa 6:2 - DIEM PROTESTANTA Dia hoy ny TOMPO tamin’i Josoa: –Indro fa atolotro eo an-tananao i Jerikao sy ny mpanjakany ary ny maherifony. Baiboly Protestanta Malagasy 2011 Ary hoy NY TOMPO tamin’i Josoa: Indro, efa natolotro eo an-tananao i Jeriko sy ny mpanjakany mbamin’ny lehilahy mahery. Dikateny Iombonana Eto Madagasikara Dia hoy ny TOMPO tamin’i Josoa: –Indro fa atolotro eo an-tananao i Jerikao sy ny mpanjakany ary ny maherifony. Baiboly Katolika Ary hoy i Iaveh tamin’i Jôsoe: «Jereo, efa natolotro eo an-tananao i Jerikô, mbamin’ny mpanjakany sy ny olo-maheriny. Baiboly Protestanta Malagasy Ary hoy Jehovah tamin’i Josoa: Indro, efa natolotro eo an-tànanao Jeriko sy ny mpanjakany mbamin’ny lehilahy mahery. Malagasy Bible Ary hoy Jehovah tamin'i Josoa: Indro, efa natolotro eo an-tananao Jeriko sy ny mpanjakany mbamin'ny lehilahy mahery. La Bible en Malgache Ary hoy NY TOMPO tamin’i Josoa: Indro, efa natolotro eo an-tananao i Jeriko sy ny mpanjakany mbamin’ny lehilahy mahery. |
Nanontany ny TOMPO i Davida nanao hoe: –Hiakatra hanafika ny Filistinina ve aho? Hatolotrao eo an-tanako ve izy ireo? Dia hoy ny TOMPO namaly an’i Davida: –Eny, miakara fa hatolotro eo an-tananao tokoa ny Filistinina.
Dia niditra ny taranany haka ny tany ho fananany, ary naetrinao teo anoloany ny Kanahanîta tompon-tany ka natolotrao ho eo an-tanany. Dia nataony araka izay nitiavany azy ny mpanjaka sy ny vahoakan’izany tany izany.
Izy no tompon’ny fotoana sy ny tantara; Izy no manonga-mpanjaka sy mananga-mpanjaka; Izy no manome ny fahendrena ho an’ny hendry ary ny fahaiza-manavaka ho an’ny mahira-tsaina.
«Amin’ny andron’ireo mpanjaka ireo ilay Andriamanitry ny lanitra no hanangana fanjakana izay tsy ho rava na oviana na oviana; ary ny fiandrianany tsy ho lasan’ny firenen-kafa. Io fanjakana io no hanorotoro sy handevona ireo fanjakana rehetra talohany, fa izy kosa hitoetra mandrakizay.
Nahita hazo iray lehibe sy matanjaka ianao, ka ny haavony nahatakatra ny lanitra; ary tazana hatrany amin’ny tany tontolo izy.
Ry mpanjaka ô, Andriamanitra Avo Indrindra no efa nahatonga an’i Nebokadnetsara rainao ho mpanjaka lehibe heni-boninahitra sy laza.
Dia hatolony eo an-tananareo koa ny mpanjakany ka ho foananareo tsy ho re laza intsony eto amin’izao tontolo izao; tsy hisy olona hahatohitra anareo mandra-paharinganareo azy.
ka niteny taminy hoe: –Fantatro fa efa nomen’ny TOMPO anareo ity tany misy anay ity ka ny mponina rehetra dia raiki-tahotra anareo sady rera-po eo anoloanareo.
Tamin’izay ny vavahadin’i Jerikao dia nihidy mafy tokoa teo anoloan’ny Israelita, ka tsy nisy olona afa-nivoaka ny tanàna ary tsy nisy afa-niditra.
Koa mandehana manodidina ny tanàna indray mandeha isan’andro ianao sy ny mpiantafikao rehetra; mandritra ny enina andro no hanaovanao izany
Dia hoy ny TOMPO tamin’i Josoa: –Aza matahotra na mivadi-po ianao. Ento miaraka aminao ny tafikao manontolo ka miaingà hamely an’i Hay. Indro fa hatolotro ho eo an-tananao ny mpanjakan’i Hay sy ny vahoaka ary ny tanànany sy ny taniny.
Ary natolotry ny TOMPO Andriamanitr’i Israely teo an-tanan’ny Israelita i Sihôna sy ny tafiny ka resiny. Dia nalain’ny Israelita ny faritany rehetra nonenan’ny Amôrita,
Moa tsy tananao ho fanananao ve ny faritany izay nomen’i Kemôsy andriamanitrao anao? Noho izany, dia zonay koa ny hitana ho fanananay izay tany rehetra nomen’ny TOMPO Andriamanitray anay.