Josoa 24:13 - DIEM PROTESTANTA

Nomeko tany izay tsy nasainareo ianareo, nomeko tanàna izay tsy naorinareo nefa onenanareo, nomeko tanim-boaloboka sy tanin’ôliva izay tsy nambolenareo nefa ihinananareo ny voany.»

Baiboly Protestanta Malagasy 2011

Ary nomeko tany izay tsy nisasaranareo sy tanàna izay tsy naorinareo ianareo dia nonina tao; ary nihinana ny avy amin’ny tanim-boaloboka sy ny tanin’oliva izay tsy nambolenareo ianareo.

Dikateny Iombonana Eto Madagasikara

Nomeko tany izay tsy nasainareo ianareo, nomeko tanàna izay tsy naorinareo nefa onenanareo, nomeko tanim-boaloboka sy tanin’ôliva izay tsy nambolenareo nefa ihinananareo ny voany.»

Baiboly Katolika

Nomeko tany tsy nasainareo ianareo sy tanàna tsy naorinareo, ary monina ao, tanimboaloboka aman’ôliva izay tsy nambolenareo, ka mihinana ny vokany ianareo.

Baiboly Protestanta Malagasy

Ary nomeko tany izay tsy nasainareo hianareo sy tanàna izay tsy naorinareo hianareo ka dia nonina tao hianareo; ary nihinana ny avy amin’ny tanimboaloboka sy ny tanin-oliva izay tsy nataonareo hianareo.

Malagasy Bible

Ary nomeko tany izay tsy nasainareo ianareo sy tanàna izay tsy naorinareo ianareo ka dia nonina tao ianareo; ary nihinana ny avy amin'ny tanim-boaloboka sy ny tanin'oliva izay tsy nataonareo ianareo.

La Bible en Malgache

Ary nomeko tany izay tsy nisasaranareo sy tanàna izay tsy naorinareo ianareo dia nonina tao; ary nihinana ny avy amin’ny tanim-boaloboka sy ny tanin’oliva izay tsy nambolenareo ianareo.

Josoa 24:13 Rohy Ifampitohizana

Eksodosy 6:8

Hoentiko any amin’ny tany izay efa nianianako tamin’ny tsangan-tanana fa homeko an’i Abrahama sy i Itsehàka ary i Jakôba ianareo. Homeko ho fanananareo izany. Izaho no TOMPO.»

Ohabolana 13:22

Ny olona tsara fanahy mamela lova ho an’ny taranany; fa ny haren’ny mpanota kosa voatahiry ho an’ny olo-marina.

Deoteronomia 19:1

Rahatrizay haringan’ny TOMPO Andriamanitrareo sady horesenareo ny firenena mpanana ny tany izay homen’ny TOMPO Andriamanitrareo anareo, dia honenanareo ny tanànany sy ny tranony.

Deoteronomia 8:7

Tany soa no efa hampidiran’ny TOMPO Andriamanitrareo anareo: dia tany misy renirano sy loharano ary rano mitoby anaty tany ka miboiboika eny amin’ny lemaka na eny an-tendrombohitra;

Josoa 11:13

Kanefa ireo tanàna rehetra niorina teny amin’ny havoana dia tsy mba nodoran’ny Israelita, afa-tsy i Hatsôra irery izay nasain’i Josoa nodorana.

Josoa 21:45

Tanteraka avokoa ny zava-tsoa rehetra nambaran’ny TOMPO tamin’ny Israelita fa tsy nisy latsaka.