Josoa 24:14 - DIEM PROTESTANTA

¹⁴ Dia hoy ihany i Josoa hoe: –Koa ankehitriny manajà ny TOMPO ka manompoa Azy amim-pahitsiana sy fahamarinana. Ario ny andriamanitra izay notompoin’ny razanareo tany ampitan’i Eofrata sy tany Ejipta, ka manompoa ny TOMPO.

Baiboly Protestanta Malagasy 2011

¹⁴ Koa ankehitriny, matahora NY TOMPO ka manompoa Azy amin’ny fahitsiana sy ny fahamarinana; ary ario ny andriamanitra izay notompoin’ny razanareo tany andafin’ny ony Eofrata sy tany Ejipta ka manompoa NY TOMPO.

Dikateny Iombonana Eto Madagasikara

¹⁴ Dia hoy ihany i Josoa hoe: –Koa ankehitriny manajà ny TOMPO ka manompoa Azy amim-pahitsiana sy fahamarinana. Ario ny andriamanitra izay notompoin’ny razanareo tany ampitan’i Eofrata sy tany Ejipta, ka manompoa ny TOMPO.

Baiboly Katolika

¹⁴ Koa matahora an’i Iaveh ary manompoa Azy amim-pahitsiana sy fahamarinana; ario ny andriamanitra notompoin’ny razanareo tany an-dafin’ny ony sy tany Ejipta, ka manompoa an’i Iaveh.

Baiboly Protestanta Malagasy

¹⁴ Koa ankehitriny, matahora an’i Jehovah, ka manompoa Azy amin’ny fahitsiana sy ny fahamarinana; ary ario ny andriamanitra izay notompoin’ny razanareo tany an-dafin’ny Ony sy tany Fgypta, ka manompoa an’i Jehovah.

Malagasy Bible

¹⁴ Koa ankehitriny, matahora an'i Jehovah, ka manompoa Azy amin'ny fahitsiana sy ny fahamarinana; ary ario ny andriamanitra izay notompoin'ny razanareo tany an-dafin'ny Ony sy tany Egypta, ka manompoa an'i Jehovah.

La Bible en Malgache

¹⁴ Koa ankehitriny, matahora NY TOMPO ka manompoa Azy amin’ny fahitsiana sy ny fahamarinana; ary ario ny andriamanitra izay notompoin’ny razanareo tany andafin’ny ony Eofrata sy tany Ejipta ka manompoa NY TOMPO.

Josoa 24:14 Rohy Ifampitohizana

Genesisy 17:1

Rehefa feno 99 taona i Abrama, dia nisehoan’ny TOMPO ka nitenenany hoe: –Izaho no Andriamanitra Tsitoha; aoka handeha eo anatrehako ianao sady tsy hanan-tsiny;

Genesisy 35:2

Dia hoy i Jakôba tamin’ny ankohonany sy izay rehetra niaraka taminy: –Ario avokoa ireo andriamani-kafa eo aminareo, ka midiova ary misoloa fitafiana.

2Mpanjaka 20:3

ary nanao hoe –TOMPO ô, tsarovy fa nitondra tena tamim-pahamarinana sy tamim-kitsimpo teo anatrehanao aho ary nanao izay tsara eo imasonao. Dia nitomany nanao ranomaso havozona i Hezekià.

Ezra 9:11

dia ireo didy nampilazainao ny mpaminany mpanomponao. Nampitandrina Ianao hoe: ‹Ny tany, izay efa hidiranareo ho fanananareo, dia maloto satria manenika azy hatraiza hatraiza ny fahalotoana sy zava-maharikoriko fanaon’ireo firenena tompon-tany.

Joba 1:1

Nisy lehilahy iray nonina tany amin’ny tany Hotsa, ka nantsoina hoe Jôba. Tsy misy hokianina sady mahitsy ary nanaja an’Andriamanitra izany lehilahy izany ka nifady ny ratsy.

Joba 28:28

Dia hoy Andriamanitra tamin’ny olona: «Ny fanajana ny Tompo, izany no Fahendrena; ary ny fialana amin’ny ratsy no fahalalana.»

Salamo 111:10

Ny fanajana ny TOMPO no loharanom-pahendrena: malina tsara izay rehetra mankatò izany. Maharitra mandrakizay ny fiderana ny TOMPO.

Salamo 119:1

Sambatra ny mahitsy fitondrantena, dia izay manaraka ny lalànan’ny TOMPO.

Salamo 119:80

Ny foko manontolo anie hifikitra amin’ny lalànanao, dia tsy ho rakotry ny henatra mihitsy aho!

Salamo 130:4

Kanefa ao aminao ny famelana mba hanajan’ny olona Anao.

Salamo 81:10

Aoka tsy hisy andriamani-kafa eo aminareo, aoka ny andriamanitra vahiny tsy hivavahanareo,

Ezekiela 20:18

«Fa hoy Aho tamin’ireo zanany tany an-taniefitra: ‹Aza manaraka ny fanaon-drazanareo ianareo na mitandrina ny fitsipiny na mandoto tena amin’ny fanompoana ny sampiny.

Ezekiela 23:3

Fony mbola tanora izy, dia efa lasa vehivavy janga tany Ejipta izay nonenany. Tany no nisafosafoana ny tratrany sy nitsapatsapana ny nonony somondrara.

Hosea 3:5

Aorian’izany ny Israelita dia hitady indray ny TOMPO Andriamaniny sy i Davida mpanjakany, ka hiverina amin-kovitra amin’ny TOMPO sy ireo zava-tsoany amin’ny hoavy.

Levitikosy 17:7

Ny sorona fanaon’ny Israelita dia tsy hatolony intsony ho an’ny fanahy ratsy miendrika osilahy, izay nanaovany fanompoan-tsampy. Lalàna raikitra ho azy ireo hatrany hatrany izany.

Mika 6:8

Tsia, ry olombelona, fa efa nampianarina anao ny fitondrantena tsara sy izay tadiavin’ny TOMPO aminao: dia ny hanao ny rariny sy handala ny fitiavana ary ny hanaraka an’Andriamanitrao amim-panetrentena.

Lioka 8:15

Ny latsaka tamin’ny tany tsara kosa dia izay mahaheno ny teny amin’ny fo tsara sy lavorary, ka mitana azy, ary mamokatra amin’ny faharetana.

Asan’ny Apostoly 9:31

Nandry feizay ny Fiangonana manerana an’i Jodea sy i Galilea ary i Samaria manontolo: nandroso tsara, nizotra tamin’ny fanoavana ny Tompo, ary nihamaro noho ny fampaherezan’ny Fanahy Masina.

2Korintiana 1:12

Izao manko no ireharehanay: ny fieritreretanay dia vavolombelona manambara fa ny fomba nitondranay tena teto amin’izao tontolo izao, indrindra teo aminareo, dia tamin’ny fahatsorana sy hitsimpo nomen’Andriamanitra; satria ny fahasoavan’Andriamanitra no nitarika anay fa tsy ny fahendren’olombelona.

Efesiana 6:24

Ny fahasoavan’Andriamanitra anie homba izay rehetra tia an’i Jesoa Kristy Tompontsika amin’ny fitiavana tsy mety lefy!

Deoteronomia 10:12

Ary ankehitriny, ry Israelita, inona moa no andrandrain’ny TOMPO Andriamanitrareo aminareo, afa-tsy ny hanajanareo AZY sy ny hizoranareo amin’ny lalana rehetra soritany ary ny hitiavanareo sy hanompoanareo AZY amin’ny fonareo manontolo sy amin’ny fanahinareo manontolo.

Deoteronomia 18:13

Aoka ianareo hifikitra tanteraka amin’ny TOMPO Andriamanitrareo.

Deoteronomia 6:13

Ilay TOMPO Andriamanitrareo ihany no hohajainareo, Izy no hotompoinareo, ary ny anarany no aoka hianiananareo.

Filipiana 1:10

mba hahaizanareo mifidy izay tsara; dia hadio sady tsy hanan-tsiny amin’ny andro hiavian’i Kristy ianareo,

Josoa 24:2

Dia hoy i Josoa tamin’ny vahoaka rehetra: –Izao no lazain’ny TOMPO Andriamanitr’i Israely: «Tany andafin’ny ony Eofrata no niorim-ponenana ny razambenareo fahiny, izany hoe ny fianakavian’i Tera, rain’i Abrahama sy i Nahôra; ary nanompo andriamani-kafa ry zareo.

Josoa 24:23

Dia nofaranan’i Josoa hoe: –Ankehitriny àry, esory ny andriamani-kafa izay eo anivonareo ka atodiho amin’ny TOMPO Andriamanitr’Israely ny fonareo.

1Samoela 12:14

Raha manaja sy manompo ny TOMPO Andriamanitrareo ianareo, raha mankatò ny teniny sy mitandrina ny didiny, dia mbola hanaraka AZY ianareo sy ny mpanjaka izay hifehy anareo.

1Samoela 12:24

Izao ihany no ataoko aminareo: hajao ny TOMPO ka tompoy marina amin’ny fonareo manontolo, ary tsarovy ny zava-dehibe izay nataony ho anareo.

1Samoela 7:3

ka nilazan’i Samoela hoe: –Raha amin’ny fonareo manontolo tokoa no hiverenanareo amin’ny TOMPO, dia atsaharo ny fanompoanareo andriamani-kafa sy fanompoanareo ny sampy Hastôreta; aoka hiraiki-po amin’ny TOMPO ianareo, ary aza manompo afa-tsy Izy irery ihany, fa hovonjeny tsy ho voagejan’ny Filistinina ianareo.